2 NAGAWAN NAGAWAN-NEN KWARIDNAK WENE 4:38 - Nanduk Ngget Tul Pidnak Wene

³⁸ Nde, misik tarem-e yi wi ndi wi oboksa nogoro wok yij-o. Wok yosola-ge, Elisa iri na-ge tuguruk Nggil Nggal lobok yarik, Mbal Pem Nagawan ene lomboksa yugwi nap sekola mirik onposolar-e, at ndegel oboso nap iri na yak tosolar-e: ”Togolwak nggok wanugundik, enmanggim nunggwi mende sagi-o” yak tij-o.

2 NAGAWAN NAGAWAN-NEN KWARIDNAK WENE 4:38 ပူးပေါင်းရင်းမြစ်များ

NDAK WIRIDNAK WENE 25:29

Misik tarem-e Yakup na-ge korangen mimi mbi sagosoma-ge, Esau na-ge walma nggwe-nen nere-nen komo yarik, lobok yosolar-e,

1 NAGAWAN NAGAWAN-NEN KWARIDNAK WENE 17:1

O Nggileat nggweyak arem o siri Tismbe nap Mbal Pem Nagawan ene lomboksa yoso nap mbi unu-ge Elia irit woragij-o. Nde, misik tarem-e Elia na-ge Nagawan Agap eram mberarik-nen yak tosolar-e: ”Nagawan Indo uruk nak woraso Mbal Pem Nagawan, Isarael nap-nen kek tak ubugwi an-nen ndegel ubusu owag-o. Mondok nap kat yak kereyeg-o. Abok olengen mberen, lak? Are, kenan lak? woragolar-e, ereya arem-e mondok lilangen ala na talme mariget ala na mondok mbuma bug-o. An-net yosola-nen perak mbuma-o” luk yak tij-o.

2 NAGAWAN NAGAWAN-NEN KWARIDNAK WENE 2:1

Nde, Nagawan Indo-nen Elia iri na o wija bem kud turuk aid arem ludtak tarem-e panggo yij-o. Panggo yosola-ge, Elia min Elisa min-e Nggil Nggal-nen mborogolar-e,

2 NAGAWAN NAGAWAN-NEN KWARIDNAK WENE 2:3

Mbetel wok yukmu-ge, Mbal Pem Nagawan ene lomboksa yugwi nap lambuksa iri me woragwi ereba na-nen-e Elisa abuwok lobok yogolat-nen Elisa kin wok obogolar-e: ”Kat kombo iri-ge Nagawan Indo-nen kud turuk lasolat, yawo kat keya kubuwa iri na-ge kar-e karu worasu, lak?” luk kin wok ibiga-o. Yak togoloma, at-nen yosolar-e: ”Iri-ge narur-o. Iri wene-ge keya buwog-o” luk yak indij-o.

2 NAGAWAN NAGAWAN-NEN KWARIDNAK WENE 4:1

Nde, misik tarem-e Mbal Pem Nagawan ene lomboksa yugwi nap ereba na ennggendumu ap misik ogwe togwe mbi-nen Elisa eram mberarik-nen yak tosolar-e: ”Nab-o. Kar-e karu-o. An nun-e Mbal Pem Nagawan aye worak nab-er-o. Nde, ar-e wat yamu-o. Nde, at-nen ap misik arengge namat wanidnak pem arengge ombo iri na lobok yarik, onggo-ge an nilirak mberen at ndegel uburak waneyekluk yusu-o” luk yak tij-o.

2 NAGAWAN NAGAWAN-NEN KWARIDNAK WENE 4:39

Nde, at-nen sekola mirik onposo nap misiget yapmu mberarik, nagamburu nggal erambet yak yoso mende misik karug-e, ebe kwarat mbatluk lobok yosolar-e, iri mende engen-o luk aru buk ereba-net engen iri na-ge mbarep parep togolwak iri na arem pil nggwij-o.

2 NAGAWAN NAGAWAN-NEN KWARIDNAK WENE 8:1

NGGOMO WENE 8:34

An-nen nggomo undusu wene kologolat, pempa an nuwi tumende bem koreyak woragolat, an woraso sa pak tumende bem yik karok worali nab-e enalen kagolat wolmag-o.

AMOS 7:14

Yosoloma, Amos-nen onggo yosolar-e: ”An-e Mbal Pem Nagawan ene lomboksa yoso nap na lak, Mbal Pem Nagawan ene lomboksa yoso nap-nen nderak na lag-o. Alat nde, an-e wam ndogoroso nap, e ara engen mbaroso nap-nen yusu-o.

