2 NAGAWAN NAGAWAN-NEN KWARIDNAK WENE 23:4 - Nanduk Ngget Tul Pidnak Wene4 Iri luk, Nagawan Yosia-nen tepan ombo kek tak Ilkia min at yongga wurugwi nap tepan ombo erep min Nagawan Indo uwi tumende bem yik karok woragwi nap ereba na min yak ondosolar-e: ”Kugwi Mbaal min Ndewi Asera min wonaru min erembel wanugwi mende Mbal Pem Nagawan ama worasu ereba na mondok oboksa pendaga pil wumer-o” luk yak endamu, pil wagola-ge, Nagawan Yosia-nen-e ereba na-ge oboksa o siri pak ombol nggwe Kitoron Mbirik ereba na me kan pij-o. Kan posola, mabe-ge Mbetel waruk mbiriga-o. အခန်းကိုကြည့်ပါ။ |
2 NAGAWAN NAGAWAN-NEN KWARIDNAK WENE 23:4
35 ပူးပေါင်းရင်းမြစ်များ
Yawo-ge kat-nen Isarael nap oboksa yak indi-o. An nimin Karamel Ndobo bem ndok wuruwag-o. Iri yogolar-e, kugwi Mbaal ombo empat ratus lima pulu (450) min kugwi Ndewi Asera ombo min ereba-ge kogwe Isebel-nen onggo wok ondoso nap empat ratus (400) ereya min-et oboksa inmin lobok yurag-o” luk yak tij-o.
Yak ondosoloma-ge, it-nen-e sapi misik wanurug-e, wosa mbara kan pem puruk, Mbaal iri na emengen mbal tenak kuplila-nen pak mbiga lenggesilmu irit yij-o. Iri kwarogolar-e, wam kan purak lid lud tak piga iri na inggi nggwe kot kil waring kagolat-nen kwariga-o. Alat nde, mondok enne erep mbi nggarigit lag-o.
Yogoloma, Elia-nen yosolar-e: ”Mbaal kugwi ombo yeba-ge mondok tenagil lobok yer-o! Mondok misiger-o luk keya unpurak pug-o” luk yosoloma, ap ereba na-nen kugwi Mbaal ombo ereba na oboksa-ge tenaga inpil lobok yogola-ge, Elia na-ge Yi Kison arem inmin mberarik, kugwi Mbaal ombo ereba na-ge oboksa indij-o.
Alat nde, Isarael wi iri me-ge ap tuju ribu (7.000) irit inmiri yimin-o. Nde, inmiri yimin nap iri-ge tugup lak an-nen yidnak yidnak kwarogolat, kugwi Mbaal ndak worak iri na erembel mondok wanigit lak yogolat, ndak worak iri na erabengen porok tigit lak woragolat kwarugwi nap irit inmiri-t yimin-o” luk yij-o.
Nagawan Agas woraso sa o kuri werep mberep iri na o ngguwa bem-e wam wosa kan purak ondoro Yewura nap nagawan nagawan-nen koniga ereba na-ge ndamera keya bij-o. Iri-nen Nagawan Manase-nen Nagawan Indo uwi mborom ponok ponok kugwiwak amanggim kan purak ondoro konid iri na min Yosia-nen-e yigisa keya buruk, Kitoron Mbirikmu ereba mbo bij-o.
Nde, Nebusarandan iri-nen erep kwarij-e, tepan ombo kek tak Seraya min at indipma tepan ombo Sepania min Nagawan Indo uwi tumende yik karok pak tak woragwi nap kenan min nagawan indi tenakwi nap enpe lima min san ombo onowe iri na min san ombo onowe iri na indipma san ombo nggurak pem ap wok onposo iri na min iri-nen ap nggok nak enpe enam pulu (60) erep min-et oboksa tena inpij-o.
Isarael nap wa-e. Kir-e tugup lak an-nen yidnak yidnak kwatli bug-o! Alat nde, an-nen-e it enlem Yewura nab-e kit-nen lugud tak kwatli yeba nggal-e meya kwarigit lak mag-o luk perasu-o. Nggilnggal min Mbetel min ereba me-nen-e Nagawan Indo erembel wanogolat, iri me-nen na Nagawan Indo uruk nak woraso iri na unu bem-e owak mbarurak pug-o.
Nagawan Indo Mondok Kek tak iri na-nen yosolar-e: ”Isarael nap wa-e. Kir-e Nagawan Indo erembel wanugwi sa Mbetel iri me mburugupndik, meya kwarer-o! Nggilnggal mburugupndik, meya kinndi-nen pidnak nak kwarer-o! Pempa kuplila-ge wam wosa kan pogolat nak wolmer-o. Kit-nen yagidnak mende na mbarogolar-e, enggep lombok karetkwe-ge pempa waruk mborogolar-e, nandug-et waruk mbutlug-e, imbirig-e mberen nene luk, (hari yang ketiga) waruk mborogolat, iri nggal pempa kwat tenak wolmer-o!
ကြော်ငြာတွေ