2 NAGAWAN NAGAWAN-NEN KWARIDNAK WENE 1:17 - Nanduk Ngget Tul Pidnak Wene

¹⁷ Nde, Nagawan Agasia iri na-ge Nagawan Indo-nen Elia emndam tak posola yid iri na ndak ndag-et wat yij-o. Wat yosoloma-ge, at ambara-ge lak ala karuk, at eyabi minggirik Yoram iri na nde ondolma-ge nagawan men yij-o. Iri kwarij-e Yosapat ambara Yewura Nagawan Yeoram iri na men yarik o tena woralat olengen mberen pem tak posoma-nen men yij-o.

2 NAGAWAN NAGAWAN-NEN KWARIDNAK WENE 1:17 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 17:16

Nagawan Indo-nen Elia yak tid iri na ndak ndag-et ondoro mberen ereya na arem-e nggandum mbato yigirik min amburu min-e lak yigit lak woraso komo nak irit woragij-o.

1 NAGAWAN NAGAWAN-NEN KWARIDNAK WENE 22:38

Samaria iri me yi ugup misik arem terak inmin nugwi kweyap ereba na enaboro marukmu, Akap-nen idnak wim koma iri na marogola-ge, Nagawan Indo-nen yid iri na ndak ndag-et eyabi wim koma arem ereba na-ge yengge-nen aben ninggij-o.

1 NAGAWAN NAGAWAN-NEN KWARIDNAK WENE 22:42

Nde, iri tarem-e ar-e olengen tiga pulu lima (35) irit woraruk-nen nagawan men yij-o. Men luk, Yerusalem iri me nagawan woralar-e, olengen-e dua pulu lima (25) woragij-o. Nde, ija unu-ge Sili ara Asuba irir-o.

1 NAGAWAN NAGAWAN-NEN KWARIDNAK WENE 22:51

Nde, Yewura nagawan Yosapat iri na men yarik, o tena woralar-e, olengen tuju belas pem wok yosoma-ge, Agasia iri na-ge Isarael nap enanggul pem men yarik, Isarael nap tena unpuruk, olengen mberen woragij-o.

2 NAGAWAN NAGAWAN-NEN KWARIDNAK WENE 1:18

Nde, Nagawan Agasia-nen kwaridnak wene ereb-e Isarael nap nagawan nagawan-nen kwaridnak wene mbarak engga iri na arem mbaridnak worasu-o.

2 NAGAWAN NAGAWAN-NEN KWARIDNAK WENE 3:1

TUGURUK YIDNAK WENE 34:5

Iri lug-e, Nagawan Indo-nen awo ma-nen yid iri na ndak ndag-et Nagawan Indo ndegel oboso nap Musa na-ge Moap iri me-t wat yij-o.