2 NAGAWAN NAGAWAN-NEN KWARIDNAK WENE 4:8 - Nanduk Ngget Tul Pidnak Wene

⁸ Nde, o Sunem iri me-ge kwe arengge worak mbi woragij-o. Nde, misik tarem-e Elisa iri na-ge Sunem mbirij-o. Mberarik pem-e kwe iri na-nen nunggwi mende at ama-nen norak yonggo ibij-o. Nde, iri tarem-nen tel korarig-e, Elisa iri na pempa Sunem wok yosolar-e, nunggwi mende-ge kwe iri na ama-nen nok tenak woragij-o.

2 NAGAWAN NAGAWAN-NEN KWARIDNAK WENE 4:8 ပူးပေါင်းရင်းမြစ်များ

NDAK WIRIDNAK WENE 19:3

Yogola, Lot-nen-e enmengen kwarat mbarid mbarid, at imin at ama nggwiga-o. Nggogolar-e, nunggwi mende undu konak nak min oroti kan engen pem wora min enndam pamu, ndak irit ningga-o.

2 SEMUEL 19:32

Nde, Mbarasilai iri-ge abu indi worak olengen delapan pulu (80) woraidnak irit woragij-o. Nde, at iri-ge mondok arengge kwarat me, nanduk Ndaut o Maganaim worala-ge, at-nen norak nunggwi mende-ge Mbarasilai-nen lid lud tak posolat woragij-o.

1 NAGAWAN NAGAWAN-NEN KWARIDNAK WENE 1:3

Iri lug-e, kwe ndugum konak misik Isarael nap woragwi sa oboksa kore yukmu-ge, kwe ndugum mondok konak unu-ge Abisang irit kaiga-o. Kwe iri na-ge Nagawan Ndaut eram waruk lobok yikma, kwe iri na-ge ogwe nggal imin nene yigit lak, we togwarak nak worasolat, ndegel obosolat irit woragij-o.

2 NAGAWAN NAGAWAN-NEN KWARIDNAK WENE 4:18

Nde, la iri na nggok pem-e nggandum mbarugwi tarem-e la iri na-ge mberarik, eid iri na nggandum mbarugwi nap inmin nggandum mbato yapmu worasoma, eram mbirij-o.

AYUP 1:3

Nde, ereb-e at-nen onnggo pidnak ndegel ubugwi nab-e kwarat woraiga-o. Nde, olomba wam-e 7.000, nde, unta wam-e 3.000, nde, esapi wam-e 1.000, nde, egelerai wam-e 500, nde, nggaruksa yosolar-e, o siri mo luwaso (timur) nggwe worali ereba ennggendumu-nen-e at yu nak aringgi arengge kwarat woragij-o.

NGGOMO WENE 7:21

Iri nggal yosolar-e, ap sujwe iri na-ge ene amburu ebem posolat, indi waga keya buruk amberam lagaij-o.

MATIUS 25:17

Iri nggal-et at tol mberen wanid nap na wene worosola-ge, orol na konogolar-e, tol mberen mbi nambena wanij-o.

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

LUKAS 14:23

Yosoloma-ge, eid na-nen ndegel oboso nap na yak tosolar-e: ’An nama yebet yuwaklug-e, kar-e tula nggok nggwe min marik nggwe min mborosolar-e, ap yorok porok wesu bem woragwi ereba kene lembesa langgara inpil lobok yi-o.

LUKAS 24:29

it enmberek-nen at puk tak pogolat-nen yogolar-e: ”O ki yekluk, ndamuk yusu me, nit totno wolmog-o” yogolikma-ge, Yesus na-ge it inmin nene yekluk, it enma nggwij-o.

YIDNAK YIDNAK WENE 16:15

Wanosoluk, kwe na min at ama woragwi nap pidsa min yi marak onpogolikma-ge, kwe na-nen nit nenmengen mbarosolar-e: ”Kit-nen nde an lombot nuburuk, an-e ndemeret Nagawan Indo ebem nindi angin tubu yidnak ala neyarug-e, an nama mburulndik, iri me totno wolmog-o” luk kiri keresa yak nondosolat woragaij-o.

1 SEMUEL 28:4

Nde, Pilisin nap san ombo-ge o Sunem koroga iri me ndok wirigarik, o sare lit kil lobok yiga-o. Iri yogola-ge, Saul-nen Isarael nap san ombo inmin-e Ndobo Nggilmboa iri na bem o sare lit kaiga-o.