2 KORINTUS 10:5 - Nanduk Ngget Tul Pidnak Wene

⁵ Ap enmberam lagwi wene iri-ge lak tak pogolat, Mbal Pem Nagawan enaru mul naru inndi kek tak pem wiridnak kerep pak ndamarak pogolat yili-o. Nit ninndi-nen peragwi oboksa yemendak puruk Kerisut-nen yidnak yidnak nak kwaruwakluk indipma rak pili-o.

2 KORINTUS 10:5 ပူးပေါင်းရင်းမြစ်များ

NDAK WIRIDNAK WENE 8:21

Kan pamu-ge emben konak iri na-nen Nagawan Indo indi alen tak posola karuk, Nagawan Indo indi-nen perasolar-e: ”An-e abog-e it-nen kwatli iri-nen ndowaga-ge nggweyak ma yu-ge mondok imbiri lamut tak pimin pug-er-o. Nde, it nggweyak ma nap yu-ge marikmu-net inndi-ge meya nak yebet kagwi iri-ge an-e naru-t me, yawo urugup worak oboksa lak tak pigi yu nggal-e abog-e mondok kwarimin pug-o.

2 NAGAWAN NAGAWAN-NEN KWARIDNAK WENE 19:22

Kar-e ta nde meya wene yak tosolat, pesel ubusu-o? An-e Isarael nap Enmbal Pem Nagawan mondok marak iri na-nen yusu-o. Kat kabage iri-ge an nimin-e kar-e mondok kek yusu-o.

2 NAGAWAN NAGAWAN-NEN KWARIDNAK WENE 19:28

Kat-nen mondok kisilepma an nebem pusu iri-ge an-e naru-o. Kat-nen kek yusu wene iri-ge an-e kuligi-o. Nde, yawo-ge yilik kuburuk, kat lobok yigen nggwe tuguruk kibil mbereyek-nen tari kerabit pem yilik kibimin-o’ yij-o” luk wene wosa bij-o.

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

NDAWI ENGGA 139:2

An-nen kwaroso oboksa-ge kar-e karu-o. Kebe-ge erepma-net nde, an-nen yebet kaso oboksa-ge kar-e karu-o.

MBIRIGA WENE 5:2

Pirayon-nen yak ondosolar-e: ”Nagawan Indo iri-ge ta-o? An-e at ene kuluruk, Isarael nab-e lerak keya unpumu, mburuwa? An-e Nagawan Indo iri-ge naru bug-o. Isarael nab-e ’Mberer-o’ luk mondok lerak inpimin pug-o” yak indij-o.

NGGOMO WENE 15:26

Nagawan Indo-ge meya kwarurak yemnak puruk woragwi-ge isili rak puruk woraso-o. Alat nde, wene konag-et wirik pugwi iri-nen-e indi alen tak pugwi-o.

NGGOMO WENE 24:9

Ap wid-nen kwarurak yebet kaso iri-ge meya elem-nen yusu-o. Nde, ap-nen pempa ap erep insili rak onpogolat woragwi iri-ge ap-nen indingen kagwi bug-o.

YESAYA 55:7

Meya kwaroso nab-e at-nen meya kwaroso iri-ge mondok keya buwag-o. At indi-nen yebet kaso tula iri-ge nden kaga nin tak puwag-o. Nde, tuguruk Nagawan Indo-nen ubud kujwaklug-e, tuguruk nden karuk, Nenmbal Pem Nagawan eram mburuwag-o. Nagawan Indo iri-ge unpud kaso elem pem ap meya yidnag-e amberam tak poso-o.

YESAYA 60:14

Kat anggun panggun tak kubugwi nap inlirag-e kat keram lobok yuwarik, keram entare nggwe tud ma-o. Kat pesel kibidnak nab-e kat keram tebe ma-o. Nde, kat kunu yarogolar-e: ’Nagawan Indo uwi siri-o’ luk, ’Sion iri-ge Isarael Embal Pem Nagawan Marak iri na uwi-o’ luk yuwa-o.

YEREMIA 23:29

An-nen yidnak wene-ge kanduk min ndonggwid kereb-et nde ndamoroso iri na min nggal-nen yusu-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

MATIUS 15:19

Nde, meya yebet kagwi elem ap enarem-nen mborosolar-e, ap wurugwi min ap onkwe yebugwi min kwami terak yenpugwi min yariya wanugwi min enesiget wene ap enpem pugwi min ap onpok pugwi min mburusu-o.

