2 NAGAWAN NAGAWAN-NEN KWARIDNAK WENE 5:7 - Nanduk Ngget Tul Pidnak Wene

⁷ Isarael nagawan iri na-nen engga iri na wonatlug-e, indi wendet yosolat, usum ndela keya bosolat-nen yosolar-e: ”Mondok meya-o! Noluk-nen Siria nagawan iri-ge an-nen ap yu ki rak purak yak nirij-o? An-e Mbal Pem Nagawan nggal unluk tak posolat, lak tak onposolat kwaroso iri na nggal namawi worak ala-nen yij-a? Siria nagawan iri-ge an nimin yurak tu kore yosolat-nen yid kagi-o” luk yij-o.

2 NAGAWAN NAGAWAN-NEN KWARIDNAK WENE 5:7 ပူးပေါင်းရင်းမြစ်များ

NDAK WIRIDNAK WENE 30:2

Yosoloma, Yakup isilepma Arakel ebem posolat-nen yosolar-e: ”An-e Mbal Pem Nagawan-e lag-o. Kar-e Mbal Pem Nagawan-net la ndagurag-e lak tak kubusu-o” luk yak tij-o.

NDAK WIRIDNAK WENE 37:29

Iri rak pikma nde, at Uruben na-ge lobok yarik, yi mbun emnde mbaridnak sa iri na me wok yarik, lombot pidnggal-e, Yusup lak alama karug-e, indi andi-nen usum ndela bela keya bij-o.

NDAK WIRIDNAK WENE 50:19

Iri yogola, Yusup-nen yak ondosolar-e: ”An-e Mbal Pem Nagawan nggal-e lak me, kir-e kwiye kali-ge meyog-o.

2 SEMUEL 1:11

Wene iri na kulurug-e, Ndaut na-ge indi puru yosolar-e, Ndaut min at imin nugwi nap min unsum ereba na-ge ndela bela keya biga-o.

2 NAGAWAN NAGAWAN-NEN KWARIDNAK WENE 18:37

Nde, Elyakim min Sepna min Yoa min it ereya na-ge inndi abi kalok yogolat, unsum ndela bela keya biga-o. Iri luk, mborogolar-e, Asiut nap san ombo onowe-nen yidnak wene ereba na-ge Nagawan Isikia yak til mbiriga-o.

2 NAGAWAN NAGAWAN-NEN KWARIDNAK WENE 5:6

Nde, engga mbarid iri-ge wene-ge yu nggal mbarij-o: ”Engga mbarak yu bem-nen an-nen idnak san ombo onowe Naman yu mirik kubusu-o. Kat-nen karuk, at ebem mbidnak marugot ndigiril laso iri-ge kat-nen ki rak obonokluk mirik kubusu-o” luk mbarij-o.

YEREMIA 36:24

Nde, iri na kan posola-ge, Elnatan min Ndelaya min Nggemaria min-nen-e: ”Engga ket mbet tak iri na-ge kan purak pug-o” luk nagawan na emengen mbariga-t nde, ar-e it enne kuligit kuligit kan pij-o. Nde, nagawan-nen na irit, it pemerinta yabu winde engga iri wonarosola kuliga nap-nen na irit, engga arem mbarak ereba na bem-e kwiye na mondok yigit lak, iri-nen ”Niri nera-o” luk, unmud na mondok kagit lag-o.

NDANIEL 2:11

Nde, nap nagawan kat-nen yak nerer-o yusu yu-ge mondok angin worak nggesa nggal irit yosola me, ap misiger-o luk mbi-nen nagawan kat yak kururag-e meya-t yusu-o. Alat nde, nit-nen erembel wanugwi nenmbal pem nagawan-nen nak perak para yurag-e ndak-nen yusu-o. Alat nde, nit-nen erembel wanugwi ereba-ge nit ap nennggendumu-ge worali bug-o” luk yak tiga-o.

OSEA 6:1

Nde, it Isarael nap-nen yogolar-e: ”Yawo-ge tuguruk nden karuk Nagawan Indo eram mburuwog-o. At-net andi bandi rak ninpij-et nde, at-net ki rak nunpuwa-o. At-net mep tak ninpij-et nde, uj-e engga nggitlik nunpuwa-o.

WONARIDNAK WENE 14:6

Iri kwarogola-ge, it ennggendumu enlengen waruk o yen mbiridnak nap Nun ambara Yosua min Yepune ambara Kalep min inndi puru pera yogolar-e, it unsum ndela bela keya bogolat-nen

MATIUS 26:65

Iri yosoloma-ge, tepan ombo nggulok na-nen at usum ndela keya buruk-nen yosolar-e: ”At yu-nen-e Mbal Pem Nagawan obok pid irir-o! Nir-e no amanggim at ebem wene kunggururak nap erep yonggo unpul-o? At ondomok-net Mbal Pem Nagawan obok posola, abu kuligep irir-o.

LUKAS 11:54

Nde, iri yosola iri-net at tenaguwokluk at-nen wene lugud tak nggwe wirik puwa-o luk kwara abut mbal tenak woraiga-o.

YIDNAK YIDNAK WENE 14:14

Yogolikma-ge, Mbaranabas min Paulus min-e wene iri na kuluruk yigarig-e, it unsum ndelak puruk, ap kwarat ndok wiridnak na ennggenggerak puburak nggogolat-nen ngguloksa yogolar-e:

TUGURUK YIDNAK WENE 32:29

It nde inndi worak nggal-nen-e it lak momtag-e inndi yebet kaleb-o.

TUGURUK YIDNAK WENE 32:39

Kwara yebet ker-o. Mbal pem nagawan nin mbi-ge mondok lak. Mbal Pem Nagawan-e an narig-et nak-nen yusu-o. An-e lak tak onposo min unluk tak poso min-nen yusu-o. An-e mep tak onposo min ambut tak onposo min-nen yusu-o. An-nen kwarosola-ge, ap misiger-o luk tet nebem kore yugwi buk-nen yusu-o.

1 SEMUEL 2:6

Nagawan Indo iri-ge worak onposolat, unluk tak onposolat yoso-nen yusu-o. Nagawan Indo-nen-e ab-e wat luk ndok wiril mburugwi sa inpil ngguruk, at-nen iri me-n lesa inpil luwaso-o.