2 KORINTUS 11:23 - Nanduk Ngget Tul Pidnak Wene

²³ Ir-e Kerisut ndegel ubugwi nap-nen yili-a? Ap indi wawa-nen yugwi nggal yimin-et nde, it na ndegel ubugwi-t nde, an-e terak menna ndegel oboso-o. It yabu-ge mariget waniga-t nde, an perak nde yabu kwarat wanigi-o. Ir-e siyag-et linggamburok undugwi-t nde, an perak kwarat pem linggamburok nurugwi-o. Ir-e misik tarem nggal-et o kubu me inpil nggugwi-t nde, an-e kwarat pem o kubu me nibil nggugwi-o. An-e kwarat pem wat yugwi tu nggambut mu wok yukmu-o.

2 KORINTUS 11:23 ပူးပေါင်းရင်းမြစ်များ

YEREMIA 36:5

Iri rak puruk, an-nen wene Mbaruk ebem posolar-e: ”An-e Nagawan Indo ama-ge ’Mondok nggurak pug-o’ yak niridnak me,

YIDNAK YIDNAK WENE 14:19

Alat nde, Yawuri nap ereb-e Antiokia min Ikonium min woragwi nap wok yogolar-e, o iri nap kwarat ereba na enarem worakola, it enambigit yogolar-e, Paulus-e kerep pem wutlug-e, ”Wat yamu-o” perarug-e, lit kuruk o siri leget ombol nggwe pil mbiriga-o.

YIDNAK YIDNAK WENE 20:23

Konak Indi-nen kenggera yak norosolar-e: ’Kar-e o siri nin me wok nin me wok waring kasola-ge, o kubu me kuburak min andi bandi rak kuburak min kat kabuwok pak tak worasu-o’ luk yak nurusu-o.

YIDNAK YIDNAK WENE 21:11

At iri-ge nit nendam lobok yosolar-e, Paulus esani are wanosolug-e, at ambikpebe inggi ijok kamarosolat-nen yosolar-e: ”Konak Indi-nen yu nggal yusu-o: ”Yerusalem-nen tani are yu ombo-ge Yawuri nap-nen iniksa-t kamat uburuk, kegera enlem nin nap ininggem puwa-o’ ” luk yij-o.

YIDNAK YIDNAK WENE 25:14

Wok luk, it enmberek iri me kwarat nggal woragola karug-e, Pestus-nen Paulus owene-ge nagawan iri kenggera yak tosolar-e: ”Pelik-nen o kubu me ibil ngguruk, keya buruk mbiridnak nap mbi worasu-o.

YIDNAK YIDNAK WENE 27:1

Nde, nir-e e koma arem Italia mbururak wene-ge it-nen mbarogolug-e, Paulus min kamat inpidnak nap erep min-e Kaisat-nen idnak san winde wari mbi unu-ge Yulius iri na inggem inpiga-o.

YIDNAK YIDNAK WENE 28:16

Nde, nir-e Oroma wok yogola-ge, Paulus na yak togolar-e: ”Kat yik keyarok wolmomtak san winde misik imin nak karik kuwi wolmomtag-o” luk yak tiga-o.

YIDNAK YIDNAK WENE 28:30

Molengen lasolat mbosolat mberen pem woralar-e, Paulus-e at ambik-nen onggo pidnak o iri na me woralar-e, at eram lobok yidnak nap pidsa wok onposolat woralar-e,

YIDNAK YIDNAK WENE 9:16

Nde, an nunu bem ala, at ebem andi bandi mbumomtag-e an-net mirik ibimin-o” luk yak tij-o.

OROMA 8:36

Mbal Pem Nagawan engga mbarak pem-nen yosolar-e: ”Kat kebem ala, pempa nir-e wat yidnak waring kali-o. Wururak lomba wam kwat ubu nggal kwat ninpili-o” luk yij-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

1 KORINTUS 3:5

Nde, Apolos-e no nab-o? Paulus-e no nab-o? Nit mberen iri-ge Mbal Pem Nagawan ndegel ubugwi nap-nen yili-o. Nde, Nagawan Indo-nen at eyabu nenarik tak nenpem pidnak ala, nit-nen ndowaga kinndi angin tubu yigeb-o.

1 KORINTUS 4:1

Ap-nen yik neneyagolar-e, Kerisut ndegel ubugwi nab-er-o luk nenperagolat, Mbal Pem Nagawan-nen kura bidnak wene tena woragwi nab-er-o luk nunpurujwag-o.

1 KORINTUS 4:11

Yawo-ne na nir-e mburu nere kagolat, yi nere kagolat, nunsum na ndelak nak yorogolat, nondogolat, nondoro kwasa woragit lak yogolat,

1 KORINTUS 4:9

An-nen perasolar-e, Mbal Pem Nagawan-nen-e wirik ninpidnak nap nir-e mondok abok tak nonposolar-e, ap inmbiri bem unduwakluk enpem wene mbarak pidnak nap nggal tak nunpuruk, nggweyak ma mende pidsa, aid nap na irit ap na irit enlengen nit nak yik niniyujwakluk, abok tak ninpij-o luk perasu-o.

