2 NAGAWAN NAGAWAN-NEN KWARIDNAK WENE 7:1 - Nanduk Ngget Tul Pidnak Wene

¹ Yosoloma, Elisa-nen onggo yosolar-e: ”Nagawan Indo-nen yid wene yu kuli-o! Kub-e yanem nggal-e perak tol misiget pem-et nde, ap-nen-e nggandum mbato mondok konak angin-e tiga kilo min nggandum mbato nin mende angin-e enam kilo min irit onggo puwa-o” luk yak tij-o.

2 NAGAWAN NAGAWAN-NEN KWARIDNAK WENE 7:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

2 NAGAWAN NAGAWAN-NEN KWARIDNAK WENE 20:16

Yosoloma, Yesaya-nen Isikia yak tosolar-e: ”Nagawan Indo-nen yosolar-e:

2 NAGAWAN NAGAWAN-NEN KWARIDNAK WENE 4:42

Nde, misik tarem-e ap misig-e o Mbaal-Salisa-nen lobok yosolar-e, nggandum mbato ngget mbarak min olengen iri arem-nen nggandum mbato nandug-et ngget mbara pidnak pem-nen woraidnak oroti dua pulu min irit Elisa wok til lobok yamu-ge, Elisa-nen-e: ”Mbal Pem Nagawan ene lomboksa yugwi nap ereba na tembet indi-o” luk ndegel oboso nap iri na yak tij-et nde,

2 NAGAWAN NAGAWAN-NEN KWARIDNAK WENE 6:25

Leget wa woragola-ge, iri-nen ndowaga o silmu-ge mondok nere kwarat woragolar-e, kelerai wam anggulwak mbarak misiget pem-e perak tol-e delapan pulu (80) pogolat, nde, towe merepati al ndok worak marig-et nak pem-et nde onggo-ge perak tol-e lima pogolat kwat tenak woraiga-o.

2 NAGAWAN NAGAWAN-NEN KWARIDNAK WENE 6:33

Nde, wene iri na yak ondosoma-ge, nagawan iri na pi iri me wok yosolat-nen yosolar-e: ”Anggun panggun yu-ge Nagawan Indo-nen nenpem pidnak kagit, no amanggim-nen at-nen yongga nunduwa-o luk at ebem

2 NAGAWAN NAGAWAN-NEN KWARIDNAK WENE 7:16

Iri yogola-ge, Samaria siri iri na me woragwi nab-e an meya kat meya pong kil mborogolar-e, Siria nap-nen pak tak woraiga sa ereba na-ge wirimikmik winde yiga-o. Nde, iri kwariga iri-ge Nagawan Indo-nen yosolar-e: ”Nggandum mbato konak nak angin-e tiga kilo min nggandum nin mende angin-e enam kilo min onggo-ge perak tol misiget nak puwag-o” yid iri na ndak ndag-et kwariga-o.

NDAWI ENGGA 46:5

Nde, Mbal Pem Nagawan-e iri me worasu me, o siri iri-ge lak ma bug-o. O kil posola-ge, at-nen yongga wuruwa-o.

MBIRIGA WENE 14:13

Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

MBIRIGA WENE 16:12

”It Isarael nap-nen nobok pili iri-ge kuligi-o. It Isarael nap iri-ge yu yak indi-o: ’Keyama-ge uno nunggub-o. Nde, kuplila-ge oroti nonggolat kinmbit ma-o’. Iri yogolar-e, an nimin-e ’Ar-e nit-nen idnak Nagawan Indo-nen yusu-o’ luk enaru ma-o” yak tij-o.

MBIRIGA WENE 8:23

An-nen-e kat nap min an nelem nap min lenak inpimin iri-ge yenggerak purak pem kwiye worak mende iri-ge kub-et kwat ma-o’ yak ti-o” yij-o.

YESAYA 1:10

Yerusalem wa-e! Kat-nen idnak enne kulugwi nap min kat kilirak min-e Sorom nap min Nggomora nap min nggal kwat yili-o. Nagawan Indo-nen yak kundusu wene-ge kwara kuli-o. Nit Nenmbal Pem Nagawan-nen nggomo kurusu-ge kwara yebet ki-o.

YESKIEL 37:4

Iri luk, Nagawan Indo-nen an yak norosolar-e: ”An-nen it enmanggim yidnak wene yu-ge ap onowak nggilarak ereba yak indi-o. Yak ondosolar-e:

YOANES 6:9

”La li ap yu-ge mburu lima min keyane mberen min worasu-t nde, ap kwarat yu nggal-nen iri ndak norag-e meya-o” luk yij-o.

YOSUA 3:5

Nde, Yosua-nen Isarael nap yak ondosolar-e: ”Kub-e Nagawan Indo-nen kwiye worak mende mbi kennggendumu kwaruwa me, mondok kenpe marak puruk wolmer-o” luk yak indij-o.

NAM PARA WENE 6:6

Nde, an kuliginggal-e, ene misik ap enne nggoksa yugwi nggal untugup worak mende empat ereya na enggenggerak-nen yosola kuligi-o. Nde, ene iri-nen yosolar-e: ”Yabu misiget pem wanidnak onggo-ge gandum yimbe misiget pem waga wok undurag-o. Nde, yabu misiget pem wanidnak onggo-ge mbato yimbe kenan pem waga wok undurag-o. Alat nde, saitun amburu min anggut engen amburu min-e meya rak purak pug-o” luk yij-o.

1 SEMUEL 11:9

Nde, it-nen Yabes-nen yonggo wirik ibil lobok yiga nap ereba na yak ondogolar-e: ”Yabes woragwi nab-e yu yak indi-o: ’Kub-e mo lenggesilmu yekluk yosola ereya bem-e kinmiri yurak worasu-o’ luk yak undurag-o” luk yak indikma-o. Yak ondogola kulurug-e, mondok enalen kwarat yiga-o.

1 SEMUEL 15:1

Nde, misik tarem-e Samuel-nen Saul yak tosolar-e: ”Nagawan Indo-net yak norosola-nen kar-e Nagawan Indo ilirak Isarael nap ennggendumu nagawan tak kobosolat amburu kanggul pem kilik pukmu-o. Iri bem-e nagawan kar-e Nagawan Indo Amawi Worak iri na-nen yidnak wene yu kwara kuli-o.