2 NAGAWAN NAGAWAN-NEN KWARIDNAK WENE 23:8 - Nanduk Ngget Tul Pidnak Wene

^8-9 Tepan ombo-net nde kugwiwak erembel wanugwi nap Yewura nggweyak pem o silmu ereba woragwi ereba na-ge Yosia-nen-e: ”Yerusalem lobok yer-o” yak unduruk, Yewura nggweyak pem min nin me nan me oboksa-nen kugwiwak ombo ereba na-nen kugwiwak amanggim kan pugwi ondoro ereba na-ge oboksa mijara meya rak pij-o. Iri luk, tepan ombo ereba na yak ondosolar-e: ”Mbal Pem Nagawan ama iri na me-ge yabu wanurak pug-o” yak ondosolar-et nde, it ennggamirak tepan ombo kugwiwak erembel wanugwi buk nap ereba na enmanggim oroti lomboroso mende pigit lak woraidnak oroti ereba na perak norak ob-o luk yak indij-o. Nde, pak tumende o siri iri me ngguberenot Yosua iri na unu bem para pak tumende eralu kugwiwak erembel wanogolat amanggim wam wosa kan pugwi ondoro ereba-ge Yosia-nen-e yigisa lak tak pij-o. O silmu nggugwi o pak tumende nggok iri na me-nen-e pak tumende Yosua iri-ge kware ambigir-o.

2 NAGAWAN NAGAWAN-NEN KWARIDNAK WENE 23:8 ပူးပေါင်းရင်းမြစ်များ

NDAK WIRIDNAK WENE 21:14

Yak tosoloma-ge, kub-e Abarakam-nen-e nunggwi mende tu laro wok turuk, sapi wam aboro-nen konidnak yimbe iri na arem yi kenanggo mbi kwe na wok turuk, la na kamboksa ombol pem pak nggerasa buruk, wirik pamu, kwe na-ge o Mbereseba lid iri na nggwe-t waring kasolat woragij-o.

NDAK WIRIDNAK WENE 21:31

Iri nggal kwarogolat iri me-nen it enmbereg-e ”Kundik wulmul-o” luk, owak mbaridnak ala karuk, iri me unu-ge Mbereseba irit yariga-o.

NDAK WIRIDNAK WENE 26:23

Iri me worarug-e, misik tarem-e Isak iri na-ge mberarik, o Mbereseba wok yij-o.

1 NAGAWAN NAGAWAN-NEN KWARIDNAK WENE 19:3

Iri yid iri na Elia-nen kulurug-e, wuruwa naru kwiye-nen mborosolar-e, at ndegel oboso nap misik min Yewura nggweyak pem o Mbereseba mbirij-o. Mberarik, ndegel oboso nap iri na-ge iri me keya ibij-o.

AMOS 5:5

An nerembel wanuwoklug-e, Mbereseba-ge mbururak pug-o. Mbetel iri-ge lak ma-nen yusu-o. Nggilnggal woragwi nab-e wim kugun pem wok unpuruk mburuwarik, mbo inpil mburugwi sa inpil mburuwa me, Nggilnggal iri me na mbururak pug-er-o” luk yij-o.