2 KORINTUS 11:9 - Nanduk Ngget Tul Pidnak Wene

⁹ Nde, an kit kinmin woralat norol lak woralar-e, ap misiget ter-o luk kenpem tol nggi yigit lag-o. An-nen ukwe yidnak mende oboksa-ge nenggamirak Makeronia-nen lobok yidnak nap iri-nen wok niriga-o. Kit kenpem angin pimin naru, yi mende ndi mende bem an nindi-n luruk puruk worakmu, nde, abok na iri nggal-et kwarosolat woramin-o.

2 KORINTUS 11:9 ပူးပေါင်းရင်းမြစ်များ

YIDNAK YIDNAK WENE 18:3

Nde, it iri-ge at-nen wanoso nggal yabu misiget erep wanugwi nap ala, inmin woralar-e, lambuksa-nen o lije wururak sum panggarogolat woraiga-o.

YIDNAK YIDNAK WENE 18:5

Nde, Silas min Timotius min-e Makeronia-nen wok yogola-ge, Paulus na-ge pempa aid wene yik tenak woralat-nen Yawuri nap yak ondosolar-e: ”Yesus iri-ge Mesias-nen yusu-o” luk kenggera yak ondosolat woragaij-o.

YIDNAK YIDNAK WENE 20:33

Ap misik ebem-o luk tet perak tol ala na, emas tol ala na, yurugwi sum ala na an-e ukwe ukwe yigit lag-o.

OROMA 15:26

Nde, lambuk tak inpidnak nap Makeronia woragwi min Akaya woragwi min-nen-e Yerusalem woragwi Mbal Pem Nagawan-nen len inpidnak nap ennggendumu insilobulo lak nap iri na yongga undurak uwang ndok wurul-o luk inndi misiget luk, wene mbariga-o.

1 KORINTUS 16:17

Sepanus min Porotunatus min Akaikus min lobok yidnak pem nalen kwarat kasu-o. Kit kondolmasa it-nen yongga niriga-o.

2 KORINTUS 6:4

Are, yi mende ndi mende bem nir-e ndemeret Mbal Pem Nagawan ndegel ubugwi nap nenpage-t neneyujwaklug-e, andi bandi kagolat na, angin worak mende nenpem mbosola na, ninndi kabak ala na, nir-e ninndi kwara luruk puruk woragwi-o.

2 KORINTUS 9:12

Kit-nen lubug-et timbitli iri-ge marak nap inndi kabak yidnak mende na ndak tak unpurak pem nag-e lag-o. Are, Mbal Pem Nagawan wa yak togolar-e, mondok kwarat wiwa-o yak turak amanggim min-er-o.

PILIPI 2:25

Nandug-er-e an nanggam yabu misiget erep wanogolat, wim misiget erep tomborogolat yoso nap, nonowot Epapororitus na-ge kit kendam ibil-et lobok yimin-o. At iri-ge an yongga nuruwakluk kit-nen ibil lobok yigep nar-o.

1 TESALONIKA 2:6

Nggweyak ma nap, kit-nen na irit, ap erep-nen na irit nentembel wanurak pem nenmawi kundili-ge lag-o. Nir-e Kerisut-nen wirik ninpidnak nap-nen yili me, ”Iri nggal kwaru-o” luk yak kundurag-e ndag-et nde, larok yige-o.

1 TESALONIKA 2:9

Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

IBERANI 11:37

Nde, ap ereb-e kerep pem ondogolat, ereb-e nggere nggere bem mbal onpogolat, ereb-e yalawi bem mondok ondogolat yiga-o. It na waring kagolar-e, unsum-e lomba wam aboro min kambing wam aboro min yorogolat, ontol lak nap yogolat, lel mberel onpogolat, andi bandi rak onpogolat kwat onpogola, waring kaiga-o.