2 KORINTUS 12:14 - Nanduk Ngget Tul Pidnak Wene

¹⁴ Yawo kenan pem tak posolar-e, an-e kit kendam lobok yurak pem lid lud tak puruk worasu-o. Nde, kit kenarengge wanosolat, angin tak kinpimin pug-o. An-e kit kenarengge ukwe-nen yusu-ge lag-o. Kenpe perak nde nindingen keneyasu-o. Nde, li marik-nen it ineid iniya enmanggim silobulo ndok wurugwi bug-o. Are, ineid iniya-nen perak nde inlirak enmanggim silobulo ndok wurugwi-o.

2 KORINTUS 12:14 ပူးပေါင်းရင်းမြစ်များ

NGGOMO WENE 13:22

Konak nab-e at arengge mende-ge at omborak enmanggim keya boso-o. Alat nde, meya yoso nap iri na arengge ndak worak woraso iri-ge lud tak nak woraso nap iri na arengge ma-o.

YESKIEL 34:2

”Nggweyakma nap, lak yoso wa-e. Isarael nap nagawan nagawan ereba innggiri wiri-o. It yak ondosolar-e, Nagawan Indo Mondok Kek tak an-nen it yak undusu wene yu kwara yak indi-o: ’Isarael nap yik eneyarok woragwi nap wa-e. Kir-e kit kondomok kenmanggim nak nggok tak pili-o. Alat nde, kit konlomba amanggim-e nggok tak pili bug-o. Iri kwatli bem-e mondok lak tak kinpimin-o.

YIDNAK YIDNAK WENE 20:33

Ap misik ebem-o luk tet perak tol ala na, emas tol ala na, yurugwi sum ala na an-e ukwe ukwe yigit lag-o.

1 KORINTUS 10:24

Ap misik-nen at ondomok amanggim nak ndugururak pug-o. Are, ap erep enmanggim-et ndugururag-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 11:34

Kit ndok witli iri-ge meya rak kunpurak pem ndok wurugup naru, ta-nen nde nere ala-ge, ama-nen nujwag-o. Nde, wene ereb-e an lobok yimindik-nen konimin-o.

1 KORINTUS 16:5

Nde, an-e Makeronia nandug-et mbururak peragirik me, an-e Makeronia wi nggwe-nen-e kit kendam lobok yimin-o.

1 KORINTUS 4:19

Alat nde, Nagawan Indo-nen: ”Iri me mbiri-o” yosola-ge, an-e ndaget nak kit kendam lobok yimindig-e, it enambik-nen kek yili nap-nen yugwi wene nak kulimin-e lag-o. Are, it enmawi yidnak min-et kamin-o.

1 KORINTUS 9:12

It erep-nen perak nde kit kinmin-e ”Wog-et nunduwa-o” perali-t nde, nit wok nundurak iri-ge ndak-nen yusu yu-ge kali bug-a? Alat nde, nit-nen-e ”Wok nender-o” yigir-e lag-o. Are, Kerisut-nen idnak aid wene-ge tu nggelak pul naru, angin kagolar-et nde, puk nak woraige-o.

1 KORINTUS 9:18

Iri bem-e onggo-ge no mende wanimin-o? Nde, onggo-ge; we onggo lag-et aid wene tumburusu irir-o. ”Aid wene yak kindidnak pem onggo wok nerer-o” yurag-e ob-et nde, an-e iri yoso bug-o.

1 KORINTUS 9:19

An-e wisirik nibidnak nab-et nde, ap kwarat wok enpeyekluk, it pidsa ndegel onposo nap kwat yusu-o.

2 KORINTUS 1:15

An-e wene yu mondok naru worasu bem-e, kir-e mberen pem tak posolat kenalen tak purak pem nandug-et kit kendam lobok yurak perasolat woragi-o.

2 KORINTUS 11:9

Nde, an kit kinmin woralat norol lak woralar-e, ap misiget ter-o luk kenpem tol nggi yigit lag-o. An-nen ukwe yidnak mende oboksa-ge nenggamirak Makeronia-nen lobok yidnak nap iri-nen wok niriga-o. Kit kenpem angin pimin naru, yi mende ndi mende bem an nindi-n luruk puruk worakmu, nde, abok na iri nggal-et kwarosolat woramin-o.

2 KORINTUS 12:13

Lambuk tak inpidnak nap erep iri konak kwat onposolar-et nde, kit no mende bem-nen meya nggal kwat kinpigi-o. Angin tak konposolat-nen ”Yongga nerer-o” luk yak kindigit lak yigi iri bem-nen meya rak kinpigi-a? Iri kwat konposolat meya kwat kinpigirik me, wiwa-o.

NGGALATIA 4:19

Nilirak kenabuwa worak wa-e. Kwami-nen li ndakolat yane wurugwi nggal, iri nggal-et Kerisut abage kit kenarem kwat makluk, an-e nilirak kit kenpem yane wurusu-o.

PILIPI 4:1

Iri bem-e nowe nowosi wa-e. An-e kit kenabuwa kwarat kasolar-e, an nindi kundugu kit kenpem worasu-o. Kir-e an nalen min an nuwirik menda min-nen yili-o. Nowe nowosi kenabuwa worak wa-e. Kir-e Nagawan Indo ebem-et tugup lak wolmer-o.

PILIPI 4:17

Nde, an-nen-e silobulo we wok nururak iri nggok tak pusu-ge lag-o. Are, kit-nen silobulo wok niridnak pem-nen Mbal Pem Nagawan-nen terak menna wok kunduwakluk-nen yusu-o.

1 TESALONIKA 2:11

Nde, nir-e kit kenariktak kwat konpogolar-e, ineidtak-nen it ondomok inlirak kwat unpugwi nggal-et kwat kinpige na-ge kenaru nar-o.

1 TESALONIKA 2:8

Nir-e kit kenabuwa mondok kwarat iri-nen ndowaga Mbal Pem Nagawan-nen idnak aid wene nak tembesa wok kundurag-e lag-o. Are, nit nenpe min-et wok kundurag-e te-t woraige-o. Nir-e kit kenabuwa kwarat kagolat woraige-o.