2 KORINTUS 11:3 - Nanduk Ngget Tul Pidnak Wene

³ Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

2 KORINTUS 11:3 ပူးပေါင်းရင်းမြစ်များ

NDAK WIRIDNAK WENE 3:1

Nagawan Indo Mbal Pem Nagawan-nen ndak worak pidnak towe mena sil waro ereba na enggendumu-nen mondok indi nggat nggat kwiye worag-e waro irit woragij-o. Nde, waro na-nen kwe na kin wok posolar-e: ”Nde, Mbal Pem Nagawan-nen-e yapmu yu me worasu e yeba engen mbi-ge ’Norak pug-o’ luk yak kindid, lak?” luk kin wok ibij-o.

NDAK WIRIDNAK WENE 3:13

Yosoloma-ge, Nagawan Indo Mbal Pem Nagawan-nen kwe iri na kin wanosolat-nen yosolar-e: ”Kar-e noluk-nen iri kwarigen-o?” yak tosoloma-ge, Awa-nen yosolar-e: ”An-e waro-nen nemberam lasola-nen ninggirig-o” yij-o.

NDAK WIRIDNAK WENE 3:20

Nde, Aram-nen ogwe unu yarosolar-e, Awa yarid iri-ge kwe iri-ge yi ap ndi ap oboksa iniya eremwak kwat yosola-nen yarij-o.

NDAK WIRIDNAK WENE 3:4

Yosoloma, waro na-nen wene onggo yosolar-e: ”Iri-ge enesiget yij-o. War-e yugup pug-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

OROMA 12:8

Ap inndi eyak wururak wok tidnak nde ala-ge, ap inndi eyak worosolat wolmag-o. Nde, at arengge ap tembesa wok undurak wok tidnak nde ala-ge, indi mbek tak pem-et wok ondosolat wolmag-o. Nde, ap lit eneyaruk nurak wok tidnak nde ala-ge, eberari lag-et ap lit eneyaruk nosolat wolmag-o. Nde, ap enabuwa kudtak wok tidnak nde ala-ge, alen min-et ap enabuwa kasolat wolmag-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

2 KORINTUS 11:29

Ap misik-nen nde ndeyak ala-ge, an na ndeyag-et yoso-o. Ap misik-nen nde oro-nen mbud luk, meya yosola-ge, an na nindi puru kwarat yoso-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

NGGALATIA 1:6

Kir-e Kerisut-nen we wok ondoso elem pem-net wene mbo kinpid nap na ndaget nak keya buruk, nden karuk nin aid wene langgal luk mbitli iri bem an-e wi yusu-o.

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

NGGALATIA 3:1

Wid inndi worak Nggalatia nap wa-e! No mende kenarem nggwij-o? Yesus Kerisut na e lang pang tak pem wat yidnak wene kinmbiri bem nam-et yak kindidnak nar-o!

NGGALATIA 4:11

An-e kit kennggendumu yabu wanosolat woragi-ge ebe lak mende nde ma-o luk, numud keneyasu-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

EPESUS 4:22

Iri bem-e, kir-e nanduk-nen kwarogolat woragwi kenpage iri na mondok keya ber-o. Nanduk-nen kwarugwi kenpage iri-ge at-nen ukwe ukwe yoso bem-e at na at-net kabak tak obosolat, meya yik korasu-o.

EPESUS 6:24

Nenagawan Indo Yesus Kerisut abuwa kagolar-e, mondok lak yoso buk abuwa iri na bem abuwa kali nap oboksa enpem-e Mbal Pem Nagawan-nen we wok ondoso elem-e it inmin wolmag-o.

KOLOSE 2:18

Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

KOLOSE 2:4

Iri ala, ap misiger-o luk tet-nen konak wene yak kondosolat konmbol pem lujwa naru-nen an-e wene yu yak kundusu-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

1 TESALONIKA 3:5

Iri bem-e, an nindi wolmom puk ala, kit kinndi angin tubu yidnag-e ngge kwarak worali-o luk naru yekluk Timotius wirik ibil lobok yigi iri-o. Sere-nen kit kenarem woraga pil ngguwama, nit-nen wanidnak yabu-ge ebe lak mende ma-o luk numud-nen yigi-o.

1 TIMOTIUS 1:3

Nde, an-e Makeronia nggwe mbereyekluk yosolar-e, ”Kar-e mondok Epesus wolmin-o” luk yak kirigi nar-o. Nde, Epesus woralar-e, iri me-nen ap kabak tak unpugwi wene mul indili nap ereba na inmin-e ”Wene iri yurak pug-o” luk met unpurag-o.

1 TIMOTIUS 2:14

Iri-nen-o Aram na ombol pem lagit lag-o. Are, kwe Awa na ombol pem lasola-ge, kwe na-ge Mbal Pem Nagawan ene kuruk tamu-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

TITUS 1:10

Ap kwarat-nen yidnak yidnak kwarigit lak yili-t nde, it ennggendumu ap kwarar-e it Yawuri nap iniye ambasap wabugwi wene tena woraiga nap irir-o. It-nen yugwi ebe lak wene iri na-nen-e ap ereb-e kabak tak inpili-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

2 PETERUS 3:17

Alat nde, nanggamirak kenabuwa worak wa-e. Wene yu-ge kir-e kenaru nar-o. Iri bem-e, Mbal Pem Nagawan-nen yidnak wene kwarugwi buk nap-nen kabak woragwi ndak ndak kabak tak konpogolat, kit-nen tugup lak tena woragwi na kabak tak kunpuwa naru, kwil kwalsa wolmer-o.

2 PETERUS 3:3

Mondog-et kit-nen yeberak wolmomtak wene nggulog-e yu-o. Woroksiyem woragolar-e, it ondomok inndi-n pidnak ukwe akwe yugwi nak kwarogolar-e, ap nggweyel unpugwi nap na men yogolar-e, kit nggweyel kunpuwa-o.

1 YOANES 2:18

Nilirak wa-e. Woroksiyem-e panggo yij-o! ”Kerisut imin sirid nab-e lobok yuwa-o” luk yak kindiga na-ge yawo-ge Kerisut imin sirid nab-e kwarat men yigarik me, iri bem-nen worok tak purak tarem panggo yusu-o luk nenaru yili-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

NAM PARA WENE 12:15

Iri luk, waro na-nen-e kwe na yi-nen wanuwakluk, waro na emendam nggwe-nen yi-ge kwe na ambigit nggwe mbuk yaga wirik pij-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 20:2

Mbuwasolar-e, nanduk woraso waro iri na-ge unu-ge Sere, are, kugi iri na tenasa olengen seribu wolmakluk kere kamarak ibij-o.