2 NAGAWAN NAGAWAN-NEN KWARIDNAK WENE 2:14 - Nanduk Ngget Tul Pidnak Wene

¹⁴ Iri yosolar-e, Elia usum iri na bem yi iri na lel kasolat-nen yosolar-e: ”Nagawan Indo Elia Embal Pem Nagawan iri na-ge ngge me worasu-o?” yosolat-nen yi iri na lel kagaidnggal-e, yi iri na-ge poksa piri yosola, ogorak nggilarak nggwe ndil lagaij-o.

2 NAGAWAN NAGAWAN-NEN KWARIDNAK WENE 2:14 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 2:13

Iri lug-e, Elia usum yonggora mberak pid iri na wanosolug-e, tuguruk mberarik, Yi Yareren eyak pem mendak woragij-o.

2 NAGAWAN NAGAWAN-NEN KWARIDNAK WENE 4:29

Yosoloma, Elisa-nen nden kaga Nggekasi iri na yik karuk yak tosolar-e: ”Kar-e an nowangun iri wanuruk, nok mburugundik, kwe yu ama wok yosolar-e, la iri bem purag-o. Nde, tu ndumu ap-nen nde wa yak korogola-ge, onggo wa yak ondosolat ndag-et mburugun puk me, mondok wa yak undurak pug-o” luk yak tij-o.

NDAWI ENGGA 115:2

Noluk-nen ap enlem ereba na-nen yogolar-e: ”It Enmbal Pem Nagawan-e ngge me worasu-o?” luk yili-o?

NDAWI ENGGA 42:10

Nuwim nap-nen nggweyel nobogolat-nen yogolar-e: ”Kembal Pem Nagawan-e ngge me worasu-o?” luk yak nererenak worali iri bem nindi abi kalok yosolat worasu-o.

NDAWI ENGGA 42:2

An-e Mbal Pem Nagawan uruk nak woraso iri na nere-nen nindi eberek yusu yu-ge mepme-nen at ama mbirimindik, erembel wanimin-o?

MBIRIGA WENE 14:22

Iri yosolar-e, yi koma na-ge poksa mberen kwat yij-o. Yi pirisa mberen kwat yid iri na-ge it enmanggim pak nggal ponok ponok nggaserak worala ogorak nggwe ndiliga-o.

YEREMIA 2:6

An-net it iri-ge Mesira-nen lesa wok unpuruk mbirigi-o. Mborosolar-e, nembaga usu nggwarak ereba na nggwe-t inmin mborosolat, o umbuk nggwe tula lalik nggwilik ereba na inmin mborosolat, nggweyak tet umbuk enlengenwak lak yurak, ap na woragwi buk, ap na tu iri nggwe na mburugwi buk nggwe-t wok unpuruk mbirigi-t nde, ir-e insili rak nibiga-o.

YOEL 2:17

Nde, tepan ombo Nagawan Indo ama iri na me yabu wanugwi nab-e Nagawan Indo amanggim kan pugwi iri na wok, iri-nen o panggo tumende bem iri na wok, enggendumu iri na me-nen yip togolat-nen tepan yogolar-e: ”Nagawan Indo wa-e. Kat kilirag-e enabuwa ki-o. Kat kilirag-e kat-nen keya unpugunmu, kopkap tobok yogola, ap enlem erep-nen eneyaruk yogolar-e: ’It Enmbal Pem Nagawan-e ngge me worasu-o?’ luk yuwa naru, keya unpurak pug-o” luk yuwakluk yak ender-o.

MARAKUS 16:20

Yosoloma-ge, at owosirak na mborogolar-e, yi wi ndi wi aid wene yil waring kagola-ge, Nagawan Indo-nen it yongga ondosolar-e, it-nen yidnak wene iri-ge ndemerer-o luk yebet kujwakluk, kagwi buk mende iri it enpem-nen kwarij-o.)

YOANES 14:12

An-e ndemeret yak kundusu-o. An nebem indi angin tubu yuwa nap-nen-e an-nen kwaroso mende pidsa at-nen na kwaruwa-o. Nde, an-e Neid eram mbirimin me, an-nen kwaroso-ge marik nggal-o. At-nen-e nggulok mende-t kwaruwa-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

WENE MBENARUGWI NAP-NEN KWARIDNAK WENE 6:13

Yosoloma, Nggireyon-nen onggo yosolar-e: ”Nab-o. Irit nde, Nagawan Indo-ge ninmin worasolat-net nde, noluk-nen angin worak yeba-ge nenpem mbusu-o? Nagawan Indo-nen kwiye worak kwarosolat Mesira-nen nonmborak wisirik inpid iri na-ge iri na wene-ge nonmborak-nen yak nundugwi yeba na-t nde, yawo-ge Nagawan Indo-nen keya nonposolat, Mirian nap ininggem nenpamu yemndak nunpuruk worali-o” luk yak tij-o.