2 KORINTUS 12:2 - Nanduk Ngget Tul Pidnak Wene

² An naru nap, Kerisut ene wanidnak nap misig-e lengen empat belas woraige ombol nggwe-ge aid arem tap kenan ombol nggwe mondok teram iri me lek karuk lagaij-o. (Nde, iri-ge ndemeret at ebe lek karuk laidnak min yid, lak? Are, engena nak nde yij-a? An-e naru bug-o. Mbal Pem Nagawan nak aru-o.)

2 KORINTUS 12:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:12

Nde, erep-nen-e an yu me-nen mborosola-ge, Nagawan Indo Indi-nen kar-e waga an naru buk sa nin me nde kubuwa nde ma-o. Nde, erep-nen-e an-nen nde: ’Elia na-ge endeba worasu-o’ luk Akap yak timindik pem kogore yuwarik, lak ala karug-e, an nde nuruwa-o. An-e ndemeret marik pem-net Nagawan Indo erembel wanoso iri-ge karu nar-o.

1 NAGAWAN NAGAWAN-NEN KWARIDNAK WENE 8:27

Alat nde, Mbal Pem Nagawan wa-e. Kar-e ndemeret nggweyakma yu me ndak woragun, lak? Mbal pem oboksa-t nde kat wolmomtak kondoro-ge meya yusu yu-t nde, kat kerembel wanurak uwi an-nen wirigi yu arem-e nggesa-nen ndak woragun-o?

2 NAGAWAN NAGAWAN-NEN KWARIDNAK WENE 2:16

yogolar-e; ”Nit nenpe lima pulu yu-ge nenmawi worak nak worali-o. Iri ala-ge, kat keid Elia iri-ge ogwere yil mburuwog-o. Erep-nen-e Nagawan Indo Indi-nen waruk mberarik, ndobo bem, lak? Are, mbirikmu, lak? ereba me nde mberak pidnak worasu nde kwat ma-o” luk yak tiga-o. Alat nde, Elia-nen yosolar-e; ”Mbururag-e lag-o” luk yak indij-et nde,

NDAWI ENGGA 148:4

Mbal mondok kek tak teram eid wa-e. At nak erembel wani-o! Mbal ombol pem worasu yi wa-e. At nak erembel wani-o!

LUKAS 24:51

Imbiringgat tak onposolat ereya na-net it na keya unpuruk, aid arem lek karuk lagaij-o.

YOANES 6:56

An nebe min neyabi min nasu nab-e at-nen an narem worala, an-nen na at arem-et worasu-o.

YIDNAK YIDNAK WENE 14:6

Wene mbariga iri na enaru lug-e, wirik inpidnak nap mberen na-ge kwiye mborogolar-e, o Likaonia nggweyak pem o siri Listera min Nderebe min o siri ereya inggi inggi ereba nggwe mbiriga-o.

YIDNAK YIDNAK WENE 22:17

Iri rak puruk, an-e nijok lem Yerusalem lobok yigirik, Mbal Pem Nagawan ama-nen tepan yosolat worasoma-ge, nuruk-net nde nabi nggwe nggal kasolar-e,

OROMA 16:10

Kerisut ebem mamak puruk woragaid nap Apeles na min Aritobulus ama woragwi nap min inmin-e ”Wa yak kindij-o” luk yak undurag-o.

OROMA 16:3

An nimin totno Kerisut Yesus eyabu misiget erep wanugwi Periska min Akwila min inmin-e ”Wa yak kindij-o” luk yak undurag-o.

OROMA 16:7

An nelem nap an totno o kubu me ninpil nggwidnak nap Andoronikus min Yunias min inmin-e ”Wa yak kindij-o” luk yak undurag-o. Mberen nap iri-ge wirik inpidnak nap ennggenggerak-nen unnu kek tak pidnak nap-nen yili-o. An-e awo Kerisut ebem nindi angin tubu yigit lak ma-net it nanduk inndi angin tubu yidnag-o.

OROMA 16:9

Nit ninmin totno Kerisut eyabu misiget erep wanugwi Urabanus min nanggam nindi kundik Itakis min inmin-e ”Wa yak kindij-o” luk yak undurag-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

2 KORINTUS 11:11

An-nen kit kenabuwa kagit lak yosolat-nen yigi-a? Lag-o. An-nen kenabuwa kaso iri-ge Mbal Pem Nagawan aru-o.

2 KORINTUS 13:5

Kit na kit-net kinndi mbenarer-o. Kir-e ndemeret kinndi angin tubu yidnak pem tugup lak worali, lak? luk kondomok kinndi ngarer-o. Kerisut Yesus-e nit nenarem worasu-o luk kenaru yili, lak? Nde, Yesus-e kenarem lak ala-ge, mborok tak pigep pem-nen-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

NGGALATIA 1:22

Nde, Yurea woragwi Kerisut-nen lambuk tak inpidnak nap-nen-e an yenggerak neyagit lak woraiga-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

EPESUS 4:10

Nde, mbuwagaid nap iri na-t mbal oboksa ombol nggwe terak menna lagaid iri-ge, yi mende ndi mende oboksa at-net ndak ndak tak peyekluk-nen lagaij-o.

TUGURUK YIDNAK WENE 10:14

Nagawan Indo Kenmbal Pem Nagawan-nen winde yosolar-e, mbal tap amberam kuri min nggweyak min nggweyak ma woraso oboksa min-e at arengge-nen yusu-o.

1 TESALONIKA 4:17

Iri luk, nit nunluk wulmul nab-e it inmin lambuk luk, nggan nggan arem lagolar-e, teram iri me-nen Nagawan Indo imin lambuk mul-o. Iri lug-e, Nagawan Indo imin pem-et woralik nalik wulmul-o.

IBERANI 4:14

Iri ala-ge, Mbal Pem Nagawan Ambara Yesus, nit nentepan ombo nggulok na-ge Mbal Pem Nagawan eram aid arem iri me nggwidnak me, nit ninndi angin tubu yidnak na-ge mondok puksa tena wolmog-o.

IBERANI 9:24

Nde, Kerisut-nen O Mondok Marak Sa iri me nggwid iri-ge, ininggi-nen wiridnak wi iri na me nggwij-e lag-o. Nde, ininggi-nen wiridnak wi iri-ge ndemeret wi-ge aid arem worasu iri ut mimirik-nen yusu-o. Alat nde, at-nen-e aid arem iri me-t nggwij-o. Nggwarig-e, nit nonowene mbarurak pem ar-e yawo-ge Mbal Pem Nagawan eram worasu-o.

NAM PARA WENE 1:10

Nde, Nagawan Indo-nen idnak tarem-nen-e Konak Indi an narem nggosola-ge, an nombol nggwe-nen ene nggulok mbi, posid poba ene nggal, iri-nen wene yosola, kuligi-o.

NAM PARA WENE 12:5

Nde, kwe na-nen-e li ap posid wangun pem ap enlem oboksa tena unpuruk wolmomtak nap li ap irit ndagaij-o. Alat nde, la na-ge kwe iri na inggem mengga Mbal Pem Nagawan eram Mbal Pem Nagawan koreyak woraso sa urugwe nggwe pil mbiriga-o.

NAM PARA WENE 4:2

Ereya na-net Konak Indi narem nggwij-o. Nggosola-ge, yik kaginggal-e, aid arem iri me nagawan koreyak woraso ondoro mbi kagi-o. Nde, iri na bem-e ap mbi koreyak kagi-o.