2 KORINTUS 10:6 - Nanduk Ngget Tul Pidnak Wene

⁶ Kir-e nit-nen yidnak nak kwarugwi nde iminep mbal yosola-ge, lugud tak kwarugwi nap na anggun worak mende enpem purag-e lid lud tak puruk worali-o.

2 KORINTUS 10:6 ပူးပေါင်းရင်းမြစ်များ

OROMA 2:23

”Imiri mbarak pidnak wene winde-ge nir-o” luk kondomok ija bija yili-t nde, wene iri na kuruk togolar-e, Mbal Pem Nagawan unu mbilaro ngin tak pili-ge lag-a?

1 KORINTUS 4:21

Kir-e ngge kwat kunpurak perali-o? Linggamburok ninggem kendam lobok yimin, lak? Are, kit kenabuwa bem nindi yangonak pem lobok yimin-a?

2 KORINTUS 13:10

Iri bem-nen an-e erepma woralar-et nde, engga yu mbal kundusu-o. Kit kendam wok yimindig-e, Nagawan Indo-nen wok niridnak amawi iri na bem nene amawi min yak kindimin naru, yawo-net engga mbal kundusu-o. Amawi wok nirid iri-ge, kit mbud tak kunpurak pem-e lag-o. Kit mendak kunpurak pem-et wok niridnak amawi-nen yusu-o.

2 KORINTUS 13:2

Kit nanduk-nen meya kwarigep nap min ap erep oboksa min-e wene yu tuguruk yak kendeyeg-o. An-e mberen pem tak posolat kendam lobok yigirik-nen yak kindigi nar-o. Yawo na nin me woralat-net nde, iri wene-ge yak kundusu-o. An misik pem tak posolat kendam lobok yosolar-e, kenabuwa-o luk keya kinpimin pug-o.

2 KORINTUS 2:9

Wene yu bem-nen engga iri mbal kindigi-o: yi mende ndi mende oboksa ndak ndak kwarugup, lak? luk kinndi ngarosolat-nen mbarigi-o.

2 KORINTUS 7:15

An-nen yebet keneyasolar-e, kir-e at-nen yidnak yidnak nak kwarogolat, kinndi kwiye min konowak lele min-et kit-nen kirip koropsa wa yak togolat yigep iri na yebet kasolar-e, at-nen kit kenabuwa-ge kwarat kasu-o.

1 TIMOTIUS 1:20

Iri kwarugwi nap ennggendumu-nen-e Imeneus min Aleksandet min worali-o. Nde, it mberen-e Mbal Pem Nagawan obak pili iri keya buwakluk, an-nen-e Sere eram kegera inpigi-o.

3 YOANES 1:10

Iri bem-e, an lobok yimindig-e, at-nen kwaroso iri wene at-nen meya wene yak nondosolat, enesiget wene nenpem posolat yoso pidsa-ge yimin-o. Nde, iri kwaroso ereya bem na-ge ebem teyok yusu bug-o. Are, nennggamirak Kerisut nap lobok yogola-ge, ar-e wok inpigit lak yoso iri nag-e lag-o. Are, it wok unpurak yidnak nap na mbawi worak posolat, ap enpe-ge lambuk tak inpidnak nap ennggendumu-nen nggegera wirik onposo-o.