2 KORINTUS 11:1 - Nanduk Ngget Tul Pidnak Wene

¹ Nap tag-o. An-e siyak wid-nen yugwi nggal yosola-ge, kir-e kondok puruk wolmer-o. Kir-e ndemeret an nimin kondok puruk woragwi-o.

2 KORINTUS 11:1 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 5:3

Nde, misik tarem-e Isarael ligwami iri na-nen kwe at-nen ndegel oboso Naman ogwe iri na yak tosolar-e: ”Kwe yu-ge wa-e. Naman nde Samaria mburuwarik nggal-nen-e mondok Mbal Pem Nagawan ene lomboksa yoso nap iri me worasu iri-nen-e ki rak ebeleb-o” luk yak tij-o.

WONARIDNAK WENE 11:29

Yak tosola, Musa-nen yosolar-e: ”Kar-e an-nen iri yurak neberasu-t nde, an-nen-e Nagawan Indo-nen at Indi at elem nap wok ondosola, it oboksa-nen at ene lomboksa yugwi nap kwat momtak irit perasu-o” luk yak tij-o.

MATIUS 17:17

Yosoloma-ge, Yesus-nen wene erep nggarosolar-e: ”Kit kinndi angin tubu yugwi buk, kinndi nari wari rak nap wa-e! An-e nunggwirik tarem kit kinmin woramin-o? An-e nunggwirik tarem kit kinmin-e momak puruk woramin-o? La iri-ge an neram pil lobok yi-o” luk yij-o.

YIDNAK YIDNAK WENE 18:14

Yogolikma-ge, Paulus na-nen wene yekluk yij-et nde, Nggalio-nen Yawuri nap na yak ondosolar-e: ”Yawuri nap wa-e. Wene yu-ge meya yidnak wene ala na, meya kwarat kwaridnak wene ala na, kit kenne-ge yebosa-t kuleleb-o.

YIDNAK YIDNAK WENE 26:29

Yak tosoloma-ge, Paulus-nen yosolar-e: ”Ndag-et nak ala na, woraruk ala na kat karig-er-e lak. Are, kat min na an nene yawo kulili nap pidsa min na an nggal-et yeleb-o luk Mbal Pem Nagawan anggarem yusu-o. Nde, kere kamat nibidnak yu nggal yurak perak nde lag-o” luk yij-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 3:18

Ap-nen-e at ambik ombol pem ludtag-e meya-o. Kit kenggendumu-nen ap mbi-nen perasolar-e: ”Nggweyak ma nap inndi tenggerak iri na bem-nen an-e nindi tenggerak yusu-o” luk perasu nab-e, ndemeret indi tenggerak maklug-e, wid nggal irit yurag-o.

1 KORINTUS 4:10

Kerisut ebem-e nir-e wid alat nde, kir-e Kerisut ebem-e kinndi tenggerak worali-o! Nir-e ndeyag-et nde, kir-e kenmawi kwarar-o! Nir-e mbilaro ngin worali-t nde, kir-e kunnu kek tak irit worali-o!

1 KORINTUS 4:8

Kir-e kinmbitsa ninggidnak nggal woragolat, silobulo ombo yigeb-o. Nir-e nagawan yigit lag-et nde, kit nak perak nde nagawan yigeb-o! Nde, kir-e ndemeret nagawan yigep nggal-e, nit na kit totno lambuksa nagawan wolmomtak iri perak konak lombog-o.

2 KORINTUS 11:19

Kit perak nde kinndi nggat nggat worak me, ap wid inmin-e kinndingen min-et kinndi luruk puruk woragwi-o.

2 KORINTUS 11:21

An-e ninggiri min-et wene yu yak kundusu-o: Nit-nen iri nggal kwat kunpurag-e mondok kwiye-o. Alat nde, ap mbi-nen yi mende ndi mende bem kwiye lag-et at indi kek tak posola-ge, (An-e wid-nen yugwi nggal-et yusu-o) an-nen na kwiye lag-et nindi kek tak pimin-o.

2 KORINTUS 11:4

Nde, ap-nen kit kendam lobok luk, nit-nen yak kindidnak Yesus-e lak, nin Yesus mbi owene yak kondogola na, nit-nen wok kindidnak Indi-ge lak, nin indi mbi wok kondogola na, nit-nen yak kindidnak aid wene-ge lak, nin aid wene yak kondogola na, iri-ge kit kenalen min-et wanili nag-o.

2 KORINTUS 12:11

An-e wid kwat yigi-t nde, kit-nen kwat nibidnak pem-net iri kwat yigi-o. Kit-nen kek tak nuburag-e an-et nde, an-e ebe lak mende nggal-et nde, yi kwarugwi ndi kwarugwi bem-e an-e wirik inpidnak nap ija lombok ereba inmin ndak ndak-net yusu-o.

2 KORINTUS 5:13

Nit ninndi wawa-nen yili ala-ge, Mbal Pem Nagawan amanggim-et yili-o. Nde, nit ninndi imin-net nde yogola-ge, kit kenmanggim-et yili-o.

IBERANI 5:2

Tepan ombo nggulok at na yi mende ndi mende bem ndeyak yoso me, it enaru buk, mborok tak nak kwarugwi nap inmin-e indi luruk puruk woraso-o.

YOSUA 7:7

Iri yogolat-nen Yosua-nen Nagawan Indo yak tosolar-e: ”O, Nagawan Indo Nembal Pem Nagawan wa-e. Noluk-nen kar-e Yi Yareren yu eyak ponok nggwe ninmin ndil waigen-o? Amori nap ininggem kegera keya nenpeyekluk-nen kwarigen, lak? Nit wat makluk-nen kwarigen, lak? Yi Yareren eyak ele bem nak woralep nggal-nen-e ob-et nde-o!