2 NAGAWAN NAGAWAN-NEN KWARIDNAK WENE 5:13 - Nanduk Ngget Tul Pidnak Wene

¹³ Alat nde, at ndegel ubugwi nap ereba na at eram panggo yogolat-nen yak togolar-e: ”Nab-o. Kat nde kwarurak meya nggesa nggal-et kebem pelepnggal-nen-e kar-e kwatleb-et irir-o. Nde, yu-ge we yi ma nak nggugun pem ki yurak nde yak kirij-o, nab-o” luk yak tiga-o.

2 NAGAWAN NAGAWAN-NEN KWARIDNAK WENE 5:13 ပူးပေါင်းရင်းမြစ်များ

NDAK WIRIDNAK WENE 41:43

Iri luk, nagawan-nen yidnak nggweyak koma misik iri na-ge Yusup-nen ebem nosolat wolmakluk, wok turuk keya bamu, nggweyak koma iri na mborosola-ge, ap san ombo yik karok woragwi ereb-e nanduk mborogolat enne nggoksa yogolar-e: ”Tu terak waber-o!” arem waring kil niga-o. Nde, Yusup na-ge iri nggal kwasa Mesira nap enanggul pem ese (Ngguberenot) mendak pij-o.

2 NAGAWAN NAGAWAN-NEN KWARIDNAK WENE 13:14

Nde, misik tarem-e Mbal Pem Nagawan ene lomboksa yoso nap Elisa iri na-ge kugwi angin worak irit wirij-o. Woramu worala-ge, Nagawan Yoas iri na-ge kil lobok yij-o. Nde, nagawan iri na-nen kagaidnggal-e Elisa na-ge mondok wat momtak irit karuk-nen yip tosolat-nen yosolar-e: ”Isarael nap ninmiri yoso kek tak nombo wa-e! Nombo wa-e!” luk yij-o.

2 NAGAWAN NAGAWAN-NEN KWARIDNAK WENE 2:12

Lasola, Elisa-nen yik karok woralat-nen yosolar-e: ”Neid Elia wa-e! Neid Elia wa-e! Isarael nap inmiri yoso kamawi worak nap wa-e! Neid kar-e yawo-ge kondoro nak keya bigen-o!” yosolat-nen yik karok worala ereya na-t Elia na-ge lak yij-o. Iri yosolar-e, Elisa na-ge usum iri na-ge orowak wosa mberen tak pij-o.

2 NAGAWAN NAGAWAN-NEN KWARIDNAK WENE 5:10

Nde, Elisa-nen at ndegel oboso nap misik yak tosolar-e: ”Naman iri-ge yu nggal yak ti-o: ’Nab-o. Kar-e Yi Yareren arem-et mburugundik, tuju bem-et yi ma nggurag-o. Iri kwarosola-ge, ud ereba-ge mondok lak ma-o’ yak ti-o” luk yak tij-o.

2 NAGAWAN NAGAWAN-NEN KWARIDNAK WENE 5:3

Nde, misik tarem-e Isarael ligwami iri na-nen kwe at-nen ndegel oboso Naman ogwe iri na yak tosolar-e: ”Kwe yu-ge wa-e. Naman nde Samaria mburuwarik nggal-nen-e mondok Mbal Pem Nagawan ene lomboksa yoso nap iri me worasu iri-nen-e ki rak ebeleb-o” luk yak tij-o.

2 NAGAWAN NAGAWAN-NEN KWARIDNAK WENE 6:21

Nde, Isarael nap nagawan iri na-nen Siria nap ereba na eneyaruk-nen Elisa kin wok obosolar-e: ”Nab-o. Ap yeba-ge mondok indimin, lak?” luk yak tij-o.

NDAWI ENGGA 51:2

An-nen meya kwaroso oboksa masa lak tak nibi-o. An-nen meya yoso elem arem-nen masa mbereksa keya nibi-o.

NDAWI ENGGA 51:7

Masa labuk yek-nen marak nibi-o. Mondok loro mbek yaga labuk yek-nen masa keya nibi-o.

YESAYA 1:16

Kit meya yidnag-e mondok masa mbek tak puruk wolmer-o. Kit-nen yi meya ndi meya kwatli ereba-ge keya buruk, ndong yer-o. Tugurug-e mondok meya kwarurak puk na-e. Kuligeb-a?

