2 NAGAWAN NAGAWAN-NEN KWARIDNAK WENE 20:3 - Nanduk Ngget Tul Pidnak Wene

³ ”Nagawan Indo wa-e. An-e nondomok nindi-net kat kerembel tugup lak wanosolat, pempa kat-nen nebem pidnak nak kwarurak namawi kondoso-o” luk tepan yosolar-e, Isikia iri na-ge yip kondok lud mbij-o.

2 NAGAWAN NAGAWAN-NEN KWARIDNAK WENE 20:3 ပူးပေါင်းရင်းမြစ်များ

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 5:22

Ambara iri ndaguruk woralar-e, indi-ge Mbal Pem Nagawan imin kundik woralar-o. Nde, olengen tiga ratus (300) iri woralar-e, elirak erep na ndagij-er-o.

NDAK WIRIDNAK WENE 5:24

Eid Mbal Pem Nagawan imin panggarak woraso me-ge, Mbal Pem Nagawan-nen wanosolat, lak agaij-o.

NDAK WIRIDNAK WENE 8:1

Nde, Mbal Pem Nagawan-nen-e Nu min towe mena oboksa Nu imin e koma wi wirid iri na arem worasu ereba na-ge meme rak inpigit lag-o. Are, indi-ge enpem-et woralar-e, Mbal Pem Nagawan-nen-e obube puk kujwakluk obube rak pamu-ge, obube-nen puk kasolar-e, yi na-ge eberek yil mboso kwat yij-o.

1 NAGAWAN NAGAWAN-NEN KWARIDNAK WENE 11:4

Nde, Salomo iri na ap indi worak pem-e ogwerak-nen-e Salomo na-ge arem ngen waga kugwiwak erembel wanoso rak piga-o. Nde, Salomo eid Ndaut iri-ge tugup lak Nagawan Indo Embal Pem Nagawan-nen yidnak nak kwarosolat woraso-t nde, Salomo-ge eid-nen kwaroso nggal-e kwarigit lag-o.

1 NAGAWAN NAGAWAN-NEN KWARIDNAK WENE 2:4

Kat-nen nde Nagawan Indo-nen yidnak yidnag-et kwarosola-ge, at-nen an nimin urul posolat: ’Kat-nen wigarak-nen-e Isarael nap tena unpuruk wolma-o. Mbigija-ge it-nen inndi min enpe min ebis-et tugup lak pempa-nen an-nen yidnak yidnak kwat tenak wolma iri nag-o’ luk yid iri na-ge kwaruwar-o.

1 NAGAWAN NAGAWAN-NEN KWARIDNAK WENE 3:6

Yosoloma, Salomo-nen yosolar-e: ”Kat-nen ndegel koboso nap an neid Ndaut abuwa mondok kwarat kaigen-o. At-nen tugup lak woralat, ndemeret mot mot kat keram-nen kwarosolat worala me, kat-nen pempa abuwa kasolat wolmomtak pem yenggerak purak pem-e kat-nen ambara misik wok tigenma, yawo ondolma men yigirik o tena unpurak worasu yur-o.

1 NAGAWAN NAGAWAN-NEN KWARIDNAK WENE 8:23

tepan yosolar-e: ”Nagawan Indo Isarael nap Enmbal Pem Nagawan wa-e. Mbal pem-nen na irit, nggweyakma-nen na irit kat nggal mbi misik worasu bug-o! Kar-e kilirak inndi misiget tak puruk, tugup lak kat-nen yidnak yidnak kwatli nap enabuwa kasolat, kat-nen urul yak indidnag-e ndak ndak nak kwat onposo-o.

1 NAGAWAN NAGAWAN-NEN KWARIDNAK WENE 8:61

At ilirak kit oboksa-ge Nagawan Indo Nenmbal Pem Nagawan-nen yidnak yidnak yawo kwatli yu nggal-et at-nen imiri mbarak pidnak wene min at-nen kwarurak nenpem pidnak wene min iri na pempa kwarugwi nap irit wolmer-o” luk yij-o.

