2 NAGAWAN NAGAWAN-NEN KWARIDNAK WENE 6:16 - Nanduk Ngget Tul Pidnak Wene

¹⁶ Yosoloma, Elisa-nen onggo yosolar-e: ”Kwiye kasu-ge meyog-o. Nit nenambigit yidnag-e kwarat worali-o. Nde, it enambigir-e marig-et nak-nen yusu-o” luk yak tij-o.

2 NAGAWAN NAGAWAN-NEN KWARIDNAK WENE 6:16 ပူးပေါင်းရင်းမြစ်များ

NDAK WIRIDNAK WENE 32:1

Nde, Yakup na-ge tu wanarik ama mborosoma-ge, aid nab-e at imin lambuk yiga-o.

2 NAGAWAN NAGAWAN-NEN KWARIDNAK WENE 6:15

Nde, kub-e kubu kabu Elisa ndegel oboso nap iri na wurungsa mbiridnggal-e, Siria nap san ombo-nen o siri iri na-ge lop lop worak worakmu, eneyagaij-o. Nde, it ereba na-ge ab-e kura wam ombolwak pem min nggweyak koma arem min mondok lid lud tak worakmu eneyagaij-o. Eneyarug-e, Elisa eram mborosolar-e: ”Nombo-o. Nir-e yawo-net mondok mena-o! Mondok ngge kwarul-o?” luk yak tij-o.

NDAWI ENGGA 27:3

San ombo kwarat-nen an lop lop nuruwa-t nde, an-e kwiye kamin pug-o. Wim nab-e an nuruwokluk nimin wim ngaruwa-t nde, an nindi-ge kebem-et wat tak puruk woramin-o.

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 46:7

Nagawan Indo amawi worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

MBIRIGA WENE 14:13

Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

YESAYA 8:10

”Iri nggal kwaruwog-o” luk, wene mbarer-o! Alat nde, iri-ge oboksa ebe kwat ma bug-o. Mbal Pem Nagawan-e nit ninmin worala me, kit-nen wene nggaruk tak pugub-et nde, meya ebe lak nde ma-o.

MATIUS 26:53

An-nen Neid eram nggi yiginggal-e, wim purak aid nap kere duabelas nggal-e lak, terak minik kwarat ndaget nak an neram pil lobok yelep pug-o luk perasu-a?

MARAKUS 16:6

Alama-ge, ap sugwe iri-nen it yak ondosolar-e: ”Kwiye kali-ge meyog-o. Kir-e Nasaret nap Yesus, e lang pang tak pem panggarak ibiga nap iri na ogore yili-t nde, at iri-ge yu me-ge lag-o. Uruk luk, men yamu-o. At yapma pogolat mbinggirik ibiga ondoro-ge yu nak ker-o.

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

PILIPI 1:28

Kit kinmin sirid nap-nen-e mondok kwiye rak kunpuwa bug-o. Kir-e it enaye kagit lak yogola-ge, ”E! It yu-ge nit lak tak nunpuwa-o” luk yenggerak kunpuwa-o. Nde, Mbal Pem Nagawan-nen perak nde kit kinmiri yuwa-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.