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MATIUS 23:9

Nde, kit Kineij-e misiget nak, aid arem worasu me, kit-nen-e nggweyak ma yu me-nen-e ap misiger-o luk tet ’Neid wa-e’ yak turag pug-o.

YOANES 13:8

Iri yosoloma-ge, Peterus-nen at yak tosolar-e: ”Kat-nen an nuwok marurag-e mondok lik laksa-o!” luk yosoloma-ge, Yesus-nen at yak tosolar-e: ”An-nen kat mat kibigit lak ala-ge, kar-e an nimin kundig-e lag-o” luk yak tij-o.

YOANES 9:7

Ndarak puruk, Yesus-nen at yak tosolar-e: ”Siloam ugup arem kerare maril mbiri-o” luk yak tij-o. (Siloam iri-ge nit nenne bem-e Wirik Pidnag-o yogolar-o.) Yak tosoloma-ge, ap na mberarik, at erare yi masa keya buruk, erengen kuwak yamu lobok yij-o.

YIDNAK YIDNAK WENE 22:16

Nde, yawo-ge kar-e noluk kindi tusuruk yusu-o? Men yi-o. Yi ma kobosola, Nagawan Indo unu luk wene mbo bosola-net kat meya yidnak masa lak tak puwa-o’ luk yak nirij-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 1:27

Alat nde, inndi tenggerak nap na innggiri wuruwaklug-e, Mbal Pem Nagawan-nen nggweyak ma yu me wid woragwi irit len inpij-o. Nde, enarong worak nap innggiri wuruwaklug-e, Mbal Pem Nagawan-nen nggweyak ma yu me ndeyak woragwi irit len inpij-o.

1 KORINTUS 4:15

Kir-e Kerisut ebem-e mul kundugwi nab-e sepuluribu (10,000) nggal kwarat woragola-t nde, kineij-e misiget nag-o. An-nen aid wene yak kindigi na bem-nen-e Kerisut Yesus ebem kineij-e an-et kwat yigi-o.

TITUS 3:5

ninmiri yij-o. Nde, nit-nen lud tak nak kwaridnak pem ninmiri yij-e lag-e. Alat nde, at ondomok-net nunpud karuk, ninmiri yij-o. Iri yid iri-ge Konak Indi na-nen nit mat nonposolar-e, tuguruk ndet nonposolat, nit nenpage ngget wok nondosolat yij-o.

IBERANI 10:22

Iri bem-e, nit-nen Mbal Pem Nagawan eram panggosa mborogolar-e, ninndi mot mot tak puruk, ninndi ndemeret kwara angin tubu luk, meya yebet kagwi na mbek tak ninpidnak pem-net, kop kap lak yi bem nenpe mat ninpidnak pem-net panggosa mburuwog-o.

1 PETERUS 3:21

Nde, yi lagaid iri-ge yawo yi ma konpogola kinmiri yusu iri ut mimirik-nen yusu-o. Yi ma kinpili yu-ge kenaboro kusimin mat makluk-nen yi ma kinpili-ge lag-o. Are, kinndi konak mbek tak pem Mbal Pem Nagawan imin kondogolat urul yak tigep iri bem-nen kinmiri yusu iri-ge Yesus Kerisut uruk agaid na bem-net kinmiri yusu-o.

NAM PARA WENE 7:14

Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.

1 SEMUEL 24:11

Neid wa-e. Yik ki-o. Nagawan kusum leyok sum erep mbarak an ninggem yu ki-o. Ndemeret nagawan kar-e an-nen ketleb-et nde, we kusum erep mariget nak mbara wanigirik, ninggem yu ki-o. Iri ala-ge, an-e kat kimin meya kwarurak na perasu buk, iri-nen nden karuk kat kimin meya rak kuburak na perasu bug-o. An-e nagawan kat kimin-e meya mariget ter-o luk kwarigit lag-et nde, nagawan kar-e an nereyekluk an langgal nuburuk waring kasu-o.

1 SEMUEL 28:23

Yak tij-et nde, Saul na keya bosolat-nen yosolar-e: ”An norag-e nimbir-o” luk yak tij-o. Alat nde, at eyabu wanugwi nap-nen lembesa emengen mbarogola-ge, mbud tak woragid iri na men yosolar-e, koreyak woragwi sa iri na me kore yij-o.