2 NAGAWAN NAGAWAN-NEN KWARIDNAK WENE 18:27 - Nanduk Ngget Tul Pidnak Wene

²⁷ Yogoloma, san ombo onowe iri na-nen yosolar-e: ”Wene yeba oboksa-ge kit min kit-nen idnak nagawan min kit nak yak kunduwakluk Asiut nagawan iri-nen-e nibil lobok yamu perali-a? Lag-o. An-e we nap kerep pak leget pem koreyak worali ereba min-et kulurak yusu-o. Abok woragolar-e, it inmin-et kenal min kenmeye min nonggolat woragub-o” luk yij-o.

2 NAGAWAN NAGAWAN-NEN KWARIDNAK WENE 18:27 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 18:17

Alat nde, Asiut nagawan iri na-nen-e it Yerusalem enpem kore yuwakluk o Lais-nen ap san ombo kere nggok misik inpil lobok yij-o. Nde, san ombo kere misik lobok yiga ereya-ge ap san wari nggok kenan nak-nen lit unpuruk lobok yiga-o. Nde, ereya-ge misig-e san ombo onowe, nde, misig-e nagawan amanggim yi konugwi nap onowe, nde, misig-e nagawan yik karok woragwi san ombo enanggul pem onowe-o. It ereya-nen lit unpuruk lobok yiga-o. Nde, it iri na o silmu wok yil lobok yogolar-e, yapmu yi mbun misik abam nggwe emnde mbaridnak sa yi mburuwakluk yi pud waruk mbiridnak sa eralu yabu misik unu-ge Sum Maroso Nap Yabu iri na me ondoro waniga-o.

2 NAGAWAN NAGAWAN-NEN KWARIDNAK WENE 18:26

Yosoloma, Elyakim min Sepna min Yoa min-nen san ombo onowe iri na yak togolar-e: ”Nab-o. Wene-ge Aram wene bem yak nindi-o. Nir-e kulul-er-o. Ap kerep leget pem worali yeba kuluwa-o luk, Iberani wene bem yusu-ge meyog-o” luk yak tiga-o.

2 NAGAWAN NAGAWAN-NEN KWARIDNAK WENE 18:28

Iri luk san ombo onowe iri na menluk-nen Iberani wene bem ene nggoksa yosolar-e: ”Asiut nagawan-nen yid wene yu kwara koler-o!

2 NAGAWAN NAGAWAN-NEN KWARIDNAK WENE 6:25

Leget wa woragola-ge, iri-nen ndowaga o silmu-ge mondok nere kwarat woragolar-e, kelerai wam anggulwak mbarak misiget pem-e perak tol-e delapan pulu (80) pogolat, nde, towe merepati al ndok worak marig-et nak pem-et nde onggo-ge perak tol-e lima pogolat kwat tenak woraiga-o.

NDAWI ENGGA 73:8

It-nen-e pesel onpogolat, meya kwat unpurak wene mbatli-o. Ap lel mberel unpurak wene-ge inndi kek tak pem mbatli-o.