2 NAGAWAN NAGAWAN-NEN KWARIDNAK WENE 5:5 - Nanduk Ngget Tul Pidnak Wene

⁵ Yosoloma, nagawan iri na-nen yosolar-e: ”Ob-o. Isarael nap nagawan iri eram mbiri-o. At amanggim-e an-nen engga mbarimin-o” yak tij-o. Yak tosoloma, Naman iri na mborosolar-e, perak tol tiga pulu ribu (30.000) min emas tol enam ribu (6.000) min yurugwi sum konak nak ondok min lombok sepulu min irit waruk mbirij-o.

2 NAGAWAN NAGAWAN-NEN KWARIDNAK WENE 5:5 ပူးပေါင်းရင်းမြစ်များ

NDAK WIRIDNAK WENE 11:3

Woragolar-e, it-nen wene mbal kerak mbogolar-e: ”Yawo-ge nir-e nggweyak kona omok wosa keya buruk, amawi makluk woraguwog-o” luk wene mbatlug-e, woraga koniga-o. Nde, iri kwarogolar-e, kebet wururak nggweyak kerep kwarat wora min kerep ereba na anggam pem nambeksa panggaril ludtak mende amburu min-et kona buruk woragolat-nen

NDAK WIRIDNAK WENE 11:7

Anggam-nen anggam ene kulurak meya makluk, nir-e mbulndik, enne nari wari rak puwog-o” luk yiga-o.

NDAK WIRIDNAK WENE 45:22

Iri-nen sum ngget nak ininggiri sum min enpe sum min enambik tak wok indil lobok yij-o. Alat nde, owot Mbenyamin iri na perak inggiri sum lima, ebe sum lima min perak tol-e tiga ratus (300) min wok tij-o.

1 NAGAWAN NAGAWAN-NEN KWARIDNAK WENE 13:7

Iri luk Yerobeam-nen Mbal Pem Nagawan ene lomboksa yoso nap iri na yak tosolar-e: ”An nama nunggwi mende nonggolat, narengge mende siyak we wok korosolat kwareyek-nen lobok yi-o” yak tij-o.

1 NAGAWAN NAGAWAN-NEN KWARIDNAK WENE 22:3

Nandug-et Akap-nen at-nen idnak san ombo ereba na yak ondosolar-e: ”O Nggileat nggweyak pem o siri Aramot iri-ge nanduk nit nunuwi nggweyak woraso na-t nde, noluk-nen Siria nagawan iri inggem-nen tuguruk mengga wanigit lak yili-o?” luk yak indij-o.

2 NAGAWAN NAGAWAN-NEN KWARIDNAK WENE 4:42

Nde, misik tarem-e ap misig-e o Mbaal-Salisa-nen lobok yosolar-e, nggandum mbato ngget mbarak min olengen iri arem-nen nggandum mbato nandug-et ngget mbara pidnak pem-nen woraidnak oroti dua pulu min irit Elisa wok til lobok yamu-ge, Elisa-nen-e: ”Mbal Pem Nagawan ene lomboksa yugwi nap ereba na tembet indi-o” luk ndegel oboso nap iri na yak tij-et nde,

2 NAGAWAN NAGAWAN-NEN KWARIDNAK WENE 5:4

Nde, Naman-nen wene iri na kulurug-e, Siria nagawan iri na eram mberarik, lagwe iri na-nen yid iri na yak tij-o.

2 NAGAWAN NAGAWAN-NEN KWARIDNAK WENE 5:6

Nde, engga mbarid iri-ge wene-ge yu nggal mbarij-o: ”Engga mbarak yu bem-nen an-nen idnak san ombo onowe Naman yu mirik kubusu-o. Kat-nen karuk, at ebem mbidnak marugot ndigiril laso iri-ge kat-nen ki rak obonokluk mirik kubusu-o” luk mbarij-o.

YESAYA 5:5

An-nen idnak anggut yabu yu-ge an-nen-e yu nggal kwat ibimin-o. Yabu iri leget iri-ge kona wabimin-o. At imiri mbarak worasu kerep leget iri-ge ndamera keya bimin-o. Iri rak pumu, nggwija-nen meya rak posolat, ijok liri rak puwakluk keya bimin-o.

WONARIDNAK WENE 22:7

Iri yosoloma, wene na waruk Moap nap min Mirian nap min ennggendumu-nen enne kulugwi nap ereba na-ge Isarael nap inmbiri lamut tak purak pem onggo min Mbileyam eram wirik inpij-o. Iri yamu, Mbileyam eram wok yogolar-e, Nagawan Mbalak-nen wene wosa pid wene ereba na yak tiga-o.

YAKOBUS 4:13

Kit-nen yogolar-e: ”Yawo ala na, kup ala na, nir-e o siri misik me mburulndik, olengen misik iri me woragolar-e, nenarengge wene wutluk, uwang lesa wanogolat wulmul-o” yili-t nde, an yak kindimin yu kwara koler-o.

WENE MBENARUGWI NAP-NEN KWARIDNAK WENE 14:12

Iri yikma, Simson-nen ap sujwe ereya na yak ondosolar-e: ”An-nen wene ombol mbarak wene misik yak kindimin nde, ludsa-t yogola-ge, linen sum abak miniya miniya kinlit tak wok kondosolat, yurugwi sum kinnggiri sum min kenpare sum min kinlit tak wok kondosolat kwarimin-o. An kwe wanosolat tuju bem nggok sagosolat ya worala-ge, ombol mbarak wene iri ebe para yurag-o.