2 NAGAWAN NAGAWAN-NEN KWARIDNAK WENE 2:3 - Nanduk Ngget Tul Pidnak Wene

³ Mbetel wok yukmu-ge, Mbal Pem Nagawan ene lomboksa yugwi nap lambuksa iri me woragwi ereba na-nen-e Elisa abuwok lobok yogolat-nen Elisa kin wok obogolar-e: ”Kat kombo iri-ge Nagawan Indo-nen kud turuk lasolat, yawo kat keya kubuwa iri na-ge kar-e karu worasu, lak?” luk kin wok ibiga-o. Yak togoloma, at-nen yosolar-e: ”Iri-ge narur-o. Iri wene-ge keya buwog-o” luk yak indij-o.

2 NAGAWAN NAGAWAN-NEN KWARIDNAK WENE 2:3 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:4

Nde, kwe Isebel-nen Mbal Pem Nagawan ene lomboksa yugwi nap ereba na ondosola-ge, Obaja-nen yongga ondosolar-e, ap enpe seratus (100) irit kerep yanggoma kura onposolar-e, enpe lima pulu-ge (50) nin me, enpe lima pulu-ge (50) nin me kura unpuruk, nunggwi mende min yi min mak ondosolat woragij-o.)

2 NAGAWAN NAGAWAN-NEN KWARIDNAK WENE 2:15

Nde, Mbal Pem Nagawan ene lomboksa yugwi nap enpe lima pulu Yeriko woragwi ereya na-nen Elisa karuk-nen yogolar-e: ”Elia amawi iri na-ge yawo-ge Elisa ebem mbij-o!” yogolug-e, Elisa eram mborogolar-e, Elisa eram yud tud mbogolat-nen

2 NAGAWAN NAGAWAN-NEN KWARIDNAK WENE 2:5

Wok yukmu, Mbal Pem Nagawan ene lomboksa yugwi nap lambuksa iri me woragwi ereba na-nen-e Elisa abuwok lobok yogolat-nen kin wok obogolar-e: ”Kar-e Nagawan Indo-nen kombo iri-ge kud turuk lasolat kat nak keya kubuwa iri na-ge kar-e karu worasu, lak?” luk kin wok ibiga-o. Yogola, Elisa-nen yosolar-e: ”Iri-ge narur-o. Iri wene-ge keya buwog-o” luk yak indij-o.

2 NAGAWAN NAGAWAN-NEN KWARIDNAK WENE 2:7

Mbirigarig-e, Yi Yareren arem wok yil mborogola-ge, Mbal Pem Nagawan ene lomboksa yugwi nap enpe lima pulu iri-ge inmbirik mbiriga-o. Mborogola, it mberen iri na-ge Yi Yareren eyak pem ndong yiga-o. Nde, it ap enpe lima pulu (50) ereya na-ge erepma-nen yik eneyarok mendak woraiga-o.

2 NAGAWAN NAGAWAN-NEN KWARIDNAK WENE 4:1

Nde, misik tarem-e Mbal Pem Nagawan ene lomboksa yugwi nap ereba na ennggendumu ap misik ogwe togwe mbi-nen Elisa eram mberarik-nen yak tosolar-e: ”Nab-o. Kar-e karu-o. An nun-e Mbal Pem Nagawan aye worak nab-er-o. Nde, ar-e wat yamu-o. Nde, at-nen ap misik arengge namat wanidnak pem arengge ombo iri na lobok yarik, onggo-ge an nilirak mberen at ndegel uburak waneyekluk yusu-o” luk yak tij-o.

2 NAGAWAN NAGAWAN-NEN KWARIDNAK WENE 4:38

Nde, misik tarem-e yi wi ndi wi oboksa nogoro wok yij-o. Wok yosola-ge, Elisa iri na-ge tuguruk Nggil Nggal lobok yarik, Mbal Pem Nagawan ene lomboksa yugwi nap sekola mirik onposolar-e, at ndegel oboso nap iri na yak tosolar-e: ”Togolwak nggok wanugundik, enmanggim nunggwi mende sagi-o” yak tij-o.

2 NAGAWAN NAGAWAN-NEN KWARIDNAK WENE 5:22

Yosoloma, Nggekasi-nen onggo yosolar-e: ”Nab-o. Mbal Pem Nagawan ene lomboksa yugwi nap mberen o ndobo worak Eperaim nggwe-nen nggeret lobok yogola karuk, an nombo Elisa-nen it wok undurak pem perak tol tiga ribu (3.000) min yurugwi sum konak ondok min mberen min wok noronok-nen nibil lobok yosola-nen lobok yigi-o” luk yij-o.

2 NAGAWAN NAGAWAN-NEN KWARIDNAK WENE 6:1

Nde, misik tarem-e Mbal Pem Nagawan ene lomboksa yugwi nap Elisa-nen mul ondoso ereba na-nen Elisa yak togolar-e: ”Nit worali o-ge mondok maktag-o.

YESAYA 8:18

An min Nagawan Indo-nen wok niridnak nilirak yeba min-e Nagawan Indo Mondok Amawi Worak Sion Ndobo bem-nen iri bem-nen o tena worasu iri na-nen kit Isarael nap-nen yenggerak pobokluk wirik nenpamu-o.

AMOS 7:14

Yosoloma, Amos-nen onggo yosolar-e: ”An-e Mbal Pem Nagawan ene lomboksa yoso nap na lak, Mbal Pem Nagawan ene lomboksa yoso nap-nen nderak na lag-o. Alat nde, an-e wam ndogoroso nap, e ara engen mbaroso nap-nen yusu-o.

YIDNAK YIDNAK WENE 22:3

”An-e Yawuri nap-nen yusu-o. Kilikia nggweyak pem Tatus-nen ndet nibidnag-et nde, o siri yu me-nen nusugwe rak piga-o. Nde, nit nenlawingga-nen tena woragwi imiri mbarak pidnak wene-ge mul noroso nap Nggamaliel-nen kwara-t mul nirij-o. Mul norosola-ge, kit pidsa yawo kwatli yu nggal-et an-nen na Mbal Pem Nagawan eyabu kiri keresa wanosolat woragi-o.

TUGURUK YIDNAK WENE 33:3

Ndemeret at-nen at elem nap enabuwa kasolar-e, at arengge kwat yidnak nap oboksa nggetlel unpusu-o. Nir-e at indipma tud luk at-nen yidnak yidnak kwarogolat wolmog-o.

1 SEMUEL 10:5

Iri lug-e, kar-e Mbal Pem Nagawan ondobo Pilisin nap o sare wutluk worali sa Nggibea iri me-t wok yugun-o. Nde, o silmu nggugwi sa pak tumende bem Mbal Pem Nagawan ene lomboksa Yugwi nap kere misik Mbal Pem Nagawan amanggim wam wosa pugwi ndobo iri na bem-nen mbuwagolat, it-nen ndawi yogolat enne rak pugwi mende poba enne rak pil pil, enne nggoksa yogolat, ndawi bem kot kil mbuwakmu, inmin lid pid yugun-o.

1 SEMUEL 19:20

Iri yogola kulurug-e, Saul-nen-e ap ereb-e Ndaut tenaguruk lobok yurak wirik inpij-o. Wirik enpamu mbiriganggal-e, Semuel-nen lit kuruk Mbal Pem Nagawan ene lomboksa yugwi nap siyak enne nggoksa ndawi ndorogolat, kot kil lobok yukmu eneyaiga-o. Nde, it Saul-nen wirik inpid nap ereba na-ge Mbal Pem Nagawan Indi enpem wok yosolar-e, it min-et enne nggoksa ndawi yogolat, kot kaiga-o.