LUKAS 1:51

At inggi amawi worak iri bem-nen inndi kek tak nap sit mbit tak onposolat, it inndi-nen pidnak na nari wari rak posolat,

OROMA 1:21

Ab-e Mbal Pem Nagawan enaru woragolar-et nde, ar-e Mbal Pem Nagawan-net yusu-o luk at kek tak ibigit lak, wa na yak tigit lak yiga-o. Are, it yebet kagwi indi na ebe lak mende kwat yosolat, it inndi-ge ndamuk yij-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 16:26

Nde, yawo-nen-e pem-et woraso Mbal Pem Nagawan-nen-e ”iri nggal mag-o” yidnak pem yi nap ndi nap oboksa-nen enaru luk inndi angin tubu yogolat, at-nen yidnak yidnak nak kwarogolat makluk-ge, Mbal Pem Nagawan ene lomboksa yugwi nap-nen mbaridnak engga bem-nen-e kura yidnak wene iri-ge nam tak pili-o.

OROMA 7:23

an ninggi nowak arem-e imiri mbarak pidnak wene nin worala kasu-o. An nindi-nen iri mende-t kwareyeg-o luk peraidnag-et nde, imiri mbarak pidnak wene nin iri-nen an nindi imin wim posolar-e, an ninggi nowak arem worasu meya kwarugwi elem iri-nen kamat nuburuk, urugwe nggwe rak nubusu-o.

1 KORINTUS 1:19

Mbal Pem Nagawan engga mbarak pem-nen yosolar-e: ”Inndi tenggerak nap-nen idnak inndi lid tak elem iri-ge an-nen lak tak pimin-o. Elem kwarat enaru nap-nen enaru yidnag-e mbereksa lak tak pimin-o” yij-o.

1 KORINTUS 3:19

Nggweyak ma nap inndi tenggerak elem yili na-ge Mbal Pem Nagawan erengen pem-e wid-nen yugwi nggal-nen yusu-o. Mbal Pem Nagawan engga mbarak pem-nen yosolar-e: ”Nagawan Indo-nen-e ap indi nggat nggat worak na ngonok tak obosolar-e, at ondomok indi nggat nggat iri na-net ngonok tak ubusu-o” luk,

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

2 KORINTUS 9:13

Nde, kit-nen lubug-et tomborogolat-nen ndak tak pili mende iri bem yenggerak kunpuruk, ap kwarat-nen Mbal Pem Nagawan unu kek tak pogolar-e, kir-e mot mot nak Kerisut-nen idnak aid wene para yogolat, kinndi lubug-et it na ap pidsa na kinsilobulo tembesa wok ondogolat yili iri bem-net at unu kek tak puwa-o.

PILIPI 4:7

Iri kwarugup ala-ge, ki nap inndi nggat nggat iri-ge teberag-o. Nde, Mbal Pem Nagawan-nen idnak lambuksa woragwi elem terak minik iri-nen Kerisut Yesus ebem-nen kit kinndi min yebet kagwi min-e parugu wolma-o.

2 TESALONIKA 2:4

At iri-ge at ondomok kek yosolar-e, ap-nen erembel wanugwi mende pidsa min Mbal Pem Nagawan nggal lik kagwi min imin wim mbarak woralar-e, iri mende oboksa-ge at-nen urugwe nggwe rak puruk, Mbal Pem Nagawan ama kore lug-e, ”An-e Mbal Pem Nagawan-net yusu-o” luk yuwa-o.

2 TESALONIKA 2:8

iri tarem-e Meya nak Kwaroso Nap iri na nam yosola-ge, Nagawan Indo Yesus-nen at emende pu-nen at mondok worosolat, at lobok yosolat abinal-nen at iri lak tak puwa-o.

IBERANI 4:12

Nde, Mbal Pem Nagawan-nen yidnak wene-ge uruk nak woraso, amawi kwarat-nen yusu-o. Yalawi anggat ponok ponok worak iri-ge anggar-e te-t nde, Mbal Pem Nagawan-nen yidnak wene-ge anggar-e terak minik-net yusu-o. Wene iri-nen at enarem nggosolar-e, enaboro-nen ukwe yugwi inndi na arik lenak posolat, inndi-nen ukwe yugwi inndi na arik lenak posolat, il min enpa min lenak posolat; ap inndi-nen ukwe ukwe yugwi min ap inndi arem-nen yebet kagwi min nam tak poso abam-nen yusu-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.