2 NAGAWAN NAGAWAN-NEN KWARIDNAK WENE 20:5 - Nanduk Ngget Tul Pidnak Wene

⁵ ”Nagawan Indo an nilirak-nen idnak Nagawan Isikia iri eram mburugundik, wene yu yak ti-o: ’Nagawan Indo Kembal Pem Nagawan kombo Ndaut-nen kek tak poso Mbal Pem Nagawan an-nen-e kat-nen yip tigen kasolat, tepan yigen na kolosolat yusu-o. Nde, kar-e ki rak kibimin-o. Iri yumu, kup woraruk, kup iri-ge an nama mburugun-o.

2 NAGAWAN NAGAWAN-NEN KWARIDNAK WENE 20:5 ပူးပေါင်းရင်းမြစ်များ

2 SEMUEL 5:2

Nanduk-nen na irit, Saul-nen tena nunpuruk worala tarem-nen na irit, Isarael nap san ombo wim timbiril mborogola-ge, pempa kat-nen lit nunpuruk nosolat worasu iri nar-o. Iri-nen Nagawan Indo-nen kat yak korosolar-e: ’Kat-net an nilirak lit unpuruk nosolat, kar-et an nilirak ennggendumu nagawan men yugun-o’ luk yak kirid iri nar-o” luk yak tiga-o.

1 NAGAWAN NAGAWAN-NEN KWARIDNAK WENE 9:3

Nagawan Indo-nen at yak tosolar-e: ”Kat-nen tepan yigen-e kuligi-o. Iri bem-e o kat-nen wirigen yu-ge pempa an nerembel wanogolat wolmomtak uwi irit lenak pigi-o. Nde, o yu-ge an-nen kwara yik karok woralat, ndogorosolat woramin-o.

2 NAGAWAN NAGAWAN-NEN KWARIDNAK WENE 19:20

Yosoloma-ge, Yesaya-nen Nagawan Isikia amanggim wene wosa posolar-e: ”Kat-nen tepan yigen iri na Nagawan Indo-nen erep nggarosolat-nen

2 NAGAWAN NAGAWAN-NEN KWARIDNAK WENE 20:4

Nde, Yesaya iri na-ge iri yak turuk yarik, eram-nen mborosolar-e, awo omborom-et mborosoma-ge, Nagawan Indo-nen-e Yesaya yak tosolar-e:

2 NAGAWAN NAGAWAN-NEN KWARIDNAK WENE 22:19

kar-e niri nera iri nggal kwarigi-o luk an neram tebe yigen-o. An-nen-e Yerusalem min Yerusalem woragwi nap min mondok angin worak mende enpem pimin-o. O siri iri-ge an-nen-e unmunggum lera mburak mende rak pumu, ap-nen yik kagolar-e, unmunggum lera mbuwa-o. O Yerusalem unu-ge imbiri lamut mende rak pimin-o. Alat nde, kat-nen iri kwat inpimin wene iri na kulurug-e, kindi kalok yosolat, kusum lebena keya bosolat, yip tosolat yigen-o. Iri yosolat, kat-nen tepan yigen iri-ge an-e kuligi-o.

NDAWI ENGGA 107:20

At-nen-e wirik pidnak wene bem-net ki rak onposolat, abu yapma-nen keyara inpil luwasolat kwarij-o.

NDAWI ENGGA 126:5

Yip min uwi pil kali nab-e, ebe mbarogolar-e, enalen-nen kijik kijak worogolat-net mbaruwag-o.

NDAWI ENGGA 34:18

Nagawan Indo-ge ”Ngge kwarimin-o?” luk inndi kabak yidnak nap inmin-et woraso-o. Inndi engga nggwe mbiridnak nab-e at-nen-e inmiri yoso-o.

NDAWI ENGGA 65:2

Kar-e ap-nen tepan yidnag-e koloso me, ap oboksa-ge it meya yidnak-nen ndowaga kat keram lobok yuwa-o.

NDAWI ENGGA 65:3

An-nen meya kwaroso-ge mondok kwarar-et nde, kat-nen kamberam tak pigen-o.

MBIRIGA WENE 15:26

Nagawan Indo nen yosolar-e: ”Ndemeret kinndi-net an-nen yidnak yidnak kwarogolar-e, an-nen yik kasolat konag-et yik kudtak nak kwarer-o. An-nen ’Irit kwarurag-o’ yak kindidnak imbirik nak mbururag-o. Kit-nen nde irit kwarogola-ge, an-nen Mesira nap enpem mberak pigi kugi ereba mende-ge kenpem mberak pimin pug-o. An-e ki rak konposo Nagawan Indo-nen yusu-o” yij-o.

