2 KORINTUS 10:13 - Nanduk Ngget Tul Pidnak Wene

¹³ Alat nde, nit perak nde nit nentembel wanogolar-e, kuri pidnak kuruksa terak menna nentembel wanul pug-o. Mbal Pem Nagawan-nen nit yabu wanurak nenmanggim kuri wosa posolar-e, kuri-ge kit worali mu na irir-o.

2 KORINTUS 10:13 ပူးပေါင်းရင်းမြစ်များ

NDAWI ENGGA 19:4

enne anggungga-ge yi wi ndi wi lung yusu-o. It-nen yidnak wene-ge o kuri nggweyak kuri wok yij-o. Nagawan Indo-nen-e molengen amanggim o-ge mbal pem iri me wirij-o.

NGGOMO WENE 25:14

”Irit kwarimin-o” luk urul pidnag-et nde, kwat yigit lak yugwi iri-ge nggan nggan min e kemereya min-e puk kasolar-et nde, talme mboso buk iri nggal-nen yusu-o.

YESAYA 28:17

An-nen-e mot mot nak kwarugwi elem iri na-ge o ndak wururak kere rak pimin-o. Ndemeret lud tak nak kwarugwi-ge owak ndak wurugwi kere kwarak pimin-o” luk yij-o. Kerep talme mbuwasolar-e, kit-nen ebem kinndi-nen ”Ninmiri yuwa-o” luk wat tak worali enmberam laso mende ereba-ge mberena lak tak puwa-o. Yi ebe wasolar-e, kit-nen kurak yugwi kondoro min-et mberena lak tak puwa-o.

MATIUS 25:15

It-nen kwarugwi bem enmawi ndak ndag-et ondomok tak tembesa wok ondosolar-e, misik tol-e lima wok tosolat, misik tol-e mberen wok tosolat, misik tol-e misiget nak wok tosolat yij-o. Iri rak puruk nagawan na mbirij-o.

OROMA 10:18

Alat nde, ”Ir-e wene kuligit lak yiga, lak?” luk an-nen kin waneyeg-o. Lag-o. Kuliga irir-o. Engga mbarak pem-nen yosolar-e: ”It enne-ge yi wi ndi wi wigak yij-o. Nde, it-nen yidnak wene-ge ap lak kuri wok yij-o” luk yij-o.

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

OROMA 12:6

Mbal Pem Nagawan-nen we wok ondoso mende nenarik tak nin tak nan tak wok nindid iri-ge at-nen nit nunpud kaso bem-net wok nindid mende iri na-ge nir-e iri na bem-nen yabu wanogolat wolmomtag-o. We wok ondoso mende aid wene yurak wok tidnak nap-nen-e at indi angin tubu yidnak ndak ndag-et yosolat wolmag-o.

OROMA 15:20

An-nen peraso-ge yu-o: Kerisut unu kulugwi buk sa nak aid wene yak indil nurak peraso-o. An-e nin nap-nen o ugwi pidnak pem o wirimin naru-nen irit kwaroso-o.

1 KORINTUS 12:11

Alat nde, Konak Indi misiget iri na nak-net yu mende pidsa kwarusu-o. At indi-n pidnak pem-et we wok ondoso mende-ge enarik tak tembet undusu-o.

EPESUS 4:7

Alat nde, Mbal Pem Nagawan-nen nenariktak we wok nondosolar-e, Kerisut-nen wok nondoso mende ndak wosa iri na min ndak ndag-et wok nindij-o.

1 PETERUS 4:10

Kir-e Mbal Pem Nagawan-nen we wok ondoso mende kona tena woragwi nap yogolar-e, kenariktak we wok kindidnak na bem-e kit na kit-net yongga yongga wolmer-o.