1 NAGAWAN NAGAWAN-NEN KWARIDNAK WENE 9:4

Kat nde an ndegel nobosolat, keid Ndaut-nen kwarosolat woragid nggal-et ndemeret kindi min-et mot mor-et kwarosolat, an-nen idnak imiri mbarak pidnak wene-nen yidnak yidnak kwarosolat, kwarurak kebem pidnak ndak ndak kwarosola-ge,

2 NAGAWAN NAGAWAN-NEN KWARIDNAK WENE 20:2

Wene iri na kulurug-e, Isikia iri na-ge nden yaga erare kebet ambigit tak puruk tepan yosolar-e:

2 NAGAWAN NAGAWAN-NEN KWARIDNAK WENE 20:4

Nde, Yesaya iri na-ge iri yak turuk yarik, eram-nen mborosolar-e, awo omborom-et mborosoma-ge, Nagawan Indo-nen-e Yesaya yak tosolar-e:

AYUP 1:1

Nde, o Us nggweyak pem iri me-ge ap misik woragij-o. Iri unu-ge Ayup. At iri-ge Mbal Pem Nagawan imin kundik worasolar-e, imin tugup lak irit woragij-o. Nde, ar-e konak nap woralat, indi nggat nggat worak, meya na marig-et tet kwaroso buk irit woragij-o.

AYUP 1:8

Yosoloma, Nagawan Indo-nen kin wok obosolar-e: ”Kar-e an ndegel noboso nap Ayup-nen worasu abage iri-ge kwara kaigen, lak? Yi wi ndi wi oboksa-nen mbi at Ayup iri nggal indi tugup lak, konak iri nggal mbi worali bug-o. At iri-ge an nak kek tak nobosolat, meya mbi mondok kwarusu bug-o” luk yak tij-o.

AYUP 4:6

Kar-e tugup lak Mbal Pem Nagawan imin kundik worasolat, meya kwarigit lak worasu na-ge lag-a? Iri kwaroso ala-ge, kat-nen-e tugup lak, kindi kabak yigit lak woraleb-o.

NDAWI ENGGA 102:9

An-e nunggwi mende nggal-e o liri nde nasu-o. Nde, yi-ge yiplengen min nasu-o.

NDAWI ENGGA 145:18

At iri-ge ap-nen at eram wene mbo bogolat, ndemeret inndi-net at ebem nggi yogolat kwatli nap endam woraso-o.

NDAWI ENGGA 32:2

Nagawan Indo-nen at meya yidnak wonaroso buk nap min ap enmberam laso buk nap min-e enalen kagolat wolmag-o.

NDAWI ENGGA 89:47

An-nen nuruk wolmomtak abu poro yidnak yu kindi yebet niyi-o. Kat-nen-e nggweyakma nab-e luru koreyak irit ndak worak ninpigenma-o.

NDAWI ENGGA 89:50

Nagawan Indo wa-e. Ndegel koboso nap an pesel nibili yu kindi yebet niyi-o. Ap enlem kwarat-nen pesel nobogola, nindi abi kalok yusu-o.

YESAYA 63:11

Iri yosola, it-nen-e Nagawan Indo ndegel poso nap Musa woragid tarem-nen woraiga ereba na inndi yebet kil mborogolat-nen yogolar-e: ”At ilirak ennggendumu enne kulugwi nab-e yi koma nggwe-t nde, lit unpuruk ndilagaid Nagawan Indo iri na-ge ngge me worasu-o? Amawi it wok indid Nagawan Indo iri na-ge ngge me nde worasu-o?

AMOS 5:4

Nagawan Indo-nen Isarael nap yak ondosolar-e: ”Kir-e kunlug-et worabokluk, tuguruk an neram lobok yer-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.