1 YOANES 5:9 - Nanduk Ngget Tul Pidnak Wene

⁹ Nggweyak ma nap-nen kinggitli wene wanili-t nde, Mbal Pem Nagawan-nen kinggiridnak wene-ge terak minik nggulok-nen yusu-o. Nde, Mbal Pem Nagawan-nen Ambara owene kenggel nindidnak wene-ge yu-o.

1 YOANES 5:9 ပူးပေါင်းရင်းမြစ်များ

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

YOANES 10:38

Alat nde, an-nen-e at-nen nebem pidnak mende kwarusu ala-ge, kinndi-ge an nebem angin tubu yili bug-et nde, an-nen kwaroso mende bem nak kinndi angin tubu yer-o. Iri bem, kinndi angin tubu yugup ala-ge, an Neij-e an narem woralat, nde, an-nen na Neid arem woralat yili-o luk kwara kenaru yugub-o” luk yak indij-o.

YOANES 5:39

’Mbal Pem Nagawan engga mbarak yu bem unlug-et wolmomtak elem wanul-o’ peragoluk, kit-nen-e engga na kwara mbenarogolat worali-o. Irit nde, engga iri-nen an nowene kenggel kundusu-t nde,

YIDNAK YIDNAK WENE 17:31

Nde, at-nen-e ab-e ap pidsa enpem wene lud tak nak mbarurak tarem-e ndak worak pidnak worasu-o. Nde, ap enpem wene mbaruwakluk at-nen-e ap misik mendak pij-o. Iri yidnak nab-e wat yidnak nap ennggendumu-nen uruk tak pamu me, nenpem wene mbaruwa-o luk ap pidsa enaru rak pij-o” luk yij-o.

YIDNAK YIDNAK WENE 5:32

Nde, ereba kwaridnak oboksa iri-ge nit-nen na irit, Mbal Pem Nagawan-nen yidnak yidnak wanugwi nap wok indidnak Konak Indi-nen na irit, nenlengen-nen kaidnak nap-nen yili-o” luk yiga-o.

IBERANI 2:4

Iri kwarogola ereya na-net it-nen kinggiridnak wene lomboksa Mbal Pem Nagawan-nen na kenggera yak nondosolar-e, yenggerak purak mende kwatlik, kwiye worak mende kwatlik, kagwi buk mende kwarat kwatlik kwarosolar-e, at indi-n pidnak pem-net Konak Indi-nen we wok ondoso mende na tembesa wok ondoso-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.

1 YOANES 5:10

Iri bem-e, ta-nen nde Mbal Pem Nagawan Ambara ebem indi angin tubu yuwa nab-e kinggiridnak wene na-ge at arem worasu-o. Nde,ta-nen nde Mbal Pem Nagawan-nen kinggiridnak na wanigit lak me, Mbal Pem Nagawan-e enesiget yoso nap tak pusu-o.

1 YOANES 5:8

Konak Indi min yi min eyabi min it kenan yu-nen-e wene misiget erep nak kinggitli-o.