2 KORINTUS 1:20 - Nanduk Ngget Tul Pidnak Wene

²⁰ Mbal Pem Nagawan urul pidnak wene oboksa min-e Yesus-e: ”Ob-o” yidnak-nen yusu-o. Iri bem-e, nit-nen-e Mbal Pem Nagawan unu kek tak pogolar-e, Yesus Kerisut ebem-et ”Amen-o” luk yili-o.

2 KORINTUS 1:20 ပူးပေါင်းရင်းမြစ်များ

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

NDAWI ENGGA 102:16

Nagawan Indo-nen Sion iri na tuguruk mendak posolar-e, kek tak abinal worak pem kwarosola, kujwa-o.

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

YESAYA 65:16

O iri me woragwi-nen ta-nen nde imbiringgat tak puwakluk nggi yuwa nap-nen-e tugup lag-et kwaroso Mbal Pem Nagawan iri na-nen imbiringgat tak ubuwakluk nggi yuwa-o. Ta-nen nde owak mbarosolar-e, tugup lak kwaroso Mbal Pem Nagawan iri na unu luk, owak mbaruwa-o. Iri kwaruwa iri-ge nanduk-nen andi bandi kagwi iri na-ge lak tak puruk, meme rak pidnak iri bem-nen kwaruwa-o” luk yij-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 3:5

Yosoloma-ge, Yesus-nen at yak tosolar-e: ”An-e ndemeret yak kurusu-o. Yi min Konak Indi min-nen ndet inpigit lak nab-e, Mbal Pem Nagawan-nen tenagaidnak wi ngguwa bug-o.

OROMA 11:36

Nde, yi mende ndi mende pidsa-ge at nak-nen ndak worak posolat, at-nen nak yidnag-o, nde, at amanggim nak worasu-o. At unu-ge kek tak irit woralik nalik mag-o. Amen.

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

1 KORINTUS 14:16

Kat-nen nde nin wene nan wene bem nak Mbal Pem Nagawan erembel wanosola-ge, kat-nen wa yugun iri-ge we nab-e kabak me, kat-nen yugun wene iri-ge nggesa kuluruk-nen ”Amen-o” yuwa-o?

2 KORINTUS 4:15

Iri mende oboksa-ge kit kenmanggim kwat yusu-o. Nde, Mbal Pem Nagawan-nen we wok ondoso elem kwarat iri-ge ap nin endam wok lik, nin endam wok lik yosolar-e, it-nen-e Mbal Pem Nagawan wa kwarat yak togola-ge, Mbal Pem Nagawan unu kek tak pogolat wolma-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

NGGALATIA 3:22

Alat nde, Mbal Pem Nagawan engga bem-nen yosolar-e, nggweyak ma nap oboksa-ge meya kwarugwi elem urugwe nggwe rak ninpidnak worali-o. Iri bem-e, inndi-ge Yesus Kerisut ebem angin tubu yidnak nap-nen urul pidnak na-ge wok unduwa-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

EPESUS 2:7

Iri kwat ninpid iri-ge, abok pempa woragolat-nen-e at-nen we wok ondoso elem utlud iri-ge Kerisut Yesus ebem at-nen konak nak kwaroso iri na mirik nenpeyekluk kwat ninpij-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

2 TESALONIKA 1:10

Iri kwaruwa tarem-e Nagawan Indo-ge at winde nap oboksa ennggenggerak-nen at erembel wanogolat, inndi angin tubu yidnak nap oboksa-nen at wi langgu mbal obogolat yuwa Tarem-e nit-nen yak kindidnak wene wanigep pem-e, kit na it ennggendum iri me-t woragub-o.

IBERANI 11:13

Nde, it ap iri oboksa-ge inndi angin tubu yogolat-net wat yikma-o. Nde, Mbal Pem Nagawan-nen urul paga yak indidnak iri-ge ir-e wanigit lag-et nde, wanurak mende iri-ge erepma-nen yik karuk, iri-net yusu-o luk, enalen kagolat woraiga-o. Iri bem-nen it-nen nam-et yogolar-e: ”Nir-e nggweyak ma yu me worali yu-ge ap sal, luru lobok yidnak irit worali-o” luk yiga-o.

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.

IBERANI 7:6

Nde, Melkisendek na-ge Lewi-nen wigarag-e lag-et nde, Abaram isilobulo karetkwe-nen yidnak sepulu sepulu rak pidnak iri na posola, wanij-o. Wanurug-e, Abaram-e Mbal Pem Nagawan-nen urul paga yak tidnak nab-et nde, Melkisendek-nen imbiringgat tak pij-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

1 YOANES 5:11

Kinggiridnak wene-ge yu-o. Mbal Pem Nagawan-nen-e nunlug-et woralik nalik momtak elem wok nindij-o. Nde, at Ambara iri-ge unlug-et woralik nalik momtak iri elem-nen yusu-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.

NAM PARA WENE 7:12

yogolar-e: ”Amin-o! Nit Nenmbal Pem Nagawan iri-ge erembel wanogolat, at nak kek tak pogolat, indi nggat nggat worak-nen yusu-o. Nit Nenmbal Pem Nagawan iri-ge at nak wiwa-o yak togolat, at ambigit nak tebe yogolat yurak Mbal Pem Nagawan iri-ge o tena buruk wolmomtak amawi min amawi worak pem-et woralik nalik woraso Mbal Pem Nagawan-nen yusu-o. Amin-o!” luk yiga-o.