2 NAGAWAN NAGAWAN-NEN KWARIDNAK WENE 6:5 - Nanduk Ngget Tul Pidnak Wene

⁵ it ennggendumu ap misik e ndarosoma mimo ije-ge woroksa yi ma nggwij-o. Nggosola, ene nggoksa Elisa yak tosolar-e: ”Ije! Nombo wa-e! Yu-ge ap inije luru wanidnak me nde yi ma nggwij-o!” luk yak tij-o.

2 NAGAWAN NAGAWAN-NEN KWARIDNAK WENE 6:5 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:7

Iri luk, kwe iri na Elisa eram tuguruk mborosola, Elisa-nen yak tosolar-e: ”Amburu ereba-ge namat oboksa iri na uwi yagonok-nen onggo wani-o. Nde, namat mbatluk, uang minggirig-e kat kilirak inmin kunluk worabok-nen winde yer-o” luk yak tij-o.

2 NAGAWAN NAGAWAN-NEN KWARIDNAK WENE 6:15

Nde, kub-e kubu kabu Elisa ndegel oboso nap iri na wurungsa mbiridnggal-e, Siria nap san ombo-nen o siri iri na-ge lop lop worak worakmu, eneyagaij-o. Nde, it ereba na-ge ab-e kura wam ombolwak pem min nggweyak koma arem min mondok lid lud tak worakmu eneyagaij-o. Eneyarug-e, Elisa eram mborosolar-e: ”Nombo-o. Nir-e yawo-net mondok mena-o! Mondok ngge kwarul-o?” luk yak tij-o.

2 NAGAWAN NAGAWAN-NEN KWARIDNAK WENE 6:4

lambuksa it inmin mbirigarik, Yi Yareren eyak pem wok yogolar-e, e ereba na yunuwokluk ndaril lobok yukmu-ge,

2 NAGAWAN NAGAWAN-NEN KWARIDNAK WENE 6:6

Yosoloma, Elisa-nen yosolar-e: ”Ije-ge ngge me mbij-o?” luk yak tosoloma-ge, ap iri na-nen-e ije mbid sa iri na me mirik ibij-o. Mirik obosoloma-ge, Elisa-nen-e e mbet marik mbi toboksa ije mbid iri na me mberak pil mbosola, ije iri na-ge yi ombolwak pem laringsa luwagij-o.

NDAWI ENGGA 37:21

Meya yugwi nap-nen-e ap enarengge luru wanurug-e, tuguruk uwi yakwi bug-o. Alat nde, konak nap-nen-e inndi op pem-et we wok undugwi-o.

NAM PARA WENE 18:10

At andi bandi kasu na kwiye-nen nuruksa mendak woragolat-nen yogolar-e: ”E! O siri anggu obok worak amawi worak Mbabel yu-ge ijar-o! Kat kebem wene mbarosolar-e, jam misiget pem nak lak tak kubusu-o!” luk yuwa-o.

NAM PARA WENE 18:16

yogolar-e: ”At usum-e sum loro konak min sum mimi min mongga sum min yirik worasolat, imirik umurug-e emas-nen konidnak min onggo kwarat pugwi kerep min mutiara tol min pago woraso na-t nde, o! O siri anggu obok worak yu-ge andi bandi kasu yu-ge o!

NAM PARA WENE 18:19

Ir-e mabe ndatluk tabun puruk woragolat, yip togolat-nen enne ngguloksa yogolar-e: ”O! O siri nggulok iri andi bandi kasu yu-ge o! At isilobulo kwarat ereba na-nen ndowaga yi ombolwak pem waring kagwi koma winde nap oboksa-ge enarengge kwarat ligik lagaij-o. Nde, jam misiget pem nak at arenggi arengge oboksa lak yij-o!” luk yiga-o.