2 KORINTUS 13:11 - Nanduk Ngget Tul Pidnak Wene

¹¹ Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

2 KORINTUS 13:11 ပူးပေါင်းရင်းမြစ်များ

NDAK WIRIDNAK WENE 37:4

Iri yosola, at owerak ereba na-nen kagolar-e, at Yakup na-ge ir-e enabuwa marik tak puruk, at ambara Yusup nag-et abuwa nggoksa kasola karug-e, it insilepma-ge Yusup ebem puruk at imin-e wene-ge ndirigit lak irit woraiga-o.

NDAK WIRIDNAK WENE 45:24

Owerak ereba na wirik onposolat-nen yak ondosolar-e: ”Kir-e tu ndumu-ge yuk puk mburak pug-o” yak indij-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

MARAKUS 10:49

Nde, Yesus na ndong luk-nen yosolar-e: ”At iri wene mbo ber-o” luk yosoloma-ge, it-nen ap erengen ngguru na yak togolar-e: ”Kwiye lag-et men min-o. Wene mbo kubusu-o” luk yak tiga-o.

MARAKUS 9:50

Mayu iri-ge konag-et nde, mayu nde undu lak ala-ge, nggesa-nen tuguruk undu worak tak purag-o? Iri bem-e, kid pidsa mayu yugurik inpidnak nab-et kwat yogolar-e, kit na kit-net kundik lambuksa wolmer-o” luk yij-o.

LUKAS 9:61

Yak tosoloma, nin nap-nen yosolar-e: ”Nagawan Indo wa-e. An mbirimindik, nama woragwi nap wa yak unduruk-nen kimin neyak-nen mbiri-o yak niri-o” luk yij-o.

YOANES 17:23

Nde, it na-ge mondok misiget maklug-e, an-e it enarem woralat, nde, kar-e an narem worasola-ge, nggweyak ma nap-nen-e kat-nen an wirik nibil lobok yij-o luk enaru yogolat, kat-nen an nabuwa kaso nggal, it na enabuwa kasu-o luk enaru yogolat ma-o.

YIDNAK YIDNAK WENE 15:29

Nde iri-ge, nunggwi mende kugi amanggim pidnak min eyabi min pip ndonggoksa wat yidnak ino min mbabi yugwi min ereya-ge mondok keya burag-o. Nde, ereya mende nde keya bugupndig-e, konag-et kwarugub-o. Irir-o. Naptak wiwa-o” luk engga mbariga-o.

YIDNAK YIDNAK WENE 18:21

Are, it na keya unpuruk mbereyekluk-nen yosolar-e: ”Mbal Pem Nagawan indi-nen nde, ’Tuguruk mbiri-o’ yak norosola-ge, tuguruk kendam lobok yimin-o” luk, Epesus-nen e koma arem mbirij-o.

YIDNAK YIDNAK WENE 23:30

Nde, at yu wuruwokluk wene mbariga wene an yak norosola-ge, ar-e ndag-et nak kat keram pil lobok yigi-o. Nde, at ebem wene pili nap-nen kat kimbiri bem-et iri wene na wesera yak kuruwakluk yak indigi-o” luk engga mbarij-o.

OROMA 12:16

Kit kinndi misiget lambuksa wolmer-o. Kit kondomok kek yurak pug-o. Are, teberak yik kagwi mende iri na nggal-et tebe yurag-o. ”An-e nindi tenggerak-nen yusu-o” luk purak pug-o.

OROMA 12:18

Nde, kit-nen-e ap oboksa inmin lambuk tak nak wolmomtak iri nak peragolat wolmer-o.

OROMA 14:19

Iri bem-e nit-nen pempa kwarurag-e, lambuk tak onposo mende min ninndi uwi yak kerak mburak mende min kwaruwog-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

OROMA 15:33

Ap lambuk tak onposo elem Mbal Pem Nagawan iri-nen-e kit oboksa kinmin wolmag-o. Amen.

OROMA 16:20

Nde, lambuk tak onposo elem Mbal Pem Nagawan-nen-e ndaget nak kit kunuwok ma Sere iri na yigisa keya buwa-o. Nenagawan Indo Yesus-nen we wok ondoso elem-e kit kinmin wolmag-o.

1 KORINTUS 1:10

Nanggamirak wa-e. Nit Nenagawan Indo Yesus Kerisut unu bem nggomo kundusu-o. Kir-e kinndi misiget nak worabokluk kuri wat wat woragup naru, lambuksa woragolar-e, kinndi misiget nak woragolat, wene misiget nak yebet kagolat wolmer-o.

