2 NAGAWAN NAGAWAN-NEN KWARIDNAK WENE 13:18 - Nanduk Ngget Tul Pidnak Wene

¹⁸ Iri luk, Elisa-nen Nagawan Yoas yak tosolar-e: ”Mingin mare erep wanugundik, nggweyak lel ki-o” yosoloma, nagawan iri na-nen-e kenan pem nggweyak lel karuk, ndong yosoloma-ge,

2 NAGAWAN NAGAWAN-NEN KWARIDNAK WENE 13:18 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 13:17

Iri rak purug-e, Mbal Pem Nagawan ene lomboksa yoso nap iri na-nen yidnak ndak ndag-et nagawan iri na-nen-e Siria ambigit nggwe papalo tu kuwarak posola-ge, Elisa-nen yosolar-e: ”Mare mbising ki-o” yosoloma, nagawan iri na-nen-e mare na-ge mbising kil mborosola-ge, ereya na-net Elisa-nen ene nggoksa yosolar-e: ”Kar-e Nagawan Indo amare-nen yusu-o. Mare kat kebem-net Nagawan Indo-nen-e Siria nab-e urugwe nggwe rak unpuwa-o. Kat-nen-e o Apek iri me Siria nap iri inmin wim mbal tenak irit worasoma, abu urugwe nggwe rak unpugun-o” luk yij-o.

2 NAGAWAN NAGAWAN-NEN KWARIDNAK WENE 13:19

Elisa iri na isilepma luk-nen yak tosolar-e: ”Lel tenak woralar-e, lima bem nggal enam pem nggal lel kudtag-et nde, iri kwarosolar-e, Siria nap iri-ge mondok yigisa abapno rak unpurag-et nde, kenan pem nak lel kaigen iri-ge we kenan pem nak Siria nap iri-ge urugwe nggwe rak unpugun-o” luk yak tij-o.

2 NAGAWAN NAGAWAN-NEN KWARIDNAK WENE 13:25

Men yosola-ge, Isarael nap nagawan Yoas-nen-e Mbenarat iri na-ge kenan pem-et urugwe nggwe rak uburug-e, Yoas eid Yoaas worala tarem-nen Mbenarat-nen o siri mengga wanid ereba na-ge tuguruk mengga wanij-o.

2 NAGAWAN NAGAWAN-NEN KWARIDNAK WENE 4:6

Nde, embe ereba na oboksa kobong tak purug-e, kwe iri na-nen embe misik nggi yosoloma-ge, at ilirak ereba na ennggendumu at misik-nen yosolar-e: ”Embe abu lak yij-o” yosola ereya na-net amburu iri na-ge pok yij-o.

MBIRIGA WENE 17:11

Laigarik, Musa na inggi teram nggwe ligik puruk worala-ge, Isarael nap ombol nggwe yogolat, nde, inggi leyok tak posola-ge, Amalek nab-et ombol nggwe yogolat woraiga-o.