2 NAGAWAN NAGAWAN-NEN KWARIDNAK WENE 6:9 - Nanduk Ngget Tul Pidnak Wene

⁹ Alat nde, Elisa-nen Isarael nagawan iri na amanggim wene wosa pil mborosolar-e: ”Tula iri nggwe-ge Siria nap-nen pak tak worali me, tu iri nggwe-ge mbururak pug-o” luk aru rak pij-o.

2 NAGAWAN NAGAWAN-NEN KWARIDNAK WENE 6:9 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:1

Nde, misik tarem-e Mbal Pem Nagawan ene lomboksa yugwi nap ereba na ennggendumu ap misik ogwe togwe mbi-nen Elisa eram mberarik-nen yak tosolar-e: ”Nab-o. Kar-e karu-o. An nun-e Mbal Pem Nagawan aye worak nab-er-o. Nde, ar-e wat yamu-o. Nde, at-nen ap misik arengge namat wanidnak pem arengge ombo iri na lobok yarik, onggo-ge an nilirak mberen at ndegel uburak waneyekluk yusu-o” luk yak tij-o.

2 NAGAWAN NAGAWAN-NEN KWARIDNAK WENE 4:27

Alat nde, kwe iri na Elisa eram lobok yosolar-e, Elisa owak tena buruk, erare nggwe tud yosola karuk, Nggekasi-nen-e kwe iri na langgara wirik peyekluk yij-et nde, Elisa-nen yosolar-e: ”Keya bi-o. Ar-e indi abi kalok yidnak-nen nggal kwarusu-o. Alat nde, Nagawan Indo-nen-e wene-ge marig-et tet yak nurusu bug-o” luk yak tij-o.

2 NAGAWAN NAGAWAN-NEN KWARIDNAK WENE 4:7

Iri luk, kwe iri na Elisa eram tuguruk mborosola, Elisa-nen yak tosolar-e: ”Amburu ereba-ge namat oboksa iri na uwi yagonok-nen onggo wani-o. Nde, namat mbatluk, uang minggirig-e kat kilirak inmin kunluk worabok-nen winde yer-o” luk yak tij-o.

2 NAGAWAN NAGAWAN-NEN KWARIDNAK WENE 6:10

Iri yamu-ge Isarael nagawan iri na-nen-e tula iri na nggwe korok korok woragwi nab-e kwara kwil kwalsa wolmakluk enaru rak inpij-o. Nde, Elisa-nen-e iri nggal kwasa Isarael nap nagawan iri na yak tosolat woragij-o.

2 NAGAWAN NAGAWAN-NEN KWARIDNAK WENE 6:12

Iri luk kin wanosola, ap wim wari ereba na ennggendumu ap misik-nen onggo yosolar-e: ”Nagawan wa-e. Ap misiger-o luk mbi-nen iri kwatli bug-o. Are, Mbal Pem Nagawan ene lomboksa yoso nap Elisa iri na-nen-e kat nene yoso sa-nen wene kuraga yusu-t nde, oboksa Isarael nap nagawan iri na yak tosola-nen aru yusu-o” luk yij-o.

2 NAGAWAN NAGAWAN-NEN KWARIDNAK WENE 6:8

Nde, misik tarem-e Siria nap nagawan iri na-nen Isarael nap inmin wim mbarij-o. Mbarosolar-e, san ombo ereba na inmin wene mbarogolar-e, wim nggogolat-nen wolmomtak sa o sare lit kil lobok yurak irit wene mbariga-o.

AYUP 5:12

Inndi tenggerak nap-nen: ”Iri nggal kwaruwog-o” luk yidnak ereba na-ge ebe lak tak posolat, ir-e inndi tenggerak elem iri na-net enmberam laso rak poso-o.

NDAWI ENGGA 33:10

Ap enlem oboksa-nen ”Iri nggal-et kwaruwog-o” luk wene mbaridnag-e Nagawan Indo-nen yugwi rugwi rak poso-o. It inndi-nen yebet kaidnak mende-ge at-nen lak tak poso-o.

NGGOMO WENE 22:12

Nagawan Indo-nen-e enaru yugwi ndemeret konak wene ereba na-ge kwara puksa tena wolmakluk, ennesiget yugwi nap-nen ennesiget yugwi wene nam tak poso-o.

AMOS 3:7

Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.

NAM PARA WENE 1:1

Engga yu arem-e Yesus Kerisut-nen abok-nen kwat momtak mende nam tak pidnak wene mbarak worasu-o. Nde, yanem-et kwat ma mende iri-ge Mbal Pem Nagawan-nen at ndegel ubugwi nap mirik unpuwakluk, Kerisut wok tij-o. Nde, Kerisut-nen-e kwat ma mende iri na-ge at ndegel oboso nap Yoanes na mirik ubuwaklug-e, at-nen idnak aid nab-e Yoanes eram ibil lobok yij-o.