2 KORINTUS 1:4

Inndi yangonoso mende Mbal Pem Nagawan-nen nondomok tak wok nindidnak iri na bem-nen nit-nen na it anggun panggun nin tak nan tak enpem mbidnak nap na inndi yangunuwakluk, nit anggun panggun kagwi mende oboksa Mbal Pem Nagawan-nen-e nit ninndi yangonoso-o.

2 KORINTUS 13:9

Nir-e ndeyag-et nde, kit kenmawi ala karuk, nit nenalin nenalen kali-o. Nde, kir-e iminep mbal yobok-nen nir-e kenmanggim tepan yili-o.

EPESUS 4:12

Iri rak inpid iri-ge, marak nap oboksa-ge aid wene na ndegel puwakluk, Kerisut ebe na o wiridnak nggal wuruwakluk, lid lud tak onposolat-nen yij-o.

EPESUS 4:3

Konak Indi-nen misiget tak kinpidnak iri-ge, lambuk tak kinpidnak elem pem-et kwara tena wolmer-o.

EPESUS 6:23

Nineid Mbal Pem Nagawan min Nagawan Indo Yesus Kerisut min-nen wok ondoso lambuksa woragwi elem min ap enabuwa kagwi elem min inndi angin tubu yugwi elem min-e nennggamirak oboksa inmin wolmag-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

PILIPI 3:16

Iri alat nde, yawo-ge nit nenaru yidnak wene ndemeret wene iri bem-et waring kagolat wolmog-o.

PILIPI 4:2

Eyoria min Sintike min wa-e. Nogweyaptag-o. ”Kir-e Nagawan Indo ebem-nen kinndi misiget yer-o” luk kenmengen mbarusu-o.

PILIPI 4:4

Nagawan Indo ebem pempa pempa-t kenalin kenalen kagolat wolmer-o. Nde, tuguruk yak kendeyeg-o. Kenalin kenalen-et kagolat wolmer-o.

PILIPI 4:9

An-nen mirik konposola kenaru yigep wene min nggomo kindigi wene min an-nen yosola kuligep wene min an-nen kwarosola kaigep mende min-e iri nak kwarogolat woragup na-e. Iri kwarogola-ge, lambuksa woragwi elem Mbal Pem Nagawan-e kit kinmin wolma-o.

1 TESALONIKA 3:10

Kubu-nen lengge-nen nir-e kiri keresa at emengen mbarogolar-e: ”It inmin lambuk yogolat, it-nen kwara inndi angin tubu yigit lak iri na ndak tak unpuwokluk-nen yili-o” luk tepan yugwi-o.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 TESALONIKA 4:18

Iri bem-e, wene yu bem kit na kit-nen kinndi yanggwen kerak mbogolat wolmer-o.

1 TESALONIKA 5:13

It-nen yabu wanili na bem-e, kit-nen mondok kwara kek tak onpogolat, enabuwa ker-o. Kit na kit-net lambinik konak nak wolmer-o.

1 TESALONIKA 5:16

Pempa pempa kenalen nak kagolat wolmer-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

2 TESALONIKA 3:1

Nde, nenggamirak wa-e. Nit nenmanggim tepan yogolar-e, Nagawan Indo owene na-ge kit kennggendumu-nen kwat yid na nggal-et ndag-et nak wigak yosola, kek tak puwakluk, tepan yogolat wolmer-o.

2 TESALONIKA 3:16

Nit lambuk tak nonposo elem Nagawan Indo at-nen-e pempa yi mende ndi mende bem-e lambuksa woragwi elem wok kondosolat wolmag-o. Nagawan Indo-ge kit pidsa kinmin wolmag-o.

2 TIMOTIUS 2:22

Ap sugwe-nen ukwe ukwe yugwi mende iri keya buruk, it inndi mbek tak pem-net Nagawan Indo emengen mbarugwi nap inmin-et kwarosolar-e, lud tak nak kwarugwi mende min inndi angin tubu yugwi elem min ap enabuwa kagwi elem min lambuksa woragwi elem min nak langgal luk mbiri-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

YAKOBUS 1:4

Nde, kinndi unuk lak tak pidnak iri-nen-e iminep mbal yobokluk ndak tak konposolat, yi mende ndi mende ukwe lak tak konposolat mag-o.

1 PETERUS 3:11

Meya mende keya buruk, konak nak kwarosolat wolmag-o. Lambuksa wolmomtak elem kore yosolat, amawi kunduwag-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

NAM PARA WENE 22:21

Nagawan Indo Yesus-nen we wok ondoso elem-e kit pidsa kinmin wolmag-o. Amin-o.