2 NAGAWAN NAGAWAN-NEN KWARIDNAK WENE 19:4 - Nanduk Ngget Tul Pidnak Wene

⁴ Nde, Asiut nagawan iri na-nen-e Mbal Pem Nagawan uruk nak woraso iri na pesel ubuwakluk at-nen idnak san ombo onowe misik ibil lobok yij-o. Iri yamu, erep-nen-e Nagawan Indo Kembal Pem Nagawan-e at pesel ibiga iri-ge kulidnak me, at pesel obogolat wene wirik pidnak nab-e enpem angin worak mberak puwag-o. Iri ala-ge, nit nap unluk worali enmanggim tepan nak yi-o” luk yak tij-o.

2 NAGAWAN NAGAWAN-NEN KWARIDNAK WENE 19:4 ပူးပေါင်းရင်းမြစ်များ

NDAK WIRIDNAK WENE 22:14

Kan puruk, Abarakam-nen iri kwarid sa iri na unu yarosolar-e: ”Ukwe pidnak mende Nagawan Indo-nen lud tak pidnak sa-o” luk unu yarij-o. Yawo-nen na ap-nen yogolar-e: ”Nagawan Indo ondobo yu bem-nen Nagawan Indo-nen-e ap-nen ukwe pidnak lud tak pidnag-o” luk yili-o.

2 SEMUEL 16:12

Erep-nen-e Nagawan Indo-nen an-nen andi bandi kasu yu neyaruk, imbiri lamut tak nubusu onggo imbiringgat tak nubuwa nde ma-o” luk yak indij-o.

2 NAGAWAN NAGAWAN-NEN KWARIDNAK WENE 18:13

Yewura Nagawan Isikia iri na Yewura iri me nagawan woralat olengen empat belas pem-e o Yewura nggweyak pem o siri kerep pak leget worak ereba na-ge Asiut Nagawan Sanegirip-nen urugwe nggwe rak inpij-o.

2 NAGAWAN NAGAWAN-NEN KWARIDNAK WENE 19:16

Nagawan Indo wa-e. Yawo nit nenpem kwat yusu mende yeba-ge kwara yebet niniyi-o. Mbal Pem Nagawan kuruk nak woraso wa-e. Sanegirip-nen pesel kubusu ereba-ge kwara kuli-o.

2 NAGAWAN NAGAWAN-NEN KWARIDNAK WENE 19:22

Kar-e ta nde meya wene yak tosolat, pesel ubusu-o? An-e Isarael nap Enmbal Pem Nagawan mondok marak iri na-nen yusu-o. Kat kabage iri-ge an nimin-e kar-e mondok kek yusu-o.

2 NAGAWAN NAGAWAN-NEN KWARIDNAK WENE 19:23

Kat-nen ap inpil lobok yigenma ene amburu ndakolar-e, kat-nen idnak wim koma kwarat ereba na bem-nen Libanon ndobo yat mat ereba na-ge yemndak posolat, kindi-nen kek yosolar-e: ”E ndobo bem woraso libe yot mot mondok konak ereba na-ge o wal ereba oboksa e wosa ligik puruk keya bigi-o” luk yigen-o.

2 NAGAWAN NAGAWAN-NEN KWARIDNAK WENE 19:3

Isikia-nen Yesaya amanggim wene wosa enpem posolar-e: ”Yawo-ge nit angin worak nenpem pogolat, enlengenma nggal tak nonpogolat yogola, ninndi puru bera yili-o. Nde, nir-e kweyap-nen li ndaguwokluk yane witli nde, ndakit lak yane nak wat tenak enmawi lak yili iri na nggal-nen yusu-o.

2 NAGAWAN NAGAWAN-NEN KWARIDNAK WENE 19:30

Nde, Yewura nap erep keya inpidnak nab-e yakwi mende nggal enmengen kundik worasolat engen poso nggal yi mende ndi mende bem-e ndak irit wolma-o.

2 NAGAWAN NAGAWAN-NEN KWARIDNAK WENE 19:31

Nagawan Indo-nen-e ’Iri nggal kwat ma-o’ luk urul pidnak me, Yerusalem min Sion ndobo bem min-e inmiri yidnak nab-e wolmar-o.

