2 NAGAWAN NAGAWAN-NEN KWARIDNAK WENE 1:13 - Nanduk Ngget Tul Pidnak Wene

¹³ Iri rak inpij-et nde, tugurug-et nagawan iri na-nen-e ap san ombo wari misik owosirak enpe lima pulu inmin wirik pamu, ndobo bem lagarig-e, Elia eram wok yosolar-e, endaru yunggusa kore yosolat-nen yosolar-e: ”Mbal Pem Nagawan ndegel oboso nap wa-e. An nowosirak inmin yu-ge nenabuwa kasolat-nen ninmiri yi-o!

2 NAGAWAN NAGAWAN-NEN KWARIDNAK WENE 1:13 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 13:6

Iri ala karuk, Nagawan Yerobeam-nen Mbal Pem Nagawan ene lomboksa yoso nap iri na yak tosolar-e: ”An ninggi konak tak puwakluk kat-nen Nagawan Indo Kembal Pem Nagawan iri emengen mbari-o” luk yak tij-o. Yosoloma, Mbal Pem Nagawan ene lomboksa yoso nap iri na-nen tepan Nagawan Indo nggi yak tosola-ge, nagawan iri na inggi-ge konak yij-o.

2 NAGAWAN NAGAWAN-NEN KWARIDNAK WENE 1:12

Yosoloma, Elia-nen onggo yosolar-e: ”An nde ndemeret Mbal Pem Nagawan ndegel oboso nap ala-ge, kandug-e aid arem-nen mbuwasolat, kat kowosirak inmin-e kanduk-nen nuruk lak tak kunpuwag-o” yosola ereya na-net Mbal Pem Nagawan-nen kanduk mberak posolar-e, san ombo wari iri na-ge owosirak inmin-e kanduk-nen nuruk lak tak inpij-o.

2 NAGAWAN NAGAWAN-NEN KWARIDNAK WENE 1:14

San ombo wari mberen onowosirak inmin kanduk aid arem-nen mbuwasolat lak tak inpid iri nggal-et lak tak nunpurak pug-o. Alat nde, nenabuwa ki-o luk kemengen mbarusu-o” luk yak tij-o.

NDAWI ENGGA 102:17

At-nen-e at ilirak pul yidnak woragwi ereba-nen tepan yidnak kolosolat, it-nen nggi yidnag-e ene kola keya buwa bug-o.

NDAWI ENGGA 72:14

At-nen-e ir-e insilepma bem anggun panggun tak onpogola, mengga keya unpusu-o. Iri kwat unpusu iri-ge it unluk wolmomtak irit indingen perasolat-nen kwarusu-o.

MBIRIGA WENE 11:8

Worok tak posolat, Musa-nen yosolar-e: ”Nab-o. Kat keyabu wanugwi nap oboksa an neram lobok yogolat neram tebe luk-nen yogolar-e: ’Kar-e kelem nap inmin o yu me keya buruk mberer-o’ yogola-net an-e mbirimin-o” yosoluk, Musa na-ge isilepma wu luk Pirayon eram-nen mbirij-o.

NGGOMO WENE 27:22

Ap wij-e kwiye worak puk pak wuruwa-t nde, at-nen wid indi nggal woraso iri na-ge lak ma-ge lag-o.

AID WENE YOSO NAP 9:3

Iri bem-e enpem mboso mende iri-ge misiget ereb-et oboksa enpem mboso-nen yusu-o. Iri kwaroso iri nak perak nde yi mende ndi mende ndak worak pidnak mende oboksa inndi abi kalak poso mende-nen yusu-o. Nde, woragolar-e, ki nap inndi-ge meya nak kobong tak worasu-o. It-nen yebet kagwi min-et inndi lak-nen yebet kagwi nak kobong tak worasu-o. Iri kwarak irit worakmu, mimo wat yugwi-o.

YESAYA 1:5

Noluk-nen kir-e eyak wat tenak nak worali-o? Kir-e angin worak mende mondok kwiye worak tuguruk kenpem purak kindingen-a? Kenanggul-e nggwat nggwat ud nak-nen kobong tak, nde, kinndi min kit-nen yebet kagwi min-e mondok wat yidnak worasu-o.

YESAYA 60:14

Kat anggun panggun tak kubugwi nap inlirag-e kat keram lobok yuwarik, keram entare nggwe tud ma-o. Kat pesel kibidnak nab-e kat keram tebe ma-o. Nde, kat kunu yarogolar-e: ’Nagawan Indo uwi siri-o’ luk, ’Sion iri-ge Isarael Embal Pem Nagawan Marak iri na uwi-o’ luk yuwa-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

YAKOBUS 4:7

Iri ala-ge, kir-e Mbal Pem Nagawan eram tebe yer-o. Sere na lobok yosola-ge, kit kunsuru ndere yer-o. Iri yogola-ge, kit kendam-nen kwiye mburuwa-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.