2 NAGAWAN NAGAWAN-NEN KWARIDNAK WENE 6:19 - Nanduk Ngget Tul Pidnak Wene

¹⁹ Enlengen ndamuk yil lobok yamu, Elisa na endam mborosolat-nen yak ondosolar-e: ”Kir-e kabak yili-o. O yu-ge kit-nen unu mbatluk lobok yigep iri na-ge lag-o. Kit-nen ogore lobok yigep nap iri eram an-nen ndemel kunpuruk mbereyeg-o. An nimbirik nak lobok yer-o” yak undurug-e, Elisa-nen-e lit unpuruk Samaria mbirij-o.

2 NAGAWAN NAGAWAN-NEN KWARIDNAK WENE 6:19 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 6:18

Nde, Siria nap ereba na-nen enpem kore yogola, Elisa-nen tepan yosolar-e: ”Nagawan Indo wa-e. Ap yeba-ge enlengen ndamuk tak pi-o!” yosoloma, Nagawan Indo-nen Elisa-nen tepan yid iri na kulurug-e, ap ereba na-ge enlengen ndamuk tak pil lobok yij-o.

2 NAGAWAN NAGAWAN-NEN KWARIDNAK WENE 6:20

Mbirigarik, Samaria siri iri na me-t nggogolar-e, Elisa-nen tepan yosolar-e: ”Nagawan Indo wa-e. It-nen kwara kujwakluk enlengen tu kuwarak pi-o” yosoloma, Nagawan Indo-nen Elisa-nen tepan yid iri na kulurug-e, ap yeba na enlengen tu kuwarak posoloma-nen nde yik kaiganggal-e, Samaria nde worakmu karug-e, wendet yiga-o.

MATIUS 16:24

Iri luk, Yesus-nen at owosirak yak ondosolar-e: ”Ta-nen nde an nimin nurak indingen ala-ge, at na at ambikpebe abuwa lak tak puruk, at-nen idnak e lang pang tak iri na kud turuk, an nimin nuwag-o.

MARAKUS 8:34

Yak turug-e, ap kwarat min at owosirak inmin wene mbo unpuruk-nen it na yak ondosolar-e: ”Ap-nen nimbirik nurak ala-ge, at-net at ambikpebe isili rak puruk, e lang pang tak ebem pidnak na pijanuruk, an nimbirik nuwag-o.

LUKAS 24:16

Nde, it-nen Yesus na kaiga-t nde, ndemeret Yesus-o luk yenggerak pigit lak yiga-o.

LUKAS 9:23

Iri luk, Yesus-nen it pidsa yak ondosolar-e: ”Ta-nen nde an nimbirik nurak perasolar-e, at-nen nggok tak poso mende pidsa keya buruk, at-nen idnak e lang pang tak na pempa-n kud turuk, an nimbirik nosolat wolmag-o.