2 NAGAWAN NAGAWAN-NEN KWARIDNAK WENE 19:5

Nagawan Isikia-nen wene wosa pil mbirid iri na Yesaya-nen kulurug-e,

YESAYA 1:9

Nagawan Indo Mondok Amawi Worak iri na-nen nde ap erep nit nenmanggim nde mengga keya inpigit lak yid nggal-nen-e Sorom min Nggomora min lak tak inpid nggal mondok abu lak tak nenpeleb-o.

YEREMIA 23:36

It-nen wene yogolar-e: ’Nagawan Indo-nen angin worak nenpem pidnag-o’ nak yili iri-ge keya buwag-o. It-nen nde wene iri nggal iri nde kundugu-t woragola-ge, an-nen yidnak wene-ge mondok ndemeret at amanggim-e angin worak tag-et pimin-o. Ap-nen yogolar-e: ’Nagawan Indo-nen angin worak nenpem pidnag-o’ yogolar-e, iri-ge Enmbal Pem Nagawan uruk nak woraso, Nagawan Mondok Namawi Worak nene iri na nden kagolat-nen yili-o.

YESKIEL 36:37

Nde, Nagawan Indo Mondok Kek tak iri na-nen yosolar-e: ”Isarael nap wa-e. An nindi-nen-e kir-e lomba oro nggal kwarat tak kenpeyek-nen ’Yongga kunduwakluk an nemengen mbarer-o’ yak kindimin-o.

OROMA 11:5

Nde, yawo na iri nggal-et worasu-o. Mbal Pem Nagawan-e it enabuwa kaso me, at amanggim len inpidnak nap erep na woralir-o.

OROMA 9:27

Nde, Yesaya-nen Isarael nap onowene ene amawi min yosolar-e: ”Isarael nap iri-ge yi sisiri nggal kwarar-et nde, marig-et nak nde inmiri yaga wok unduwa-o.

TUGURUK YIDNAK WENE 32:36

Nagawan Indo-nen-e at ilirak nde yik eneyasolar-e, ndeyak yogola, enmawi lak ala karug-e, at ndegel ubugwi nap enabuwa kasolar-e, at ilirag-e inmiri yuwa-o.

YOSUA 3:10

Kit-nen nde kunuwim nap enpem-et kore yogola-ge, Nagawan Indo-nen-e Et nap min Ewi nap min Peris nap min Nggirigasi nap min Amori nap min Yebus nap min ereba-ge Nagawan Indo-nen-e mondok maga wirik unpuwa-o. Nde, Nagawan Indo mbal min nggweyak min ombol pem kek tak iri-nen idnak urul pidnak wene labu mbarak iri nde nandug-et Yi Yareren mbatluk ndil lasola-ge, ’Nagawan Indo uruk nak woraso iri na-ge nennggendumu worasu-o’ luk kenaru yugub-o.

1 SEMUEL 14:6

Nde, Yonatan-nen ap sujwe at esan waruk noso iri na yak tosolar-e: ”Mbal Pem Nagawan enaru buk Pilisin nap tu paktak worali sa iri me mburuwog-o. Nagawan Indo-ge ap kwarat inmin-nen na irit marig-et inmin-nen na irit ombol nggwe rak onposo me, Nagawan Indo-nen yongga nunduwa nde kwat ma-o” yak tij-o.

1 SEMUEL 17:10

Nde, yawo-ge an-nen Isarael nap san ombo kenpem kore yimin me, kit kennggendumu an nimin nenmawi wal kudtak nap ndak misik mbi lenak per-o!” luk yak indij-o.

1 SEMUEL 17:26

Yogola, Ndaut-nen yosolar-e: ”Elem nin nap Pilisin nap yu-ge Mbal Pem Nagawan Uruk nak Woraso-nen idnak esan ombo inmin amawi wal kudtak pem kwiye lag-et nggweyel unpusu yu-ge ngge-o?” luk at-nen san ombo misik kin wok obosolar-e: ”Pilisin nap iri worosola, Isarael nap pesel unpusu iri lak tak puwa nap iri-ge onggo-ge no mende wok tuwa-o?” luk kin wanij-o.

1 SEMUEL 17:45

Yak tosola, Ndaut-nen onggo yosolar-e: ”Kar-e kagabo bem kuwuru bem kerege bem nereyekluk lobok yusu-t nde, an-nen-e Nagawan Indo Amawi Worak Isarael nap Enmbal Pem Nagawan kat-nen kerengenma nggal tak pusu iri na bem-net kereyekluk lobok yusu-o.