2 NAGAWAN NAGAWAN-NEN KWARIDNAK WENE 4:25 - Nanduk Ngget Tul Pidnak Wene

²⁵ Yak tosolug-e, kwe iri na-ge Elisa woraso sa Karamel Ndobo bem mbirij-o. Mborosola-ge, Elisa-nen-e kwe iri na lobok yosola erepma ereba-t yik kil mbirij-o. Yik karuk, Elisa-nen Nggekasi yak tosolar-e: ”Kwe Sunem woraso iri na lobok yusu iri ki-o!

2 NAGAWAN NAGAWAN-NEN KWARIDNAK WENE 4:25 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:19

Yawo-ge kat-nen Isarael nap oboksa yak indi-o. An nimin Karamel Ndobo bem ndok wuruwag-o. Iri yogolar-e, kugwi Mbaal ombo empat ratus lima pulu (450) min kugwi Ndewi Asera ombo min ereba-ge kogwe Isebel-nen onggo wok ondoso nap empat ratus (400) ereya min-et oboksa inmin lobok yurag-o” luk yak tij-o.

1 NAGAWAN NAGAWAN-NEN KWARIDNAK WENE 18:42

Yosoloma, Akap iri na-ge nunggwi mende nil mborosola-ge, Elia na-ge Karamel Ndobo bem lagarig-e, endaru yunggusa tud yosolar-e, erare imbimbiwak pem lud tak puruk,

2 NAGAWAN NAGAWAN-NEN KWARIDNAK WENE 1:9

Yosolug-e, at-nen-e ap san ombo wari misik owosirak lima pulu (50) inmin-e Elia tenaguwakluk wirik pamu, san ombo wari iri na mbiridnggal-e, Elia iri na-ge ndobo misik pem koreyak worasoma, eram wok yosolat-nen yosolar-e: ”Mbal Pem Nagawan ndegel oboso nap wa-e. Nagawan-nen yosolar-e: ’Mbuwasug-o’ yak kirij-o” yak tij-o.

2 NAGAWAN NAGAWAN-NEN KWARIDNAK WENE 2:25

Elisa na-ge nok Karamel Ndobo bem mberarik, iri me woraruk, tuguruk Samaria lobok yij-o.

2 NAGAWAN NAGAWAN-NEN KWARIDNAK WENE 4:24

Kelerai wam iri na bem kore yurak ondoro iri na posolug-e, at-nen ndegel oboso nap iri na yak tosolar-e: ”Mondok ndag-et ndag-et mburuwakluk ndag-et ndumuluk mbururag-o. An-nen yak kirigit lak ma-ge kebeyo rak purak pug-o” luk yak tij-o.

2 NAGAWAN NAGAWAN-NEN KWARIDNAK WENE 4:26

Kar-e ndag-et nak mburugundik, eram wok luk, kin wok obosolar-e: ’Kat min kun min kambara min-e konag-et worali, lak?’ luk kin wani-o” yak tij-o. Nde, kin wanosoloma-ge, kwe iri na-nen Nggekasi yak tosolar-e: ”Nir-e konag-et worali-o” luk yij-o.

2 NAGAWAN NAGAWAN-NEN KWARIDNAK WENE 4:27

Alat nde, kwe iri na Elisa eram lobok yosolar-e, Elisa owak tena buruk, erare nggwe tud yosola karuk, Nggekasi-nen-e kwe iri na langgara wirik peyekluk yij-et nde, Elisa-nen yosolar-e: ”Keya bi-o. Ar-e indi abi kalok yidnak-nen nggal kwarusu-o. Alat nde, Nagawan Indo-nen-e wene-ge marig-et tet yak nurusu bug-o” luk yak tij-o.

2 NAGAWAN NAGAWAN-NEN KWARIDNAK WENE 5:20

Elisa ndegel oboso nap Nggekasi iri na-nen yebet kasolar-e: ”Noluk-nen Naman iri-ge onggo pigit lak keya nak ebamu mbirij-o? An neid Elisa-ge Siria nap iri-nen wok tidnak silobulo-ge wanurag-et nde, keya bij-a? Iri ala-ge, Nagawan Indo uruk nak woraso nggal-o, mondok imbirik muk kamindik, silobulo mbi-ge mondok wog-et nuruwag-o” perasolug-e,

YESAYA 35:2

O lid karu me nemena nggok yosolar-e, alen-nen kot kasolat ndawi yuwa-o. Abage konag-e ndobo Libanon nggal irit kwat ma-o. Abage-ge Karamel mbirik min Saron min nggal irit ma-o. Nde, ap ondomoktak-nen-e Nagawan Indo amawi min Nenmbal Pem Nagawan abinal min irit kagolat wolma-o.