2 NAGAWAN NAGAWAN-NEN KWARIDNAK WENE 5:10 - Nanduk Ngget Tul Pidnak Wene

¹⁰ Nde, Elisa-nen at ndegel oboso nap misik yak tosolar-e: ”Naman iri-ge yu nggal yak ti-o: ’Nab-o. Kar-e Yi Yareren arem-et mburugundik, tuju bem-et yi ma nggurag-o. Iri kwarosola-ge, ud ereba-ge mondok lak ma-o’ yak ti-o” luk yak tij-o.

2 NAGAWAN NAGAWAN-NEN KWARIDNAK WENE 5:10 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 2:21

Elisa na-ge yi ulusu pilana pil waso sa mberarig-e, mayu iri na yi ma mberak pil nggosolat-nen yosolar-e: ”Nagawan Indo-nen-e yu nggal yusu-o: ’Mondok yi yu-nen ndowaga wat yogolat, li tisik pogolat kwatli iri lak makluk, yi yu-ge an-nen marak yi rak pusu-o’ luk yij-o” yij-o.

2 NAGAWAN NAGAWAN-NEN KWARIDNAK WENE 4:35

Iri yosola, Elisa-ge pugak luk men yosolar-e, o ma iri na me lobok lik mbitlik kwatluk, tuguruk iri na nggal-et kwasa la iri na ebem yebaksa mbiring yij-o. Iri kwarosoma-ge, la iri na-ge siklag-e tuju bem-et yij-o. Iri lug-e, erengen pengge yij-o.

2 NAGAWAN NAGAWAN-NEN KWARIDNAK WENE 4:41

Iri yogola karuk, Elisa-nen: ”Nggandum mbato yigirik siyak wok nerer-o” luk, nggandum mbato yigirik iri na togolwak arem pil nggosoluk-nen yosolar-e: ”Nunggwi mende ereba-ge tuguruk temberer-o” yamu, timbirigarik nunggukmu-ge, konak irit kaiga-o.

2 NAGAWAN NAGAWAN-NEN KWARIDNAK WENE 5:11

Yak tosola kulurug-e, Naman iri na mondok isilepma yosolat-nen yosolar-e: ”An nindi-nen yebet kasolar-e, Elisa ar-et neram wasolat, Nagawan Indo Embal Pem Nagawan eram tepan yosolat, an nebem ud yeba ambigit inggi puwa-o luk peragi-o.

2 NAGAWAN NAGAWAN-NEN KWARIDNAK WENE 5:14

Iri yak togola karug-e, Naman iri na Yi Yareren arem mberarik, yi ma yubuk luk men luk kwarosolar-e, Elisa-nen yak tid iri na ndak ndag-et tuju bem-et kwarij-o. Iri kwarosoma-ge, ud yeba na-ge oboksa lak yosolat, aboro-ge li marik enaboro nggal konak irit kwat yij-o.

2 NAGAWAN NAGAWAN-NEN KWARIDNAK WENE 5:9

Iri yosoloma-ge, Naman iri na-ge onggweyak koma iri na arem ngguruk, kura wam-nen lit karuk, Elisa ama mbirij-o. Mberarik, tu mende bem ndong yij-o.

MBIRIGA WENE 4:18

Wene iri na yak tosoloma-ge, Musa na-ge abak Yitero iri na ama lobok yarik, abak na yak tosolar-e: ”Nab-o. An-e nowe nowot unluk worali, lak? Are, ngge kwarak worali iniyil Mesira mbirimin yu-ge nunggwirig-o?” luk yak tij-o. Yosoloma, Yitero-nen yosolar-e: ”Nab-o. Kwara-t mbiri-o” yak tij-o.

TEPAN OMBO-NEN KWARURAK WENE 16:14

Iri rak puruk, Arun-nen sapi eyabi iri na marig-et inggi anggul pem-nen wanuruk, urul pidnak wene labu mbarak iri na usurup pem nggweyel karuk, urul pidnak wene labu mbarak at ambigit nam nggwe tuju bem nggweyel kudtag-o.

TEPAN OMBO-NEN KWARURAK WENE 16:19

Iri kwarosolar-e, eyabi marig-et inggi anggul pem wanuruk, Mbal Pem Nagawan amanggim wam wosa kan pugwi ondoro iri na bem eyabi-ge abam nggwe tuju bem nggweyel kudtag-o. Iri nggal kwarosolar-e, Isarael nap meya yidnak ereba-ge kora mbo buruk, Mbal Pem Nagawan amanggim wam wosa kan pugwi ondoro iri na-ge masa labuk ma-o.

YOANES 5:4

Nde, misik tarem misik tarem-e Nagawan Indo-nen idnak aid nap mbuwasolar-e, ereya na-net yi ugup lerak iri na wuruk kemek tak poso-o. Nde, yi wuruk kemek mbosola, nandug-et nggwidnak nap iri na nak at kugi worak woraidnak na-ge ki yoso-o.]

YOANES 9:7

Ndarak puruk, Yesus-nen at yak tosolar-e: ”Siloam ugup arem kerare maril mbiri-o” luk yak tij-o. (Siloam iri-ge nit nenne bem-e Wirik Pidnag-o yogolar-o.) Yak tosoloma-ge, ap na mberarik, at erare yi masa keya buruk, erengen kuwak yamu lobok yij-o.

1 KORINTUS 6:11

Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

YOSUA 6:4

Nde, tepan ombo tuju iri-ge terompet poba tuju tenasa nandug-et mborogola-ge, urul pidnak wene labu mbarak iri na waruk inmbirik nurag-o. Nde, tuju bem tak pogolar-e, iri tarem-e kat min kesan ombo inmin-e o siri iri tuju bem-et wangget kagolar-e, tepan ombo-ge terompet poba ene yil yil wangget kudtag-o.