2 KORINTUS 10:1 - Nanduk Ngget Tul Pidnak Wene

¹ Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

2 KORINTUS 10:1 ပူးပေါင်းရင်းမြစ်များ

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MATIUS 11:29

An-nen yidnak yidnak nak kwarogolat, an-nen kwaroso na mul kora yer-o. An-e ap yanggonak, nindi teberak nak woraso me, kit kinndi yamuk ma-o.

MATIUS 21:5

”Sion ara yak ter-o: Yu nde ki-o. Kat Nagawan na-ge keram lobok yusu-o. At iri-ge indi yanggonak me, kelerai wam ombolwak pem kore luk lobok yusu-o. Angin worak mende waruk noso kelerai wam amarik na ombolwak pem kore luk lobok yusu-o.”

YIDNAK YIDNAK WENE 8:32

Nde, at-nen wonarosolat woragaid engga iri-ge yu nggal yidnag-o: ”At iri-ge lomba wam wuruwokluk waruk mburugwi nggal, lomba wam marik usu mbarugwi nap-nen usu mbarogola, ene lak woraso nggal, iri nggal-et ar—e ondogwak wisirigit lak yij-o.

OROMA 10:20

Alat nde, Yesaya na-nen kwiye lag-et yosolar-e: ”An nogore yugwi buk nap-nen-e an neyaiga-o. An kin wok nibigit lak nap inmbiri bem-e an nondomok nam yaga mirik inpigi-o” luk Mbal Pem Nagawan-nen yij-o.

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

OROMA 15:15

Alat nde, Mbal Pem Nagawan-nen yabu yu wanurak nebem pidnak me, yu wene-ge ”Yu nggal-o. Iri nggal-o” luk kwiye lag-et engga yu bem yeberak kunpusu-o.

1 KORINTUS 2:3

Nde, an-e kit kennggendumu woralar-e, ndeyak luk, kwiye-nen nowak lele lele min-et woragi-o.

1 KORINTUS 4:10

Kerisut ebem-e nir-e wid alat nde, kir-e Kerisut ebem-e kinndi tenggerak worali-o! Nir-e ndeyag-et nde, kir-e kenmawi kwarar-o! Nir-e mbilaro ngin worali-t nde, kir-e kunnu kek tak irit worali-o!

1 KORINTUS 4:21

Kir-e ngge kwat kunpurak perali-o? Linggamburok ninggem kendam lobok yimin, lak? Are, kit kenabuwa bem nindi yangonak pem lobok yimin-a?

2 KORINTUS 10:10

Ap misik-nen yosolar-e: ”Paulus-nen engga mbaridnag-e kwiye worak, andi le worak mbaroso-t nde, nit nendam-nen-e abage-ge ndeyak, ene na ebe lak wene yoso-o” luk yusu-o.

2 KORINTUS 10:2

An-nen kenmengen mbarusu-o: Nanggarag-o. ”Ar-e nit nendam lobok yosolar-e, amawi min-et lobok yuwag-o” luk yurak pug-o. Nit ninmin yogolar-e: ”Ir-e ki nap-nen kwarugwi nggal kwatli-o” luk nenperagwi nap na inmin-e an namawi min-et kwat unpu-ge ndag-o luk perasu-o.

2 KORINTUS 10:7

Kit-nen ap eneyagolar-e, entare nak kali-o. Ap misik-nen nde at indi yebet kasolar-e: ”An-e ndemeret Kerisut arengge-nen yusu-o” luk perasolar-e, at iri-ge tuguruk yebet kujwag-o. At iri-ge Kerisut arengge-nen yusu nggal, nit-nen na iri nggal-et Kerisut arengge-nen yili-o.

2 KORINTUS 11:21

An-e ninggiri min-et wene yu yak kundusu-o: Nit-nen iri nggal kwat kunpurag-e mondok kwiye-o. Alat nde, ap mbi-nen yi mende ndi mende bem kwiye lag-et at indi kek tak posola-ge, (An-e wid-nen yugwi nggal-et yusu-o) an-nen na kwiye lag-et nindi kek tak pimin-o.

2 KORINTUS 11:30

An nde mondok nindi kek tak purak ala-ge, an ndeyak yidnak pem-net nindi kek tak pimin-o.

2 KORINTUS 12:5

Ap iri-nen yidnak pem perak nde an-e nindi kek tak pimin-o. Alat nde, an nondomok nebem-e nindi kek tak pimin pug-o. Are, an ndeyak yidnak pem perak nde nindi kek tak pimin-o.

2 KORINTUS 3:12

Nit ninndi-ge wene iri bem mbung mbung tak woragolat me, nir-e kwiye lag-et yili-o.

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

2 KORINTUS 7:4

An-e kit kinmin-e wene nam-et nak yoso-o. An-e kit kenpem-nen na nindi kek tak poso me, anggun worak mende kwarat nenpem mbidnak worasu-t nde, an nindi mondok yanggonak woralar-e, nalin nalen kwarat worasu-o.

NGGALATIA 4:13

Nandug-er-e an nebe kugi niridnak me, aid wene kit yak kondosolat woragi iri-ge kenaru nar-o.

NGGALATIA 5:2

Paulus an-nen ndemeret yak kundusu wene yu koler-o. Kit kiniye ambasap mbarogola-ge, Kerisut-e mondok ebe lak mende rak pili-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

PILIPI 4:5

Kir-e yangonak nak kwarugwi nab-o luk ap pidsa-nen enaru yuwag-o. Nde, Nagawan Indo lobok yurag-e panggo yij-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

2 TESALONIKA 3:17

Paulus an-net wa yak kundusu-o. An nondomok ninggi-nen mbarigi-o. Nde, an-nen mbara wirik pidnak engga oboksa yenggerak puwakluk an nunu-ge yu nggal mbaroso-o.

PILEMON 1:19

Nde, an nondomok ninggi-net yu mbarusu-o: ”Paulus an-net pidsa uwi yagimin-o.” (Alat nde, an namat kat kebem pidnak iri ”Iniksa kebem worasu-o” luk yak kururag-e lag-o. Nde, namat iri-ge kat kindi ngget wanigen min-et yigi-o.)

PILEMON 1:9

Iri yurag-e ob-et nde, Paulus an-e ap nindi worak Kerisut Yesus ebem ala, yawo o kubu me nibidnak na worasu-t nde, kat kabuwa-nen an-e kwat obonokluk wene nak yak kurusu-o.

1 PETERUS 2:11

Nenggamirak kenabuwa worak wa-e. Kir-e nggweyak ma yu me woragolar-e, ap sal nggal, ap enma woragwi nap nggal yili me, ap-nen ukwe ukwe yugwi na-nen kinndi min wim poso iri-ge keya ber-o luk an-nen kiri keresa yak kundusu-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.