2 NAGAWAN NAGAWAN-NEN KWARIDNAK WENE 8:1 - Nanduk Ngget Tul Pidnak Wene

¹

2 NAGAWAN NAGAWAN-NEN KWARIDNAK WENE 8:1 ပူးပေါင်းရင်းမြစ်များ

NDAK WIRIDNAK WENE 12:10

Abaram na o Kanaan worasoma-ge, nogoro nggok mbi mbud yosoloma-ge, ereba me woraruk, nogoro na lak yosola-n lobok yurak puruk, Abaram na-ge abare ena nggwe ambigit Mesira mbirij-o.

NDAK WIRIDNAK WENE 26:1

Nde, misik tarem-e nanduk Abarakam worala, nogoro mbud yid iri na nggal-et nogoro nggok irit mbud yij-o. Iri ala karug-e, Isak iri na-ge Pilisin nap nagawan Abimelek iri na eram Nggerat mberarik, at-nen Nggerat wi iri me wolmomtak pem nggi yak tij-o.

NDAK WIRIDNAK WENE 41:25

Yosoloma, Yusup-nen nagawan iri na yak tosolar-e: ”Nabi mberen kaigen ereya-ge ebe-ge misiget erep nak kaigen-o. Nde, iri-ge Mbal Pem Nagawan-nen kwarurak irit mirik kibij-o.

NDAK WIRIDNAK WENE 41:32

Kat-nen nabi mberen pem kaigen iri-ge ebe-ge yu-o: Mbal Pem Nagawan-nen ’Irit kwat mag-o’ luk wat tak posolat, yanem-et Mbal Pem Nagawan-nen kwarak puwa-o.

NDAK WIRIDNAK WENE 41:54

Yusup-nen yid iri na ndak ndag-et olengen tuju iri arem-e nogoro mbud yij-o. Nde, yi wi ndi wi oboksa nogoro worala-t nde, o Mesira wi nak perak nde nunggwi mende lid lud tak pidnak irit woragij-o.

NDAK WIRIDNAK WENE 47:4

Nde, o Kanaan iri me-ge nogoro mbud yarik me, wam norak tusuangge abu umbuk yidnak ala karuk, nir-e o yu me wolmomtak abu lobok yige-o. Iri ala-ge, nab-o. ’O Nggosen irit wolmer-o’ yak nindi-o” luk yak tiga-o.

1 NAGAWAN NAGAWAN-NEN KWARIDNAK WENE 17:1

O Nggileat nggweyak arem o siri Tismbe nap Mbal Pem Nagawan ene lomboksa yoso nap mbi unu-ge Elia irit woragij-o. Nde, misik tarem-e Elia na-ge Nagawan Agap eram mberarik-nen yak tosolar-e: ”Nagawan Indo uruk nak woraso Mbal Pem Nagawan, Isarael nap-nen kek tak ubugwi an-nen ndegel ubusu owag-o. Mondok nap kat yak kereyeg-o. Abok olengen mberen, lak? Are, kenan lak? woragolar-e, ereya arem-e mondok lilangen ala na talme mariget ala na mondok mbuma bug-o. An-net yosola-nen perak mbuma-o” luk yak tij-o.

1 NAGAWAN NAGAWAN-NEN KWARIDNAK WENE 18:2

Yosoloma-ge, Elia na-ge mbirij-o. Nde, iri tarem-e nogoro nggok pendega lak yurak irit Samaria iri me-ge mbud yarik woragij-o.

2 NAGAWAN NAGAWAN-NEN KWARIDNAK WENE 4:18

Nde, la iri na nggok pem-e nggandum mbarugwi tarem-e la iri na-ge mberarik, eid iri na nggandum mbarugwi nap inmin nggandum mbato yapmu worasoma, eram mbirij-o.

2 NAGAWAN NAGAWAN-NEN KWARIDNAK WENE 4:36

Elisa-nen Nggekasi yak tosolar-e: ”La yu ija wene mbo ibi-o” yak tamu, wene mbo buruk, kwe iri na lobok yarig-e, ma nggwij-o. Nggosola, Elisa-nen yak tosolar-e: ”Kambara na-ge yu-o” yak tij-o.

2 NAGAWAN NAGAWAN-NEN KWARIDNAK WENE 4:38

Nde, misik tarem-e yi wi ndi wi oboksa nogoro wok yij-o. Wok yosola-ge, Elisa iri na-ge tuguruk Nggil Nggal lobok yarik, Mbal Pem Nagawan ene lomboksa yugwi nap sekola mirik onposolar-e, at ndegel oboso nap iri na yak tosolar-e: ”Togolwak nggok wanugundik, enmanggim nunggwi mende sagi-o” yak tij-o.

2 NAGAWAN NAGAWAN-NEN KWARIDNAK WENE 7:20

Iri na ndak ndag-et kwat yosolar-e, ap iri na-ge unuwok-nen yemen karuk mborogolar-e, o siri pak tumende bem iri me-t worak piga-o.

NDAWI ENGGA 105:16

Nagawan Indo-nen-e o iri na me nogoro nggok irit pil lobok yosolat, nunggwi mende lid lud tak pidnak ereba na oboksa lak tak pij-o.

NDAWI ENGGA 107:34

Iri me woragwi nap ereba-nen meya kwarugwi ereba na-n ndowaga nggweyak amburu worag-et nde, nggweyak amburu lak tak posolat arek tak pij-o.

AMOS 4:6

An-net nogoro-ge kit woragwi sa kunuwi silmu oboksa mberak pil mbuwagi-t nde, kir-e keneyanggo watluk, tuguruk an neram lobok yigit lag-o.

LUKAS 21:11

Nin me nan me o lele nggok yosolat, nogoro mbud yosolat, kugi enpem mbosolat ma-o. Kwiye kudtak mende min kwiye worak mende min mbal nggwe-nen kwat ma-o.

LUKAS 21:22

Iri kwaruwa tarem iri-ge it meya yidnak pem angin worak mende enpem mberak purak tarem-o. Nde, iri kwat unpuwa iri-ge Mbal Pem Nagawan engga bem-nen mbaridnak iri na ndak tak posolat-nen kwaruwa-o.

LUKAS 4:25

Alat nde, wene yu koler-o. Elia worala-ge, talme mbigit lak olengen tiga rak puruk, waneya enam woragolar-e, o iri me oboksa nogoro mbud yarik worala-ge, Isarael nap enma-ge kweyap togwe kwarat woraiga-t nde,

YIDNAK YIDNAK WENE 11:28

It ereya na ennggendumu ap misik unu-ge Agapus na-nen men luk Konak Indi-ge ebem worala-nen yosolar-e: ”Nogoro nggulok enpem mbosolar-e, yi wi ndi wi oboksa wok yuwa-o” luk yij-o. Iri na ndak yosolar-e, Nagawan Kelaudius iri worasola tarem-nen kwat yij-o.

URUT 1:1

Nde, nanduk Isarael nap ennggendumu nagawan mendak unpugwi lak woragola tarem-e Kanaan wi-ge nogoro mondok kwiye worak irit mbud yij-o. Nde, iri tarem-e ap misik unu-ge Elimelek irit woragij-o. At iri-ge Eperata nap, Yewura nggweyak pem o Mbetleyem woragij-o. Nde, iri me mondok nere kwiye worak mbud yosola-ge, ogwe Naomi min enmbararak mberen Maklon min Kilion min inmin Moap wi mberarik, ereba me worakmu-ge,