MARAKUS 6:37

Iri yak tiga-t nde, Yesus-nen it yak ondosolar-e: ”Kit-net nunggwi mende mak ender-o” luk yak ondosoloma-ge, it-nen yak togolar-e: ”Po! Nit nontol 200 ya bem nak-nen wanidnak mburu-ge it yeba ndak mak undul-a?” luk yak tiga-o.

LUKAS 10:39

Kwe na owot unu-ge Maria. Nde, Maria iri-ge Nagawan Indo eram kore luk, at-nen mul undusu wene iri na kolak woragaij-o.

LUKAS 2:46

Mbirigarik, ogore yogolat mberen nene lug-e, Mbal Pem Nagawan ama-nen it Yawuri nap mul undugwi nap inmin kore luk, it enne kolosolat, it kin wok onposolat worasoma, kaiga-o.

LUKAS 4:25

Alat nde, wene yu koler-o. Elia worala-ge, talme mbigit lak olengen tiga rak puruk, waneya enam woragolar-e, o iri me oboksa nogoro mbud yarik worala-ge, Isarael nap enma-ge kweyap togwe kwarat woraiga-t nde,

LUKAS 8:35

Nde, wene na kuluruk, ap ereba-nen-e iri kwarid iri na kujwokluk mbiriga-o. Mbirigarik, Yesus eram wok yiganggal-e, kugi arem-nen wirik pidnak nap na-ge usum yutluk, indi min-et Yesus eralu koreyak worala, yik kaiga-o. Kagolug-e, it pidsa kwiye kaiga-o.

LUKAS 8:38

Mborosola-ge, arem-nen kugi wirik pidnak nap na-nen Yesus emengen mbarosolar-e: ”Nab-o. Totno mburuwog-o” luk yij-et nde. Yesus-nen at wirik obosolat-nen yak tosolar-e:

LUKAS 9:13

Alat nde, Yesus-nen it yak ondosolar-e: ”Kit-net nunggwi mende mak undurag-o” luk yak ondosoloma, at owosirak-nen yogolar-e: ”Nir-e oroti mburu lima min keyane mberen min nak worasu-o. Nde, nir-e ap kwarat yu enmanggim nunggwi mende onggo pil mburuwakluk-nen yigen-a?” luk yiga-o.

YOANES 21:5

Nde, at-nen it yak ondosolar-e: ”Nowosirak wa-e. Keyane mbi wanigep, lak, lag-a?” luk yak ondosoloma-ge, it-nen at yak togolar-e: ”Mbi wanigit lag-o” luk yak tiga-o.

YOANES 21:9

Mbirigarik, yi koma eyak pem wok yogolat-nen yik kaiganggal-e, kan engen pem keyane min oroti mburu min wora kaiga-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 15:36

Nde, siyak worarug-e, Paulus-nen Mbaranabas yak tosolar-e: ”Nit nanduk Nagawan Indo-nen yidnak wene yak indige sa o siri oboksa-ge nennggamirak tak inpidnak nab-e ngge kwarak worali-o luk tuguruk iniyil mburuwog-o” luk yak tij-o.

YIDNAK YIDNAK WENE 22:3

”An-e Yawuri nap-nen yusu-o. Kilikia nggweyak pem Tatus-nen ndet nibidnag-et nde, o siri yu me-nen nusugwe rak piga-o. Nde, nit nenlawingga-nen tena woragwi imiri mbarak pidnak wene-ge mul noroso nap Nggamaliel-nen kwara-t mul nirij-o. Mul norosola-ge, kit pidsa yawo kwatli yu nggal-et an-nen na Mbal Pem Nagawan eyabu kiri keresa wanosolat woragi-o.

1 SEMUEL 19:20

Iri yogola kulurug-e, Saul-nen-e ap ereb-e Ndaut tenaguruk lobok yurak wirik inpij-o. Wirik enpamu mbiriganggal-e, Semuel-nen lit kuruk Mbal Pem Nagawan ene lomboksa yugwi nap siyak enne nggoksa ndawi ndorogolat, kot kil lobok yukmu eneyaiga-o. Nde, it Saul-nen wirik inpid nap ereba na-ge Mbal Pem Nagawan Indi enpem wok yosolar-e, it min-et enne nggoksa ndawi yogolat, kot kaiga-o.