2 NAGAWAN NAGAWAN-NEN KWARIDNAK WENE 5:17 - Nanduk Ngget Tul Pidnak Wene

¹⁷ Keya bosoloma, Naman-nen Elisa yak tosolar-e: ”Nab-o. Kat-nen nde an-nen wok kirigi mende keya bosola-ge, an-nen-e o ya-nen tel korosolar-e, kugwiwak amanggim wam wosa pigit lak, Nagawan Indo amanggim nak peyek-nen kelerai wam mberen-nen nggweyak waruk mboroso ndak ndak nggweyak mbi waruk mbururag-e nunggwirig-o?

2 NAGAWAN NAGAWAN-NEN KWARIDNAK WENE 5:17 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 5:12

Nde, an-nen yi ma nggosola, ud ambut yurag-e yi-ge Ndamsik yi Abana min Patpat min-nen perak mondok konag-o. Nde, Isarael yu me-ge yi oboksa meya nak-nen yusu-o!” luk yij-o.

2 NAGAWAN NAGAWAN-NEN KWARIDNAK WENE 5:18

Nde, an nde an-nen idnak nagawan imin lambuksa Siria nap-nen erembel wanugwi kugwiwak Irimon uwi iri na me kugwiwak erembel wanurak nggosola-ge, Nagawan Indo-nen-e an-nen kwarimin iri-ge amberam tak puwag-o!” luk yij-o.

MBIRIGA WENE 20:24

An namanggim wam wosa kan purak ondoro nggweyak-nen kona ndamil li-o. Ndamuruk iri na bem-e kowam sapi min lomba min-e an namanggim wosa kan pogolat, an nimin kundurak pem wosa kan pogolat wolmomtag-o. Nde, an nerembel wanogolat wolmomtak ondoro an-nen lenak pidnak sa ereba na me an-e lobok yosolar-e, imbiringgat tak kinpimin-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 14:1

Kwara indi angin tubu yigit lak nap iri-ge kit-nen konag-et wok obogolar-e, at indi-n peraso iri na bem wene namawi kamawi yurak pug-o.

1 TESALONIKA 1:9

Are, iri wene kuliga nap it ondomok-nen kenggera yak nondogolar-e, nir-e kit kendam wok yogola-nen wok ninpigep wene min kit nanduk kugiwak kwarugwi keya buruk, nden karuk Mbal Pem Nagawan ambigit nggwe lobok yigep wene min ndemeret uruk nak woraso Mbal Pem Nagawan ndegel ibili wene min

1 PETERUS 4:3

Nde, kit nanduk kwarat woragolar-e, Mbal Pem Nagawan enaru buk nap-nen indingen kagwi mende kwarogolat woraigeb-o. Iri kwarogolar-e, meya nak kwarogolat, kinndi-nen ukwe yugwi nak langgal luk mborogolat, anggut engen amburu nuruk, kinndi wawa yogolat, inik inik saguruk, mbabi yogolat, anggut engen amburu na ndonggosa nonggolat, erembel wanurak pug-o luk yidnak kugiwak erembel wanogolat woraigeb-o.