2 NAGAWAN NAGAWAN-NEN KWARIDNAK WENE 2:12 - Nanduk Ngget Tul Pidnak Wene

¹² Lasola, Elisa-nen yik karok woralat-nen yosolar-e: ”Neid Elia wa-e! Neid Elia wa-e! Isarael nap inmiri yoso kamawi worak nap wa-e! Neid kar-e yawo-ge kondoro nak keya bigen-o!” yosolat-nen yik karok worala ereya na-t Elia na-ge lak yij-o. Iri yosolar-e, Elisa na-ge usum iri na-ge orowak wosa mberen tak pij-o.

2 NAGAWAN NAGAWAN-NEN KWARIDNAK WENE 2:12 ပူးပေါင်းရင်းမြစ်များ

NDAK WIRIDNAK WENE 37:34

Iri yosolar-e, Yakup na-ge usum ndela bela keya buruk, indi abi kalak woragolat-nen yurugwi sum karung nggal yutluk, ambara iri na ubud-nen tabun puruk, kwarat woragij-o.

NDAK WIRIDNAK WENE 5:24

Eid Mbal Pem Nagawan imin panggarak woraso me-ge, Mbal Pem Nagawan-nen wanosolat, lak agaij-o.

2 NAGAWAN NAGAWAN-NEN KWARIDNAK WENE 13:14

Nde, misik tarem-e Mbal Pem Nagawan ene lomboksa yoso nap Elisa iri na-ge kugwi angin worak irit wirij-o. Woramu worala-ge, Nagawan Yoas iri na-ge kil lobok yij-o. Nde, nagawan iri na-nen kagaidnggal-e Elisa na-ge mondok wat momtak irit karuk-nen yip tosolat-nen yosolar-e: ”Isarael nap ninmiri yoso kek tak nombo wa-e! Nombo wa-e!” luk yij-o.

2 NAGAWAN NAGAWAN-NEN KWARIDNAK WENE 2:13

Iri lug-e, Elia usum yonggora mberak pid iri na wanosolug-e, tuguruk mberarik, Yi Yareren eyak pem mendak woragij-o.

2 NAGAWAN NAGAWAN-NEN KWARIDNAK WENE 5:13

Alat nde, at ndegel ubugwi nap ereba na at eram panggo yogolat-nen yak togolar-e: ”Nab-o. Kat nde kwarurak meya nggesa nggal-et kebem pelepnggal-nen-e kar-e kwatleb-et irir-o. Nde, yu-ge we yi ma nak nggugun pem ki yurak nde yak kirij-o, nab-o” luk yak tiga-o.

2 NAGAWAN NAGAWAN-NEN KWARIDNAK WENE 6:21

Nde, Isarael nap nagawan iri na-nen Siria nap ereba na eneyaruk-nen Elisa kin wok obosolar-e: ”Nab-o. Ap yeba-ge mondok indimin, lak?” luk yak tij-o.

NGGOMO WENE 30:4

Nggweyakma nab-e ta nggal-nen aid arem-e laruk mbuwaruk kwaroso-o? O wija-ge ar-e inggi mok pem tenaga wanoso, lak? Usum pem-nen yi-ge nggetla wanoso, lak? Are, o yu-ge ta-nen kuri wosa pil lobok yamu-o? Nde, iri kwaroso nab-e ta-o? Nde, ambara-ge ta-o? Ndemeret kar-e karu irir-o!

MARAKUS 16:19

Nde, Nagawan Indo Yesus-nen it na wene iri na yak ondosolug-e, aid arem konok turuk lasolar-e, Mbal Pem Nagawan inggi kigit ambigit nggwe kore yij-o.

LUKAS 2:15

Ndawi na yogoluk, aid nap na-ge it keya unpuruk, unuwok lem aid arem lagola-ge, lomba wam yik karok woragwi nap iri-nen yak kerak mbogolar-e: ”Nagawan Indo-nen yak nindidnak iri na mbi Mbetleyem kil mburuwog-o” luk yiga-o.

LUKAS 24:51

Imbiringgat tak onposolat ereya na-net it na keya unpuruk, aid arem lek karuk lagaij-o.

YOANES 3:13

Nde, ap misiger-o luk tet aid arem lagwi bug-et nde, at aid arem-nen mbuwagaidnak nap Ap Ambara an narig-et nag-o” luk yij-o.

YIDNAK YIDNAK WENE 1:9

Iri wene yak unduruk, it-nen yik karok worakmu-ge, at lek karuk lasola-ge, nggan nggan-nen muruk tak posola-ge, it-nen-e kagit lak yiga-o.

YIDNAK YIDNAK WENE 27:24

yak norosolar-e: ’Paulus wa-e. Kar-e kwiye kasu-ge meyog-o. Kar-e mondok Kaisat eram-et wok yugun-o. Mbal Pem Nagawan-nen we wok ondoso bem kat totno mbitli nap iri oboksa kat-nen lesa mondok inmiri yuwa-o’ luk yak nirij-o.

YIDNAK YIDNAK WENE 8:2

Nde, it inndi angin tubu yidnak nap-nen Sepanus na yapma pogolar-e, ubud yip kwarat tiga-o.

2 KORINTUS 5:2

Nde, nir-e yawo luru nggweyak ma wi yu arem woragolar-e, aid arem-nen wiridnak nunuwi iri na yesa wok nunduwag-o luk ukwe kwarat yogolar-e, yane witli-o.

2 KORINTUS 5:4

Nir-e nggweyak ma yu me luru wolmomtak wi na arem woragolar-e, angin worak mende nenpem pidnak iri bem-nen yane witli-o. Iri-ge nit nenpe, nggweyak ma mende yu yungguruwakluk-nen yili-ge lag-o. Are, nenpe ngget mende-ge taro iri na ombol pem yesa wok nondosola, pem-et unlug-et wolmomtak mende-nen luru wolmomtak mende iri lungguk mberak puwakluk-nen yili-o.

EPESUS 4:8

Iri bem-e, Mbal Pem Nagawan engga bem-nen yosolar-e: ”At teram eid me lasolar-e, kere kamarak woragwi nap wok unpuruk lagaij-o. At-nen-e we wok ondoso mende irit ki nap tembet indij-o” luk yij-o.

NAM PARA WENE 11:12

Nde, mberen nap iri-nen kuliganggal-e, aid arem-nen ene ngguloksa it wene mbo onposolar-e: ”Yu me lumer-o!” luk yak ondosoloma-ge, it unuwim nap na enlengen pem nggan nggan-nen muruksa keya unpuruk, aid arem laiga-o.