2 NAGAWAN NAGAWAN-NEN KWARIDNAK WENE 22:17 - Nanduk Ngget Tul Pidnak Wene

¹⁷ Iri kwarimin iri-ge ir-e an keya nuburuk, nin kugwiwak ereba na nde amanggim wam wosa pogolar-e, it-nen kwatli ereba oboksa-ge an nisilepma rak nak pili-o. Nde, nisilepma-ge Yerusalem ebem-et pigirik me, nisilepma pigi yu-ge mondok teyok ma bug-o.

2 NAGAWAN NAGAWAN-NEN KWARIDNAK WENE 22:17 ပူးပေါင်းရင်းမြစ်များ

MBIRIGA WENE 32:34

Kar-e mburugundik, it inmin luk o unu yak kirigi sa iri na me mbiri-o. Mborosola-ge, an-nen idnak aid nap-nen-e ndegel kuburuk mburuwa-t nde, it meya yidnak iri-ge an nen enpem wene mbarurak tarem-e awo worasu-o” luk yak tij-o.

YESAYA 33:14

Nde, meya yugwi nap Sion woragwi nap-nen kwiye-nen lele yogolat-nen yogolar-e: ”Mbal Pem Nagawan-nen nggaruksa mbaroso wene-ge kan amare pempa lasolat nak woraso iri na nggal-nen yusu-o. Nde, nit nennggendumu-nen-e lak tak poso kanduk iri arem-et lembe luk wolmomtag-e ndag-er-a?” luk yili-o.

YEREMIA 36:7

Nde, Nagawan Indo-ge isilepma kwarat onposolar-e, enpem mbud ma wene kuluruk, erep-nen-e ir-e Nagawan Indo eram tepan yogolat, it-nen yi meya ndi meya kwat tenak worali ereba-ge keya buwa nde ma-o” luk yigi-o.

YEREMIA 7:20

Iri kwatli iri bem-e Nagawan Indo Mondok Kek tak an-nen-e an nisilepma mondok kwiye worag-e an nerembel wanugwi o yu min ap enpem min it-nen parugu woragwi urugup worak oboksa min e min yapmu woraso mende min ebem mberak pimin-o. Nde, an nisilepma-ge mondok nigi yoso buk kanduk nggal amare yirip wirip tenak wolma-o” luk yij-o.

MIKA 5:13

Kugwiwak Asera ut mimirik kit woragwi sa worasu ereba na-ge an-nen langgona mbud tak pimin-o. Kit kunuwi siri kerep-nen wiridnak ereba min-et an-nen yigisa lak tak pimin-o.

TUGURUK YIDNAK WENE 32:21

Nde, it-nen-e an-e nerengen ale yoso rak nobogolar-e, ndemeret mbal pem nagawan-e lag-et nde iri na bem nerengen ale yoso rak nobogolat, unkugiwak ininggi-nep ndak wiridnak iri na bem nisilepma poso rak nibili-o. Iri bem-e, an-nen nilirak enlengen ale yugwi rak onposolar-e, ap enlem-e lag-et nde iri na bem enlengen ale yugwi rak onposolat, ap enlem wid iri na bem insilepma pugwi rak inpimin-o.

TUGURUK YIDNAK WENE 32:22

An nisilepma-ge kanduk amare nggal pagosolar-e, ap watluk ndok wiril mbugwi sa min-et lak tak puwa-o. Iri yosolar-e, o yu min-et arem woraso yi mende ndi mende min-et, ndobo oboksa emengen min-et ndindera kan nujwa-o.

TUGURUK YIDNAK WENE 32:23

An nemare oboksa mbisingsa it indil lobok yosolar-e, lak tak onposo mende-ge pempa kundugu enpem pil lobok yosolat woramin-o.

1 TESALONIKA 2:16

Inmiri yurak wene-ge nit-nen enlem nin nap yak unduwa naru, it Yawuri nap-nen larok tak nunpuwokluk yiga-o. Iri nggal kwarogolar-e, it meya yidnag-e mondok kwarat ligik piga-o. Nde, yawo-ge Mbal Pem Nagawan isilepma-ge it enpem mondok pil mbuwasu-o.