MBIRIGA WENE 3:7

Nde, Nagawan Indo-nen yosolar-e: ”Mesira iri me-nen an nilirak iri andi bandi rak inpili iri-ge an-e abu eneyagi-o. ’Nit anggun panggun tak ninpili nap ininggiyapma-nen wisirik nunpurag-o’ luk enne nggoksa nemengen mbarogola kuligi-o. It-nen andi bandi kali oboksa-ge an-e mondok ndemeret naru-o.

MBIRIGA WENE 3:9

Nde, it Isarael nap-nen yap tlli iri-ge an-e kuligi-o. Mesira nap-nen anggun panggun tak inpili iri na an-e eneyasur-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

MATIUS 22:32

’An-e Abaram min Isak min Yakup min Enmbal Pem Nagawan-nen yusu-o’ luk yij-o. At iri-ge wat yidnak nap Enmbal Pem Nagawan-e lag-o. Are, unluk woragwi nap Enmbal Pem Nagawan-net yusu-o” luk yij-o.

LUKAS 1:13

Alat nde, aid nap iri-nen Sakaria yak tosolar-e: ”Sakaria wa-e. Kwiye kasu meyog-o. Kat-nen tepan yigen-e Mbal Pem Nagawan-nen kolamu me, kat kogwe Elisabet na-ge li ap mbi ndaguwa-o. Nde, la na unu-ge Yoanes irit yarugun-o.

LUKAS 18:10

Yesus-nen yosolar-e: ”Ap mberen-e tepan yuwokluk Mbal Pem Nagawan ama mbiriga-o. Nde, misig-e Parisi nap, nde, misig-e pemerinta enmanggim tol ndok woroso nab-o.

YOANES 5:14

Misik tarem-e Yesus na-ge Mbal Pem Nagawan ama-nen ap iri na karuk, at yak tosolar-e: ”Yawo kar-e ki yigenma-o. Nanduk kebem mbid iri-ge te nggal-et nde, terak mena kebem mbuma naru, meya mbi kwarurak puk na-e” luk yak tij-o.

TUGURUK YIDNAK WENE 32:39

Kwara yebet ker-o. Mbal pem nagawan nin mbi-ge mondok lak. Mbal Pem Nagawan-e an narig-et nak-nen yusu-o. An-e lak tak onposo min unluk tak poso min-nen yusu-o. An-e mep tak onposo min ambut tak onposo min-nen yusu-o. An-nen kwarosola-ge, ap misiger-o luk tet nebem kore yugwi buk-nen yusu-o.

IBERANI 2:10

At ondomok amanggim at-nen yi mende ndi mende oboksa ndak worak pid Mbal Pem Nagawan iri na-nen Yesus-e at andi bandi kagaid iri bem-net iminep mbarak ibid iri-ge yurag-et kwarij-o. Iri bem-nen-e at ilirak kwarar-e at unu kek tak pidnak na erep wanuwakluk andi bandi kagaij-o. Nde, iri yid nap Yesus iri-ge ap inmiri yurak tula nggwe lit eneyaruk mboroso nap-net yusu-o.

NAM PARA WENE 7:17

Iri kwat unpuwa iri-ge nagawan koreyak woraso ondoro bem enggendumu worasu Lomba Wam Marik iri-ge at olomba wam iri yik eneyarok woraso nap kwatluk, wok unpuruk, unluk nak wolmomtak yi pilana waso sa inmin mburuwa-o. Nde, Mbal Pem Nagawan-nen-e iniyip lengen oboksa ndogwarak unpuwa-o” luk yij-o.

1 SEMUEL 10:1

Iri luk Semuel-nen saitun engen amburu kenanggo mbi wanosolar-e, amburu iri na-ge Saul anggul pem kilik pij-o. Iri rak puruk Saul erabengen porok nasolat-nen yak tosolar-e: ’Kar-e Nagawan Indo-nen at ilirak ennggendumu nagawan woranokluk amburu kanggul pem kilik puruk mendak kubusu-o. Kar-e Nagawan Indo ilirak tena unpuruk woralat, it unuwim nap oboksa ininggem-nen inmiri yosolat woragun-o. Nde, kat-nen: ’An-e ndemeret Nagawan Indo-net at ilirak tena unpuruk wolmakluk mendak nebamu-o’ luk yenggerak pugun-e yu bem-nen-o:

1 SEMUEL 9:16

”Kub-e yanem nggal kuplila an-nen elem Mbenyamin nap misik kat keram pil lobok yimin-o. Iri yosola-ge, amburu anggul pem kilik posolar-e, Isarael nap ennggendumu nagawan tak ibi-o. Iri rak ubugunmu-ge, at-nen-e an nilirag-e Pilisin nap ininggiyapma-nen inmiri yuwa-o. Nde, an-e an nilirak-nen yane worogolat, ’Yongga nindi-o’ luk yip togolat yili ereba-ge eneyasolat, kolosolat kwarusu-o” yak tij-o.