2 NAGAWAN NAGAWAN-NEN KWARIDNAK WENE 18:32 - Nanduk Ngget Tul Pidnak Wene

³² an lobok yosolar-e, o kit kunuwi yu nggal ma-t kinpil mburumu, ereba woragolar-e, anggut yabu wanugupndik, anggut engen kwarat mbarogolat, nggandum mbato yabu wanugupndik, kit norak nggandum mbato kwarat yigisa pogolat kwat tenak woragub-o. Nde, o iri me-ge e saitun elem min saitun engen amburu min tamuk amburu min-e mondok kwarar-o. Kit-nen nde an-nen yak kundusu yeba nde kwarugup ala-ge, wat yigit lak, kunluk woragub-o. Kir-e Isikia-nen ene nak-nen kenmberam lasolat, Nagawan Indo-nen ninmiri yuwa-o yusu iri ene-ge mondok kulurak pug-o.

2 NAGAWAN NAGAWAN-NEN KWARIDNAK WENE 18:32 ပူးပေါင်းရင်းမြစ်များ

NDAK WIRIDNAK WENE 49:11

At egelerai wam marig-e anggut eremwak konak pem yilik puwa-o. At-nen-e usum-e anggut amburu bem maruwa-o. Nde, abare sum-e anggut amburu eneyabi nggal iri na bem maruwa-o.

2 NAGAWAN NAGAWAN-NEN KWARIDNAK WENE 18:11

Abok nggwe-ge Asiut nagawan iri na-nen Isarael nab-e kam unpuruk mberarik, ereb-e o siri Ala onposolat, nde, ereb-e Yi Abot koroga Nggosan nggweyak pem ereba onposolat, nde, ereb-e o Marai iri me o siri lombok ereba me inpil lobok yij-o.

2 NAGAWAN NAGAWAN-NEN KWARIDNAK WENE 19:10

Engga iri-ge wene-ge yu nggal mbara pil mbirij-o: ”Kar-e Kembal Pem Nagawan-nen urul pidnak iri na bem kindi wat tak puruk woralat, Asiut nagawan iri-nen-e yemndak nubuwa bug-o luk kindi yebet kagun-o! Mondok lag-o.

2 NAGAWAN NAGAWAN-NEN KWARIDNAK WENE 25:11

Iri rak purug-e, yabu wanugwi enaru nap Yerusalem iri me erep keya inpidnak ereba na min insilobulo lak nap min it Mbabilonia nap enambigit yidnak nap ereba na min oboksa Nebusarandan-nen-e Mbabilonia inmin mbirij-o.

NDAWI ENGGA 42:4

An-e nanduk woralat, ap kwarat inmin Mbal Pem Nagawan erembel wanurak at ama mborogolat, an-e nandug-et anggul tak puruk mborosola, Mbal Pem Nagawan erembel wil wil nenalen-nen ndawi bem mburugwi ereba na nindi yebet karug-e, nindi puru kwarat yusu-o.

MBIRIGA WENE 3:8

Iri ala karuk-nen an-e Mesira nap iri ininggiyapma-nen wisirik unpuruk, o terak wolmomtak sa mbi me inmin mbereyekluk-nen yu me mbuwagi-o. Nde, o iri me nggweyag-e mondok amburu worak, yi mende ndi mende na kwarar-o. Nde, yawo o iri me-ge Kanaan nap min Et nap min Amori nap min Peris nap min Ewi nap nim Yebus nap min worali-o.

WONARIDNAK WENE 14:8

Nde, Nagawan Indo-nen nde indingen tak nonposolar-e, wok nunpuruk mburuwarik, o nggweyak amburu worak, yi mende ndi mende kwarat iri-ge nit wok nunduwa-o.