2 KORINTUS 11:31 - Nanduk Ngget Tul Pidnak Wene

³¹ An-nen yusu wene yu-ge nenesiget yusu-ge lag-o. Nagawan Indo Yesus Eid Mbal Pem Nagawan-e aru-o. At unu-ge kek tak irit woralik nalik wolmag-o.

2 KORINTUS 11:31 ပူးပေါင်းရင်းမြစ်များ

NEMIA 9:5

Nde, iri tarem Nagawan Indo erembel wanugwi iri-ge it Lewi nap ya-nen tel kwiriga-o: Yesua, Katmiel, Mbani, Asapneya, Serebeya, Ondia, Sebania, Petaya it yu-nen yogolar-e: ”Menluk-nen Nagawan Indo Nenmbal Pem Nagawan nak kek tak puwog-o! Pempa at nak kek tak pogolat wolmog-o! At unu nggok kek tak iri nak mondok kek tak puwog-o. At kek tak ubugwi ereba-ge teberak puruk, At unu-ge terak minik kek tak-net yusu-o” luk yiga-o.

YOANES 10:30

An min Neid min-e misiget nak-nen yusu-o” luk yak indij-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

OROMA 1:25

It iri-nen-e lud tak nak kwaroso Mbal Pem Nagawan na keya buruk, ondolma-ge enesiget wene pogolat, Ndak Woroso Nap erembel wanurak na keya buruk ondolma-ge at-nen ndak worak pidnak tengge erembel wanogolat yiga-o. Ndemerer-e Ndak Woroso Nap nak erembel wanogolat woralik nalik momtak na-t nde-o. Amen.

OROMA 1:9

An tepan yosolar-e, pempa kenmanggim yoso-o. Nde, an-nen yusu yu-ge ndemeret yusu-o luk Mbal Pem Nagawan-nen kenggel kunduwa-o. An-e at Ambara-nen idnak aid wene iri ninndi bem-net yak ondosolat ndegel pusu Mbal Pem Nagawan iri-nen kenggel kunduwa-o.

OROMA 15:6

Yongga kondosola-ge, kir-e kinndi min kenne min misiget nak woragolar-e, kit pidsa Nenagawan Indo Yesus Kerisut Eid Mbal Pem Nagawan nak erembel wanogolat worabog-o.

OROMA 9:1

An-e Kerisut arengge me, an-nen yak kundusu wene yu-ge ndemeret yak kundusu-o. Nenesiget yusu-ge lag-o. Konak Indi-nen an nindi mul tosola, an narem yebet kaso iri-nen-e: ”Kar-e ndemeret wene nak yusu-o” luk yak nurusu-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

2 KORINTUS 1:23

An-nen yimin wene yu-ge: ”Ndemeret wene-o” luk kungguruwak-nen an-e Mbal Pem Nagawan wene mbo busu-o. An nindi ar-e aru-o. An-e kit kenabuwa-nen Korintus iri me lobok yurak yigi-t nde, larok yigi-o.

2 KORINTUS 1:3

Nenagawan Indo Yesus Kerisut eid Mbal Pem Nagawan iri-ge, ap unpud kaso Nineid pem ap inndi yangonoso elem-e Mbal Pem Nagawan at nak erembel wanuwog-o.

2 KORINTUS 11:11

An-nen kit kenabuwa kagit lak yosolat-nen yigi-a? Lag-o. An-nen kenabuwa kaso iri-ge Mbal Pem Nagawan aru-o.

NGGALATIA 1:20

An-nen mbal kundusu wene yu-ge mondok ndemerer-o. Mbal Pem Nagawan imbiri bem me, nenesiget yusu-ge mondoklag-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

EPESUS 3:14

Iri ala karuk, an-e Nineid eram nendaru yunggusa koreluk, tepan yusu-o.

KOLOSE 1:3

Nir-e pempa kit kenmanggim tepan yogolar-e, nit Nenagawan Indo Yesus Kerisut Eid Mbal Pem Nagawan imin-e wa-o luk pempa yak tili-o.

1 TESALONIKA 2:5

Nde, nit-nen-e kit kinndi wanuwokluk wene konak nak yak kondogolat, kinsilobulo luruwokluk-nen wene konak nak yak kondogolat yige-ge lag-o luk kir-e mondok kenaru nar-o. Nde, Mbal Pem Nagawan-nen na aru-o.

1 TIMOTIUS 1:11

Ndemeret wene iri-ge mondok erembel wanugwi kek tak Mbal Pem Nagawan-nen idnak Konak Wene-ge an-nen yuwakluk nebem pidnak wene iri-nen yusu-o.

1 TIMOTIUS 1:17

Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

1 TIMOTIUS 6:16

At arig-et nak wat yoso buk-nen yusu-o. Ap-nen panggosa eram wok yugwi buk yaya bem woraso-nen yusu-o. Ap misiger-o luk tet mondok eyagwi bug-o. Iri-nen na ap-nen at eyudtak na meya-o. At unu nak kek tak pugwi min at amawi min-e pem-et worasolat nasolat mag-o! Amen.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.