2 KORINTUS 13:10 - Nanduk Ngget Tul Pidnak Wene

¹⁰ Iri bem-nen an-e erepma woralar-et nde, engga yu mbal kundusu-o. Kit kendam wok yimindig-e, Nagawan Indo-nen wok niridnak amawi iri na bem nene amawi min yak kindimin naru, yawo-net engga mbal kundusu-o. Amawi wok nirid iri-ge, kit mbud tak kunpurak pem-e lag-o. Kit mendak kunpurak pem-et wok niridnak amawi-nen yusu-o.

2 KORINTUS 13:10 ပူးပေါင်းရင်းမြစ်များ

1 KORINTUS 4:21

Kir-e ngge kwat kunpurak perali-o? Linggamburok ninggem kendam lobok yimin, lak? Are, kit kenabuwa bem nindi yangonak pem lobok yimin-a?

1 KORINTUS 5:4

Kir-e Nagawan Indo Yesus unu bem ndok worogola, an-e nindi min-et kinmin lambuksa ndok wurulndig-e, nit Nagawan Indo Yesus amawi bem-net

2 KORINTUS 10:2

An-nen kenmengen mbarusu-o: Nanggarag-o. ”Ar-e nit nendam lobok yosolar-e, amawi min-et lobok yuwag-o” luk yurak pug-o. Nit ninmin yogolar-e: ”Ir-e ki nap-nen kwarugwi nggal kwatli-o” luk nenperagwi nap na inmin-e an namawi min-et kwat unpu-ge ndag-o luk perasu-o.

2 KORINTUS 10:4

Nit wim tumburuwokluk nensan wanili iri-ge, nggweyak ma nap-nen wim pugwi san nggal-e lag-o. Are, kerep pak ndamoroso san-e Mbal Pem Nagawan amawi-net yusu-o.

2 KORINTUS 10:8

Nde, kit mberak kunpurak pem-e lag-o. Are, kit mendak kunpurak pem Nagawan Indo-nen amawi wok nindidnak iri bem an nindi kwarat kek yusu iri bem an-e ninggiri kamin pug-o.

2 KORINTUS 13:2

Kit nanduk-nen meya kwarigep nap min ap erep oboksa min-e wene yu tuguruk yak kendeyeg-o. An-e mberen pem tak posolat kendam lobok yigirik-nen yak kindigi nar-o. Yawo na nin me woralat-net nde, iri wene-ge yak kundusu-o. An misik pem tak posolat kendam lobok yosolar-e, kenabuwa-o luk keya kinpimin pug-o.

2 KORINTUS 13:8

Ndemeret wene iri na lugud tak pogolar-e, nir-e lugud tak kwarurag-e meya-o. Are, nit-nen kwatli iri-ge ndemeret wene bem-et kwatli-o.

2 KORINTUS 2:3

Iri bem-e, engga mbal kindigi iri-ge yu yosolat-nen mbarigi-o: An-e kit kendam lobok yosola-ge, an nalen tak purak nab-et nde, an nindi puru pera rak puwa-o luk-nen yigi-o. An nindi-nen yebet keneyasolar-e, an nalen kasu yu ereb-et kit na kenalen kali-o luk yebet keneyasu-o.

2 KORINTUS 6:6

Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

TITUS 1:13

Nde, at-nen kinggirid iri-ge ndemerer-o. Iri bem-e, it inndi angin tubu yidnak na tugup lak wolmaklug-e, mondok kene amawi min-et nggomo indi-o.