2 NAGAWAN NAGAWAN-NEN KWARIDNAK WENE 4:20 - Nanduk Ngget Tul Pidnak Wene

²⁰ Yosoloma, la iri na ija eram pil mborosoma-ge, ija-nen-e la iri na-ge abem puruk worasoma-ge, lenggesilmu-ge la iri na-ge wat yij-o.

2 NAGAWAN NAGAWAN-NEN KWARIDNAK WENE 4:20 ပူးပေါင်းရင်းမြစ်များ

NDAK WIRIDNAK WENE 22:2

Yosoloma, Mbal Pem Nagawan-nen yak tosolar-e: ”Kar-e kambara misiget nderak Isak kindi kundik iri imin luk, o Moria nggwe mbiri-o. Nde, ereba ma-nen an-nen-e ndobo misik mirik kibimin-o. Nde, ndobo iri bem-e kambara iri-ge an namanggim wosa kan pi-o” luk yak tij-o.

NDAK WIRIDNAK WENE 37:3

Nde, Yusup iri-ge Yakub-e ap indi worak pem-nen ndagidnak me, Yakup-nen mondok indi kundugu irit woralat, nde, owerak ereba enabuwa-ge marik nggal kasolat woragij-o. Nde, misik tarem-e Yakup-nen-e sum konak misik Yusup amanggim yagij-o.

NDAK WIRIDNAK WENE 37:5

Nde, misik tarem kubu nene yosoma-ge, Yusup-nen nabi misik karuk, nabi iri na owerak ereba na inmbiri bem koronggosola-ge, owerak ereba na-ge mondok insilepma-ge ebem lud tak posola, insili rak piga-o.

1 NAGAWAN NAGAWAN-NEN KWARIDNAK WENE 17:17

Nde, misik tarem-e kwe togwe iri ambara iri na-ge kugwi woramu, nde, woralar-e, mondok kugwi wirid iri na-ge nggokma angin mbud yosolar-e, wat yij-o.

2 NAGAWAN NAGAWAN-NEN KWARIDNAK WENE 4:19

Mberarik worasoma-ge, mimo la iri na-nen: ”Nanggul-e! Nanggul-e!” luk ene nggoksa eid yak tosoloma-ge, eid iri na-nen ndegel oboso nap misik yak tosolar-e; ”La yu-ge ija eram waruk mbiri-o” yak tij-o.

2 NAGAWAN NAGAWAN-NEN KWARIDNAK WENE 4:21

Wat yosoloma-ge, ija-nen-e la iri na-ge Elisa woraso sa o kuri worak teram iri na me waruk lagarik, Elisa nene yoso sa mbinggirik posolug-e, tu lerak puruk mbuwagij-o.

YESAYA 49:15

Yogolikma, Nagawan Indo-nen onggo yosolar-e: ’’Kwe mbi-nen-e at ambara-ge meme rak posolat, ar-e la at-nen ndagidnag-et nde, abuwa yigit lak yosolat kwaroso-a? Erep-nen-e meme rak unpugwi-t nde, an-nen-e kar-e mondok meme rak kibimin pug-o.

YESAYA 66:13

Iniyarak-nen inlirak yongwen unpugwi nggal, kir-e Yerusalem-nen yongwen kinpimin-o.

LUKAS 2:35

At insili rak pogolar-e, it inndi arem-nen peragwi mende iri nam tak puwa-o. Nde, Maria kat kindi andi-ge yalawi anggat-nen kindi kundugu pidnak nggal kindi andi yugun-o” luk yak tij-o.

LUKAS 7:12

Mborogolar-e, o siri pak tumende bem panggosa wok yil mbiriganggal-e, ap lugunik misig-e en wutluk waruk mbepme nggwe wakmu, eneyagaij-o. Nde, la lugunik iri-ge kwe togwe ambara misiget nderag-o. Nde, o iri me woragwi ap kwarat na kwe iri na imin waiga-o.

YOANES 11:14

Iri ala-ge, Yesus-nen mondok nam-et yak ondosolar-e: ”Lasarus na wat yamu-o.

YOANES 11:3

Iri ala-ge, Lasarus iridtak mberen iri-nen wene wosa Yesus eram pil mborogolar-e: ”Nagawan Indo wa-e. Nit nintid kanggam abuwa worak na-ge kugi worak worasu-o” luk yiga-o.

YOANES 11:5

Nde, Yesus-nen-e Marata min Maria na min Lasarus min enabuwa kasolat woragaij-o.