2 NAGAWAN NAGAWAN-NEN KWARIDNAK WENE 6:17 - Nanduk Ngget Tul Pidnak Wene

¹⁷ Yosoluk, Elisa-nen tepan yosolar-e: ”Nagawan Indo wa-e. Kat-nen an ndegel noboso nap yu-nen kwara kujwakluk erengen tu kuwarak pi-o” yosoloma, Nagawan Indo-nen Elisa ene kulurug-e, erengen tu kuwarak posoloma, Elisa ndegel oboso nap iri na-nen yik kagaidnggal-e, ndobo iri na bem-e kura wam kan mare nggal min nggweyak koma kan mare nggal min-nen mak yarik, Elisa lop lop worak woragola, eneyagaij-o.

2 NAGAWAN NAGAWAN-NEN KWARIDNAK WENE 6:17 ပူးပေါင်းရင်းမြစ်များ

NDAK WIRIDNAK WENE 21:19

Iri yak turuk, Mbal Pem Nagawan-nen Agat na erengen kuwarak posoloma, kwe na-nen yik kagaidnggal-e, yi mbun emnde mbarak misik yik kagaij-o. Karuk yarik, kwe na-nen sapi wam aboro-nen konidnak yimbe iri na arem yi kenangga waruk mberarik, la na mak tij-o.

NDAK WIRIDNAK WENE 32:1

Nde, Yakup na-ge tu wanarik ama mborosoma-ge, aid nab-e at imin lambuk yiga-o.

NDAK WIRIDNAK WENE 32:2

Lambuk luk, Yakup-nen yik eneyasola-nen perasolar-e: ”Yu me-ge Mbal Pem Nagawan woraso sa me, o yu me unu-ge Makanaim-o” luk yarij-o.

NDAK WIRIDNAK WENE 32:3

Iri lug-e, ap ereb-e owe Esau eram o Erom wi nanduk wirik inpij-o.

2 NAGAWAN NAGAWAN-NEN KWARIDNAK WENE 2:11

It mberen iri na wene ndiril ndiril mburukmu-ge mimo nggweyak koma kan mare worak iri na kura wam kan mare worak iri na-nen lit karuk lobok yosolar-e, it mberen yu na-ge enariktak tak unpuruk, o wija nggok puk kil lobok yosolar-e, Elia iri na-ge kud turuk aid arem lagaij-o.

NDAWI ENGGA 104:3

Kat kuwi-ge mbal pem teram eid me yi ombolwak pem wirigen-o. Nggan nggan-e kat-nen konggweyak koma nggal tak puruk, o wija isiyamu bem koreluk mburusu-o.

NDAWI ENGGA 104:4

Nde, kat-nen-e o wija-ge kat-nen lena wirik pidnak nap nggal tak pusu-o. O pinel-e kat ndegel koboso nap nggal kwarak pusu-o.

NDAWI ENGGA 34:7

Nagawan Indo-nen idnak aid nab-e Nagawan Indo inndi aye worak ereba na yik eneyarok woralat, it lak tak unpurak elem arem-nen mengga keya onposo-o.

NDAWI ENGGA 91:11

Mbal Pem Nagawan-nen-e kat yik keyarok wolmakluk aid nap yak ondosola, kat mburugun sa oboksa-ge nggetlel kuburuk nuwa-o.

NDAWI ENGGA 91:15

It-nen nde an neram wene pil luwagola-ge, an-nen enne erep nggarimin-o. Anggun panggun enpem mbidnak tarem na an-net yongga indimin-o. An-nen inmiri yosolat, kek tak onposolat yimin-o.

YESAYA 42:7

Kar-e enlengen ngguru enlengen kuwara wok ondosolat, o kubu me woragwi nap wisirik onposolat kwarugun-o.

NDANIEL 10:7

Nabi nggal pem kagi iri-ge an narig-et-nen kagi-o. Nde, ap an nimin woraiga nap-nen-e kagit lag-o. Alat nde, ir-e kwiye-nen kurak yil pong kil mbiriga-o.

WONARIDNAK WENE 22:31

Iri lug-e, Nagawan Indo-nen Mbileyam erengen kuwarak pamu-ge, aid nap kabo inggi tenaga mendak iri na karug-e, ereya na-net Mbileyam na-ge erare nggwe tud luk erembel wanij-o.

MATIUS 26:53

An-nen Neid eram nggi yiginggal-e, wim purak aid nap kere duabelas nggal-e lak, terak minik kwarat ndaget nak an neram pil lobok yelep pug-o luk perasu-a?

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.

NAM PARA WENE 19:11

Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.

NAM PARA WENE 19:14

Aid arem woragwi san winde-ge at imin unsum-e sum loro konak kopkap lak yutluk, kuda wam loro ereba na ombolwak pem yere kore at imin mbiriga-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.