2 NAGAWAN NAGAWAN-NEN KWARIDNAK WENE 24:12 - Nanduk Ngget Tul Pidnak Wene

¹² Lobok yosolar-e, Nagawan Yoyakin min ija min ilirak min at-nen idnak san ombo wari ereba na inmin at woraso sa yabu wanugwi nap min ereba na-ge Nebukatnesat eram kegera lobok yiga-o. Iri yogola-ge, Yoyakin iri na-ge ininggiyapma puruk woraiga-o. Iri kwariga iri-ge Nebukatnesat-nen nagawan menluk olengen delapan pem tak posolat tarem-nen kwariga-o.

2 NAGAWAN NAGAWAN-NEN KWARIDNAK WENE 24:12 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 20:18

Kat-nen wigarak lolo ereb-e Mbabilonia nagawan iri na eyabu wanugwi nap irit kwat luk mumnggupmanggi at woraso sa wolma-o’ yij-o” luk yak tij-o.

2 NAGAWAN NAGAWAN-NEN KWARIDNAK WENE 24:11

Nde, o Yerusalem siri iri lop lop worak worakmu-ge, Nebukatnesat ar-et Yerusalem iri me lobok yij-o.

2 NAGAWAN NAGAWAN-NEN KWARIDNAK WENE 25:27

Yewura nap nagawan Yoyakin iri na kamatluk mbirigarik, ombol nggwe olengen tiga pulu tuju (37) iri arem waneya duabelas tanggal dua pulu tuju (27) iri bem-e ap Ewil-Merondak irit Mbabilonia iri me nagawan men yij-o. Olengen iri arem-net Nagawan Yoyakin iri na-ge at-nen-e abuwa karuk, o kubu me-nen lerak keya bij-o.

2 NAGAWAN NAGAWAN-NEN KWARIDNAK WENE 25:8

Mbabilonia nap Nagawan Nebukatnesat-nen o tena woralat olengen sembilan belas waneya lima tanggal tuju iri bem-e ap misik unu-ge Nebusarandan iri-ge Yerusalem lobok yij-o. At iri-ge nagawan indi tenagoso nap, Nebukatnesat-nen idnak san ombo ereba na enanggul pem san ombo onowe nggog-o.

ESET 2:5

Nde, o siri Susan iri me-ge Yaiyet ambara Yawuri nap Morendekai irit woragij-o. Nde, at iri-ge elem Mbenyamin nap Kis min Simei-min-nen wigarak nap irit woragij-o.

ESET 2:6

Nde, Morendekai iri-ge Mbabel nap Nagawan Nebukatnesat-nen Yerusalem woragwi nap urugwe nggwe rak onposolat tarem iri na bem-nen Morendekai iri-ge Yewura nap Nagawan Yoyakin min ap erep min-et Mbabel ereba me inggi mbara mbo inpil mbiridnak nab-o.

YEREMIA 36:30

Iri bem-e, Nagawan Indo an-nen yak kurusu-o, Nagawan Yoyakim wa-e. Kat-nen wigarak-nen-e Ndaut-nen o tena woraso iri na ondolma-ge, mondok wolma bug-o. Nde, kat korogwag-e nggogora mbo kubuwama, lengge-ge mo kebem mbosolat, nde, kubu-ge lilangen kebem nggolosolat wolma-o.

YEREMIA 37:1

Nde, Mbabel Nagawan Nebukatnesat iri na-nen Yoyakim ambara Yoyakin iri na Yewura nagawan worasoma, wabosolar-e, ondolma-ge Yosia ambara Sendekia nde Yewura nap ennggendumu nagawan irit mendak pij-o.

YEREMIA 52:12

Mbabel Nagawan Nebukatnesat iri-nen o tena woralat olengen sembilan belas, waneya-ge lima, tanggal sepulu iri bem-e ap misik unu-ge Nebusarandan iri-ge Yerusalem lobok yij-o. Nde, at iri-ge Nebukatnesat nggomo woroso, nde, at yik karok woragwi san ombo enanggul pem woraso irit woragij-o.

YEREMIA 52:28

Inpil mbiriga nap oboksa-ge 4.600 irir-o. Nde, Nebukatnesat-nen nanduk abok pendaga wok unpuruk mborosolar-e, at-nen o tena woralat tarem olengen-e tuju bem nandug-er-e 3.023 irit inmin mbirij-o. Nde, imbirik olengen delapan belas pem-e Yerusalem woragwi 823 irit inmin mbirij-o. Nde, Nebukatnesat-nen o tena woralat tarem olengen dua pulu tiga (23) bem tak posola tarem, Nebusarandan-nen ab-e 745 inmin mbirij-o.

YEREMIA 52:31

Nde, Yoyakin iri na mbo unpugwi sa Mbabel ibil mbiridnak worasoma, waneya duabelas, tanggal dua pulu lima (25), olengen tiga pulu tuju (37) bem Ewil-Merondak iri na-ge Mbabel nagawan men yij-o. Men yosolar-e, olengen iri na bem-et at-nen-e Yoyakin iri na abuwa kasolar-e, o kubu me-nen wisirik ibij-o.