2 KORINTUS 10:7

Kit-nen ap eneyagolar-e, entare nak kali-o. Ap misik-nen nde at indi yebet kasolar-e: ”An-e ndemeret Kerisut arengge-nen yusu-o” luk perasolar-e, at iri-ge tuguruk yebet kujwag-o. At iri-ge Kerisut arengge-nen yusu nggal, nit-nen na iri nggal-et Kerisut arengge-nen yili-o.

2 KORINTUS 11:5

Wirik inpidnak nap ereba-ge ija lombog-et nde, an nindi-nen perasolar-e, an na it inmin ndak ndak-nen yusu-o.

2 KORINTUS 3:6

At nak-nen nenpem tak pidnak pem-nen nir-e ngget urul pidnak wene iri na ndugurugwi nap-nen yili-o. Urul pidnak wene iri-ge engga bem mbaridnak imiri mbarak pidnak wene-nen yusu-ge lag-o. Are, Konak Indi-nen idnak-nen yusu-o. Engga bem mbaridnak imiri mbarak pidnak wene iri-ge ap worak onposo-t nde, Konak Indi-ge ap unluk tak poso-o.

2 KORINTUS 4:11

Yesus uruk yidnag-e luru koreyak nap nit nenpem nam maklug-e, nit nunluk woragolar-e, Yesus ebem ala, pempa wat yugwi elem inggem pidnak worali-o.

2 KORINTUS 6:9

Ap-nen-e nunnu lak nap nggal tak ninpili-t nde, ap oboksa-nen nir-e enaru-o. Nir-e wat yidnag-et nde, ndemeret nunluk worali iri ker-o. Andi bandi rak ninpidnag-et nde, wat yili bug-o.

NGGALATIA 6:17

Yesus arengge-nen yusu-o luk yenggerak nuburak pem an nebem ud aroro worasu me, yawo kuri-nen-e ap mbi-nen an anggun panggun tak nuburag-e lag-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

EPESUS 6:20

Aid wene waruk mburuwakluk, an-e wirik nibidnak nab-et nde, aid wene na bem o kubu me nibil nggwidnak worasu-o. Iri ala-ge, aid wene na-ge ”Iri nggal kwasa yonog-o” luk yak nirid nggal-et an kwiye lag-et wene iri yek-nen namanggim tepan yogolat wolmer-o.

PILIPI 1:13

Iri kwat nibidnak pem-e, it nagawan woraso sa woragwi nap oboksa min ap erep oboksa min-nen neberagolar-e, ”Ar-e Kerisut ebem-nen o kubu me ibil nggwiga-o” luk nam-et neyali-o.

PILIPI 2:17

Alat nde, Mbal Pem Nagawan amanggim wam wosa bidnak nggal, at amanggim pidnak nggal, kit kinndi angin tubu yidnak pem an neyabi nde wirik purak ala-ge, an nalen kasolat, kit pidsa kinmin na nalen kasolat yeleb-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

1 TESALONIKA 3:2

nit nonowot Timotius, nit totno Mbal Pem Nagawan eyabu wanogolar-e, Kerisut-nen yidnak aid wene yak ondoso nap iri-ge wirik ubuwog-o” luk yige-o. Nde, wirik uburak yige iri-ge, kit kinndi angin tubu yidnak na kwara uwi yabosolat, nggomo kondosolat,

1 TIMOTIUS 4:6

Kat-nen nde wene yu pidsa nennggamirak mul ondosola-ge, Kerisut Yesus ndegel oboso nap konak irit kwat yugun-o. Kwat yosolar-e, ninndi angin tubu yidnak elem iri-nen na, kat-nen yawo woralat langgal luk mburusu wene owak iri-nen na kat kindi umut nduruwa-o.

2 TIMOTIUS 1:16

Pempa an nindi kondok tak posolat woraidnak me, Nagawan Indo-nen-e Onesiporus ama woragwi nap inmin-e unpud kasolat wolmag-o. An-e o kubu me worasu yu bem-e Onesiporus na inggiri kagit lag-o.

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

2 TIMOTIUS 2:9

An-e aid wene yoso iri bem-net andi bandi kasolat, meya kwaroso nap nggal tak nuburuk, posid kere bem kamat niwidnak worasu-t nde, Mbal Pem Nagawan-nen yidnak wene perak kamarigit lag-o.

2 TIMOTIUS 3:11

lel mberel nibidnak min andi bandi kagi min neyaigen nar-o. Antiokia-nen na, Ikonium-nen na, Listera-nen na lel mberel nobogola, andi bandi kagi iri na kar-e karu nar-o. Ereba nggal kwat nibiga-t de, Nagawan Indo-nen nimiri yij-o.

PILEMON 1:9

Iri yurag-e ob-et nde, Paulus an-e ap nindi worak Kerisut Yesus ebem ala, yawo o kubu me nibidnak na worasu-t nde, kat kabuwa-nen an-e kwat obonokluk wene nak yak kurusu-o.

IBERANI 10:34

Kir-e o kubu me inpil nggwidnak nap na inmin lambuksa andi kaidnak nggal kagolat woraigeb-o. Nde, kinsilobulo na mengga wanogola-t nde, kit kenalen min-et woraigeb iri-ge, an narengge namanggim pidnak terak minik konak pem-et wolmomtak mende-ge worasur-o peragoluk-nen kwarigeb-o.