2 NAGAWAN NAGAWAN-NEN KWARIDNAK WENE 2:2 - Nanduk Ngget Tul Pidnak Wene

² tu ndumu-nen-e Elia-nen Elisa yak tosolar-e: ”Kar-e yu me wolmin-o. Nde, an-e Nagawan Indo-nen Mbetel mbiri-o yamu-nen mburusu-o” yak tij-o. Alat nde, Elisa-nen yosolar-e: ”Nagawan Indo uruk nak woraso min kat min kenarik konowag-o. An-e mondok nombo kar-e keya kibimin pug-o” yosoloma-ge, it enmbereg-e mbirigarig-e Mbetel wok yiga-o.

2 NAGAWAN NAGAWAN-NEN KWARIDNAK WENE 2:2 ပူးပေါင်းရင်းမြစ်များ

NDAK WIRIDNAK WENE 28:19

Nde, o iri na me unu yarosolar-e, Mbetel irit yarij-o. (O iri nanduk unu-ge Lus.)

1 NAGAWAN NAGAWAN-NEN KWARIDNAK WENE 12:28

Indi iri nggal yebet kasolug-e, at-nen-e sapi mberen emas pem-nen ndak wosa puruk yarik, at-nen Isarael nap yak ondosolar-e: ”Kit Isarael nab-e Nagawan Indo erembel wanurag-e Yerusalem ndak mborogolat woraigeb-o. Yawo-ge kunkugwiwak Mesira-nen lesa wok kunpuruk lobok yid na-ge yar-o” luk yak indij-o.

1 NAGAWAN NAGAWAN-NEN KWARIDNAK WENE 12:29

Yak undurug-e, Yerobeam-nen-e sapi ndak worak ereya na-ge misig-e o Mbetel puruk, nde, misig-e o Ndan puruk kwarij-o.

2 NAGAWAN NAGAWAN-NEN KWARIDNAK WENE 2:23

Iri rak purug-e, Elisa iri na-ge Yeriko-nen Mbetel mbirij-o. Mborosoma-ge, tu ndumu li marik marik siyak o silmu nggwe-nen wagolar-e, at pesel pogolat-nen yogolar-e: ”Kanggul mimi kar-e o yu me-ge lag-o. Mbiri-o!” luk enne nggoksa yak tiga-o.

2 NAGAWAN NAGAWAN-NEN KWARIDNAK WENE 2:4

Iri luk Elia-nen Elisa yak tosolar-e: ”Kar-e yu me wolmin-o. Nde, an-e Nagawan Indo-nen Yeriko wirik nobosola, Yeriko mburusu-o” luk yak tij-o. Alat nde, Elisa-nen onggo yosolar-e: ”Nagawan Indo uruk nak woraso min kat min kenarik konowag-o. An-e mondok keya kibimin pug-o” yosoloma, it enmbereg-e mbirigarik Yeriko wok yiga-o.

2 NAGAWAN NAGAWAN-NEN KWARIDNAK WENE 2:6

Iri luk Elia-nen Elisa yak tosolar-e: ”Kar-e yu me wolmin-o. Nde, an-e Nagawan Indo-nen Yi Yareren arem mbiri-o yamu-nen mburusu-o” yak tij-o. Alat nde, Elisa-nen onggo yosolar-e: ”Nagawan Indo uruk nak woraso min nombo kat min kenarik konowag-o. An-e mondok nombo kar-e keya kibimin pug-o” yosoloma, enmberek irit mbiriga-o.

2 NAGAWAN NAGAWAN-NEN KWARIDNAK WENE 4:30

Nde, kwe iri na-nen yosolar-e: ”Nombo Elisa wa-e. Nagawan Indo uruk nak woraso min kat min kenarik konowag-o. An-e mondok keya kibimin pug-o” yosoloma-ge, Elisa na-ge kwe iri totno at ama mbiriga-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.

1 SEMUEL 1:26

Eram pil mborosolat-nen Ana-nen Eli yak tosolar-e: ”Nab-o. Kar-e an yenggerak nubusu, lak? An-e Nagawan Indo eram tepan yosolat yu me mendak woragi kwe iri na-net yusu-o.

1 SEMUEL 17:55

Nde, Ndaut na Nggoliat wereyekluk mborosola-ge, Saul-nen at-nen idnak san ombo onowe Apnet iri na kin wanosolar-e: ”At yu-ge ta ambara-o?” luk kin wanosola-ge, Apnet-nen yosolar-e: ”Ndegel koboso nap an na naru bug-er-o” luk yak tij-o.

1 SEMUEL 25:26

Nab-o. Kar-e kat kwat kibidnak onggo posolat, kuwim nap undugun naru Nagawan Indo-nen tena kibij-o. Nde yawo-ge nab-o. Nagawan Indo Uruk nak Woraso owag-o. Kat kuwim nap oboksa min ap-nen kat kururak yugwi nap min it kwat unpurak iri-ge Nabal kwat ubuwa iri nggal-et it na kwat unpuwa-o.