2 KORINTUS 1:1 - Nanduk Ngget Tul Pidnak Wene

¹ Mbal Pem Nagawan indi-n pidnak pem Kerisut Yesus-nen idnak wirik nibidnak nap an Paulus min nennggam Timotius min-nen-e Mbal Pem Nagawan-nen idnak lambuk tak inpidnak nap Korintus woragwi kit kenmanggim na, Akaya uwi oboksa woragwi marak nap kit pidsa kenmanggim na, engga yu mbatli-o.

2 KORINTUS 1:1 ပူးပေါင်းရင်းမြစ်များ

YIDNAK YIDNAK WENE 16:1

Nde, iri lug-e, Paulus na-ge o Nderebe min Listera min ereya na me-t wok yij-o. Iri me-ge indi angin tubu yidnak nap misik unu-ge Timotius irit woragaij-o. At ija-ge Yawuri kwe, indi angin tubu yidnak kwe-t nde, at eij-e Yunani nab-o.

OROMA 15:26

Nde, lambuk tak inpidnak nap Makeronia woragwi min Akaya woragwi min-nen-e Yerusalem woragwi Mbal Pem Nagawan-nen len inpidnak nap ennggendumu insilobulo lak nap iri na yongga undurak uwang ndok wurul-o luk inndi misiget luk, wene mbariga-o.

OROMA 16:21

At totno yabu misiget erep wanugwi nap Timotius min an nelem nap Lukius min Yason min Sosipatet min-nen ”Wiwa-o” luk yak kindili-o.

OROMA 16:5

It enma ndok wurugwi lambuk tak inpidnak nap na inmin-e ”Wa yak kindij-o” luk yak undurag-o. O Asia-nen nandug-et Kerisut ebem indi angin tubu yid nap, nanggam nindi kundik Epenetus na imin-e ”Wa yak kirij-o” luk yak turag-o.

1 KORINTUS 10:32

Yawuri nap na irit, enlem nin nap na irit, Mbal Pem Nagawan-nen idnak lambuk tak inpidnak nap na irit, inndi mberen tak pili-ge meyog-o.

1 KORINTUS 16:10

Timotius nde kit kendam wok yosola-ge, an-nen Nagawan Indo eyabu wanusu nggal, at na iri nggal wanoso me, kit kinmin kwiye lak wolmakluk, wa yak ter-o.

1 KORINTUS 16:15

Nenggamirak wa-e. Wene misik kenpem peyeg-o. Sepanus ogwela inmin-e kir-e kenaru-o. O Nggerika-nen it nanduk-net aid wene wanigarik, korak inpidnak nab-e it-net kwara ndegel onpogolat worali-o.

1 KORINTUS 16:24

Kerisut Yesus ebem an-e kit pidsa kenabuwa kaso nindi-ge kinmin wolmag-o.

1 KORINTUS 6:11

Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

2 KORINTUS 1:19

Nde, Mbal Pem Nagawan Ambara Yesus Kerisut na owene kit kennggendumu-ge Silwanus-nen na, Timotius-nen na, an-nen na yak kindi-ge owene iri-ge ”Ob-o, Lag-o” yoso-nen yusu-ge lag-o. Are, at ebem-e ”Ob-o” iri nak worasu-o.

2 KORINTUS 1:23

An-nen yimin wene yu-ge: ”Ndemeret wene-o” luk kungguruwak-nen an-e Mbal Pem Nagawan wene mbo busu-o. An nindi ar-e aru-o. An-e kit kenabuwa-nen Korintus iri me lobok yurak yigi-t nde, larok yigi-o.

2 KORINTUS 11:10

Kerisut ndemeret wene iri-ge an narem worasu bem an-nen wene yu urul pusu-o. An-nen nggi yoso buk pem nindi kek tak poso yu-ge Akaya uwi oboksa-nen mondok lak tak puwa bug-o.

2 KORINTUS 9:2

It yongga undurak pem kit kenalen yili iri-ge naru me, an-e Makeronia nap inmbiri bem kit kentembel wanosolar-e: ”Akaya nap iri-ge olengen nanduk woraige bem-net yongga undurak lid lud tak puruk woraiga-o” luk yak ondosolakmu-ge, kit kenmawi kwindigep iri na karuk, ap kwarat inndi te rak pigeb-o.

NGGALATIA 1:1

Wirik nibidnak nap Paulus an-e ki nap inndi-n pidnak pem-nen na lak, ki nap misik-nen mendak nibidnak pem-nen na lak, are, Yesus Kerisut min at uruk tak pid Nineid Mbal Pem Nagawan min-nen wirik nibid nap Paulus an-nen engga yu mbal kundusu-o.

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

EPESUS 1:1

Mbal Pem Nagawan indi-n pidnak pem Kerisut Yesus-nen wirik nibidnak nap Paulus an-nen-e Epesus wi woragwi nap, Mbal Pem Nagawan winde nap, Kerisut Yesus ebem kinndi angin tubu yigep nap kit kenmanggim engga yu mbarusu-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

1 TESALONIKA 1:1

I Paulus min Silwanus min Timotius min-nen-e Tesalonika woragwi lambuk tak inpidnak Nineid Mbal Pem Nagawan min Nagawan Indo Yesus Kerisut min-nen idnak nap kit kenmanggim engga yu mbatli-o. Mbal Pem Nagawan-nen we wok ondoso elem min lambuk tak woragwi elem min kit kinmin wolmag-o.

1 TESALONIKA 3:2

nit nonowot Timotius, nit totno Mbal Pem Nagawan eyabu wanogolar-e, Kerisut-nen yidnak aid wene yak ondoso nap iri-ge wirik ubuwog-o” luk yige-o. Nde, wirik uburak yige iri-ge, kit kinndi angin tubu yidnak na kwara uwi yabosolat, nggomo kondosolat,

2 TESALONIKA 1:1

Nit Paulus min Silwanus min Timotius min-nen-e Tesalonika woragwi lambuk tak inpidnak nap, Nineid Mbal Pem Nagawan min Nagawan Indo Yesus Kerisut min-nen idnak nap kit kenmanggim engga yu mbatli-o.

1 TIMOTIUS 1:1

Ninmiri Yoso Mbal Pem Nagawan-nen yidnak pem-nen na, nit ninndi ebem mbung mbung tak woragwi Kerisut Yesus ebem-nen na, Kerisut Yesus-nen wirik nibidnak nap Paulus an-nen-e

2 TIMOTIUS 1:1

Kerisut Yesus ebem unlug-et wolmomtak aru pidnak wene yak unduwakluk, Mbal Pem Nagawan indi-n pidnak pem Kerisut Yesus-nen idnak wirik nibidnak nap Paulus an-nen-e

TITUS 1:1

Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

PILEMON 1:1

Kerisut Yesus ebem kere kamat nibidnak nap Paulus an min nonowot Timotius min-nen nit nennggam, yabu misiget erep wanoso nap Pilemon kat min,

IBERANI 13:23

Nit nennggam Timotius na-ge o kubu me ibil nggwiga na-ge yawo weserak ibiga-o luk kenaru yobokluk-nen yak kundusu-o. Nde, at nde an worasu sa lobok yosola-ge, an-e kit kendam lobok yosolar-e, imin lobok yimin-o.