2 KORINTUS 10:18 - Nanduk Ngget Tul Pidnak Wene

¹⁸ At ondomok erembel wanusu nap iri-ge ndag-e lag-o. Are, Nagawan Indo-nen erembel wanusu nap iri perak nde mondok ndak-nen yusu-o.

2 KORINTUS 10:18 ပူးပေါင်းရင်းမြစ်များ

NGGOMO WENE 27:2

Kat kondomok-nen-e kerembel wanurak pug-o. Nin nap-nen kerembel wanogolat, iri-nen kat-nen eneyaso buk nap-nen kerembel wanurak iri-ge konag-o.

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

YOANES 12:43

Nde, ki nap-nen it unnu kek tak purak nak nggok tak pogolar-e, Mbal Pem Nagawan-nen it unnu kek tak purag-e marik tak piga-o.

YIDNAK YIDNAK WENE 2:22

Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.

OROMA 14:18

Nde, iri nggal kwasa Kerisut ndegel ubusu nab-e Mbal Pem Nagawan indi alen tak posolat, ap erep-nen na at kek tak ibili-o.

OROMA 16:10

Kerisut ebem mamak puruk woragaid nap Apeles na min Aritobulus ama woragwi nap min inmin-e ”Wa yak kindij-o” luk yak undurag-o.

OROMA 2:29

Are, it inndi-ret Yawuri yidnak nab-e ndemeret Yawuri nap-nen yusu-o. Nde, ndemeret iniye ambasap wabidnak iri-ge Mbal Pem Nagawan Indi-nen it enarem yabu wanosola, inndi ambasap wabidnak iri-net yusu-o. Nde, iri-ge imiri mbarak pidnak wene-nen kwaridnag-e lag-o. Mbal Pem Nagawan Indi-nen kwaridnak-nen yusu-o. Iri kwat ibidnak nap erembel wanogolar-e, ki nap-nen wanuwa-ge lag-o. Mbal Pem Nagawan-net at erembel wanuwa-o.

1 KORINTUS 11:19

Nde, mot mot nak kwarugwi nap iri yenggerak iniyujwaklug-e, kit kennggenggerag-e kuri-t wat yusu-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 10:12

Nir-e enambik entembel wanugwi nap inmin misiget luk nde it inmin ndak ndak yurag-e kwiye-o. It na it-nen enambik inmin ndak wat koragolat, it na it-net enambikpebe-net irit irit tak pogolat yili-o. It iri-ge wid inndi worak ijar-o!

2 KORINTUS 13:7

Kit meya kwarugup naru, nir-e Mbal Pem Nagawan eram tepan yili-o. Iri yili iri-ge, nir-e ombol nggwe yidnak nap nggal yik niniyujwaklug-e lag-o. Are, nir-e mborok tak pugwi nap nggal tak nonpogola-t nde, kit konak nak kwarobog-o luk-nen yili-o.

2 KORINTUS 3:1

Tuguruk nit nondomok nentembel wanurag-a? Are, ap ere-nen yili nggal, nit nentembel wanidnak engga kit kinmbiri bem nuk kagolat, kit-nen mbal nindidnak engga nde nuk kagolat yul-a?

2 KORINTUS 5:12

Nit nentembel wanogolat-nen wene tuguruk yak kindili-ge lag-o. Are, kit-nen nit nunnu kek tak pobokluk-nen yili-o. Iri yugup ala-ge, ap inndi arem woraso mende bem-e lak, are, ap onmbol nggwe nak kaidnak pem unnu kek tak pili nap iri na wene yak ondobog-o luk yak kindili-o.

2 KORINTUS 6:4

Are, yi mende ndi mende bem nir-e ndemeret Mbal Pem Nagawan ndegel ubugwi nap nenpage-t neneyujwaklug-e, andi bandi kagolat na, angin worak mende nenpem mbosola na, ninndi kabak ala na, nir-e ninndi kwara luruk puruk woragwi-o.

2 TIMOTIUS 2:15

Mbal Pem Nagawan-nen: ”An neyabu wanoso nap ndag-o” luk kuburujwaklug-e, kar-e ndemeret kamawi kondosolat wolmin-o. Nde iri-ge kat-nen yabu wanidnak na bem kinggiri kagun naru, ndemeret wene iri-ge mot mor-et mul ondosolat wolmin-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.