2 KORINTUS 1:17 - Nanduk Ngget Tul Pidnak Wene

¹⁷ Nindi-ge iniksa yebet kagi-t nde, nindi nden kagaid iri-ge te nggal perali-a? An-nen mbururak sa nindi-nen yebet kasolar-e, an nindi-n pidnak pem nak yebet karuk, an-nen-e misik tarem-et ”Ob-o” yosolat, ”Lag-o” yosolat yoso-o luk neberali-a?

2 KORINTUS 1:17 ပူးပေါင်းရင်းမြစ်များ

YEREMIA 23:32

Ennesiget an nene lomboksa yugwi nap nggal kwatluk, ennesiget wene kobong tak nabi kaidnak ereba na ap yak indili nab-e Nagawan Indo an-nen inmin wim mbarimin-o. Ir-e ennesiget amburu lebarogolar-e, an nilirag-e kabak tak inpili-o. It iri-ge an-nen-e wirik inpigit lag-o. It iri-ge an nilirak kwat yurag-e mondok ebe lak mende-nen yusu-o. Nagawan Indo an-net yusu-o” luk yij-o.

MATIUS 1:19

Abila alama-ge, at un Yusup iri-ge mot mot nak kwaroso me, ap kwarat inmbiri bem Maria iri inggiri rak pimin naru, ndan-et ”Keya kibigi-o” luk jak timin irir-o luk peragaij-o.

MATIUS 5:37

’Ye’ yogolar-e, ’Ye’ yurag-o. Nde, ’Lag-o’ yogolar-e, ’Lag-o’ nak yurag-o. Nde, wene nin tak nan tak yili iri-ge Sere eram-nen lobok yidnak wene yili-o.

YOANES 8:15

Kit-nen-e we ombol nggwe nak yik karuk, ap enpem wene mbatli-o. Nde, an-e ap misik ebem wene mbarusu bug-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 11:18

Ap kwarat-nen nggweyak ma mende bem it inndi kek tak pugwi me, an-nen na iri nggal-et yimin-o.

NGGALATIA 1:16

Nde, an-e owene-ge enlem nin nap yak unduwakluk Mbal Pem Nagawan indi-n puruk, at Ambara-ge an narem-nen nam tak posola-ge, an-e ki nap inmin-e ”Ngge kwarimin-o?” luk wene mbarigit lak,

NGGALATIA 2:2

Mbal Pem Nagawan-nen-e: ”Iri me-t li-o” luk yak norosola-nen lagi-o. Lagirig-e, nanduk wanigi yabu min yawo wanusu yabu na min ebe lak mende ma naru, it unnu kek tak nap enarik inmbiri bem an-nen-e enlem nin nap aid wene yak indigi wene iri na yak indigi-o.

1 TESALONIKA 2:18

Nir-e kit kendam nunuwok lem lobok yurak perarug-e, Paulus an-e mberen kenan nggal pem kendam lobok yurak wal kagi-t nde, Sere-nen larok tak nonposolat woragaij-o.

YAKOBUS 5:12

Nanggamirak wa-e. Wene nggok lombog-e yu-o: Owak mbarogolar-e, mbal min nggweyak min yi mende ndi mende mbi min unu luk owak mbarurak pug-o. Mbal Pem Nagawan-nen kenpem wene mbaruwa naru, ”Ye” yurak ala-ge, ”Ye” nak yurag-o. Nde, ”Lag-o” yurak ala-ge, ”Lag-o” nak yurag-o.

WENE MBENARUGWI NAP-NEN KWARIDNAK WENE 9:4

Iri lug-e, kugwi Mbaal Mberit erembel wanugwi o iri na me-nen wanidnak perak tol tuju pulu (70) irit wok tiga-o. Wok tikma tol ereba na bem-nen-e o laga mbaga rak purak nap at imin makluk onggo wok indij-o.